-
تكييف وباور اللوجان
السلام عليكم
انا ناوي باذن الله اشتري لوجان مستعملة بس ناس خوفتني من التكييف بيقولوا مش بيسقع للي قاعد ورا مجرد هواء خفيف؟ وبالنسبة للدركسيون كنت راكب مع سواق فيرنا قالي دركسيون اللوجان زي بتاع الشاهين ومش بتعرف تلف بايد واحدة مش عارف الكلام ده صح ولا ايه
-
معلومه التكيف غلط
الدريكسيون تحس انه هاف بور مش بور كامل بس بيتلف بايد واحده عادى بس انا شايفها ميزه مش عيب
-
انا سقت قبل كده شاهين وفيرنا بالنسبة للباور بتاع اللوجان شبه انهي فيهم بقي؟الفيرنا وانا واقف بلففه كله لكن الشاهين صعب انا عايز اعرف الحته دي بالذات للوجان
-
التكييف فعلاً مش بيوصل البرودة لورا كويس
والدركسيون صعب تلففه بايد واحدة.
-
يا جماعة انا متابع العربية من 2010 وكان نفسي اجيبها بس الظروف المادية مكانتش تسمح لكن دلوقتي الحمد لله فقلت اجيبها مستعملة ومش شايف غيرها ياريت توضحوا بدل الاستاذ اللي داخل يتريق انا هنزل اخلص النهاردة باذن الله ومش هنام كمان ومستني الردود
-
هو الكلام صح .....لكن مش دا الفيصل فى حكمك عليها
-
التكييف كويس و بيوصل ورا عادى (انا كان معايا فيرنا قبل اللوجان و الفرق مش كبير فى التكييف)
الدركسيون تقيل (بس اكيد اخف من بتاع الشاهين)
انا رأيى تسوقها قبل ما تشترى عشان تحكم بنفسكز
-
التكييف كويس و بيسقع ورا تمام
الباور تقيل سنه يعني كان معايا لانسر كريستاله البور بتاع اللوجان 75 % من الكرستاله
وبيتعامل بايد واحده عادي
-
التكييف انا فاصل السخن عن الدايرة وعزلت بين صدر العربية والماتور وغلفت مواسير التكييف بعازل اسود زي بتاع مواسير تكييف البيت والحمد لله لما حد بيقعد ورا شوية وبيطلب اطفى التكييف , بالنسبة للدركسيون تقيل مفيش كلام وركبت جراب عريض للدركسيون علشان يساعدني لانة بيزود العزم شوية .
Content Relevant URLs by
vBSEO 3.6.0 PL2