صني سوبر صالون ولا اكسنت اول فئة اوتوماتيك

السلام عليكم ورحمة الله وبركاته
يا جماعه انا كنت حاجز نيسان صنى سوبر صالون من حوالي شهر ونص وكلمونى دلوقتي علشان استلم وبصراحة قلقان من موضوع الفرامل اللى ظهر فى المنتدي مؤخرا وبدأت افكر فى الاكسنت ار بي اول فئة ب 128000 ومش هقدر ازود عن كده بأي حال من الأحوال.. بس المشكلة ان مفيهاش Abs ولا ايرباج ولا immobilizer...
وبصراحة مش عارف اتوكل على الله و استلم النيسان ولا اروح للاكسنت من غير وسائل امان..
انا مش ميال للبيجو علشان بدأت مشاكل تظهر والريو صغيرة وانا عاوز عربية عائلية واغلب تحركاتى داخل المدينة وسفر مرة او مرتين شهريا ومش بزود عن 120 نهائي (مش بتاع جري).. ومش هينفع كسر زيرو علشان هجيبها قسط
افيدونى بالله عليكم

تم نقلة لقسم المقارنات .

الاكسنت طبعاً وابعد عن مشاكل الصني اللي مبتنتهيش
يعني اعمل ايه بالايرباج وانا معنديش فرامل
وبعدين اتاكد من موضوع الايموبلايزر عشان اعتقد انه نزل من 2014 وسيبك من كلام البياعين روح شوفها بنفسك وخليهم يدورولك العربيه لو لقيت اشاره الايموبليزر موجوده ومنوره يبقى موجود
اشاره الايموبلايزر عباره عن عربيه جواها مفتاح ده لو انت مش عارف شكلها

صني مين !! و ايرباج مين !! لسه واحد عامل حادثه قويه ومفيش ايرباجز فتحت اصلا
اكسينت طبعا بدون نقاش

للاسف الاكسنت مفيهاش abs ولا ايرباج ولا immobilizer فى كل الفئات
اول فئة 126500 وتانى فئة 130000
الفرق بينهم فتحة سقف وفوجات وطارة مالتى

اما صنى شكل قديم او خليك فى الاكسنت احسنلك

يا اخوانا انا جبت الاكسنت 2015 اللي فيها فتحة سقف وفيها ايموبلايزر عادي ب 130000 مش عارف بقا الفئة اللي اقل منها فيها ولا لا بس انا علامة العربيه اللي فيها مفتاح شغاله عادي .. بس الفرامل لو دست جامد شوية العجل بيزحف ع الاسفلت لو كان فيها abs كانت تبقا زي الفل

الاكسنت افضل
الصني تحسها عربية قديمة و متأيفة
و طبعا الصني اوسع من الاكسنت بكتييييير و اعلي منها في الارتفاع
بس قطع غيار و تقفيل و شياكة الاكسنت

الأكسنت بكل فئتها فيها ايموبلايزر
لسه صاحبى شاريها من اسبوعين والأيموبلايزر موجود
بس صراحه ما تنفعش تكون عائليه عربيه ضيقه ومش هتعجبك خاالص فى النقطه دى
الصنى احسن منها مليون مره فى مسأله الوسع