تحذير من الصمدى للزجاج المحله
ياجماعه انا عانيت في تغيير البرفيز اﻻمامي في عربيتي وروحت للبيه علي اساس انه ثقه وكنت اعرفه من ايام الستروين ..
طبعا قالي في نوعين اﻻول ب 320 والتاني ب 380 جنيه انا عربيتي سيراتو 2010 .. طبعا قولتله انا صعبان علي اغير اﻻصلي بس الفمره ان المرور مغلس عشان شرخ تحت ..
المهم قولتله مش فارق الفلوس النظريه انك مخربش الجوان وتركب بنظافه قالي متقلقش ..
ركب الازاز وكان عليه ختم كيا شبه اﻻصلي تمام وبعد 3 ايام طلعت العربيه من الحراج بليل وخرجت وبدات احس بتعاريج في البرفيز مع السواقه بليل وطبعا حاجه تخيل في المطبات .. بدات التفت ان في تعاريج ظاهره فيه وطبعا كلمته ورحتله قالي وﻻ يهمك مفيش مشاكل هتات العربيه يوم الجمعه في الرواقه اغيرهولك عشان مخسرش الي انا ركبته ده ..
طبعا روحتله الجمعه ومكنش موجود بس كان سايب خبر مع الناس بتوعه وطبعا لم شاله شابه سليم وقبل نيركب التاني قولتله ثواني اخش العربيه وابص عليه .. وطبعا لقيته معرج زي التاني بس الاماكن مختلفه ..
كلمته في التليفون قالي انا مش مقتنع بكﻻمك وانا المره الي فاتت مشفتش تعريج بس انت زبوني ومش عاوز ازعلك .. قولتله المهم انا شايف ايه ؟؟ وانا بقولك ده معرج وانا مش فارق الفلوس انا عاوز حاجه نظيفه انشالله لو جريش قالي نش شغال فيه بس هجيبلك حته بكره وتعاله ركبها
روحت يوم السبت وشال الي حطه كده بلدي من غير سيلكون وبدا يفرجني واحد ورا واحد وكلهم زفت ومليانيين تعريج اكتر من اﻻول ... لحد مجابلي جريش وطبعا رؤيته كانت اوضح بس في تعريج خفيف بمعني انه اقلهم
طبعا معجبنيش وساعتها بقي قالي ده بتاعك وانا مش هغيره انت الي قولت جريش وانا مش شغال فيه.. وطبعا شد قدامي في الكلام .. قولتله خده وشوف انت تعبت بايه واخصم من الفلوس وهات الباقي طبعا مرداش واصر انه يلبسني الازاز المعيوب للدرجه اني قولتله خد نص تمنه وهات الباقي ومرداش قولتله مش سيادتك مقتنع انه سليم طيب خده بنص تمنه برضه مرداش وطبعا ان للست البرفيز المعيوب .. ومنه لله ودي نصيحه لو اي حد في المحله ويعرف النصاب ده ميغيرش عنده حاجه وربنا يعوض علي في الفلوس الي خدها ...