حد جرب كاسيت lg في العربيه ورايكم فيه ايه ؟؟؟
عرض للطباعة
حد جرب كاسيت lg في العربيه ورايكم فيه ايه ؟؟؟
سيء جدااااا - هو شكل وصوت كويس لكن جودة صناعة مفييييييش
انا جبته 695 جنية وباظ بعد شهر تقريبا - والضمان قالولي قطع باور وسيبه وهانبعت نجيب قطع الغيار وسيبته ومفيش حاجة اتعملت - واخدته ورميته في البيت محدش عارف يصلحه
سونى 500 باقيلوا سنتنين زى الفل روعة كانك مركب جى ام
اخر كلام يا جدعان السوني احسن حاجه ولا في حاجه افضل
بيونيير .... كاسيت يعني بيونيير !!! متتعبش نفسك و تلف و تدور معاك 640 جنية ؟ روح اوتو ماركت و جيب موديل 1750 دا 2015 ولو معكش حيب ال1650 ب595 دا موديل 2014 دا الفرقو مش هتدم و هتدعيلي ولو معاك 780 يا سلام تجيب موديل 3650 دا ميكس تراك و تغيير الوان و حاجة تحفة و مش موجود غير عند التوكيل اوتو ماركت ... هتجيب سوني هتجيب كنوود حلو بس مفيش احسن من البونيير بشهادة كل الناس هنا .... بيونيير ثم سوني ثم كينوود ... و انا معايا كاسيت ياباني / مصري حلو بس هبيعو وجيب بيونيير
1000 على المعلومات دي
بس ليه كام سؤال معلش
- موديلات البيونير اللي حضرتك بتقول عليهم دول صناعه ايه ؟؟؟
- ايه الفروقات بين الموديلات دي شكل بس ولا اختلاف اوبشنز ؟؟؟؟
- اللي فهمته من كلامك ان اوتو ماركت ده وكيل بايونير في مصر اللي انا فهمته ده صح ولا غلط ؟؟؟؟
- واهم حاجه بقى فين اوتو ماركت ده عشان انا معرفهوش ؟؟؟
معلش بقى تاعبك معايا
-جميع موديلات بيونيير تاياواني او ماليزي عامة عمرة مكان صيني او كوري حتي
-فرق الموديلات في الاوبشنز زي تغيير الالوان \ المخارج الrc 2 ولا 4 تحكم صب \توصيل اجهزة ابل علي الusb ولا لأ دي الاوبشنز اغلبها و اهمها الباقي هوا هوا مع العلم موديلات 2015 افضل من 2014 لو نفس الكاسيت مثالاً 1650 دا موديل 2014 و 1750 دا نفسة بس 2015 الفرق علي حسب كلام التوكيل اسرع في الاختيار عشان فية بروسيسور اعلي حبة لاكن مفيش فرق خالص في اي حاجة اخري ... اما عامة فا كل الكاسيتات البونيير نفس النقاء و الاداء المبهر :)
-اينعم هوا توكيل سوني و بيونيير
-لية فرع في شبين الكوم و فرع في الاسكندرية علي الكورنيش و بيشحن لأي مكان تاني
لية صفحة رسمية علي الfacebook للتواصل و حاطط ارقام
انتا تؤمر يا باشا :)
باشا ريح دماغك وهات الصيني 250 جنية زي الفل CitiSound - Symphony
شغالين زي الفل ودول انضف ماركتين تقريبا
حتي لو باظ مش هاتزعل عليهم
ممكن اعرف فين فى شبين الكوم او رقم تليفون
هي وجهات نظر بس انا بصراحه مؤمن بمقوله " الغالي رخيص" لان الحاجه الغاليه بتغرم مره في الاول وبعد كده تنساها خالص وتريح نفسك بقى من كل شويه اصل ده باظ وده مش عارف بيعلق ومش عارف حصل ايه لايه والجو ده بس أهم حاجه الواحد يشتري حاجه نضيفه فعلا وميتنصبش عليه
ولو كان على كاست رخيص ويمشي الحال طيب ما انا راكب عندي رودستار وشغال ما اوفر خالص واستحمله وخلاص
عشان كده بصراحه يا أركب حاجه محترمه يا بلاش خالص
انا عملت كده فى الاول وركبت دى فى دى دبل دن
سيمفونى.........ولقيت الاتى:-
الاغانى مترتبه عشوائى ومفيش ملفات للالبومات
يعنى عملت ميت حاجه علشان ارتب الاغانى وبرده
تترتب عشوائى! وبعدين الصوت تعبان واخيرا فتحه
اليو اس بى اتكسرت من جوه رغم انى حريص...
لما تعبت غيرته وجبت من الاخر بيونير ..ايه الحلاوه
دى ،صوت رائع. الاغانى ملفات باسم المغنى
او النوع .بلو توث له سماعه تتركب على القايم
الشمال تتصل وترد من الجهاز .تشغيل اغانى
من الموبيل بالبلوتوث..
تطبيقات علىap store متنوعه ممكن تعمل
الموبايل ريموت كنترول وحاجات تانيه كتير.
حاجه روعه وحاشترى
له ريموت طاره للتحكم فيه من الطاره لان
الطاره عندى مش ملتى.
فنصيحه هات بيونير من الاخر وريح نفسك.
تحياتى.
انا مركب ال جي في عربيتي بقاله سنتين، وكان شغال ع العربية القديمة قبلها سنة كمان، شغال بكفاءة الحمد لله ومفيهوش مشاكل على الاطلاق، وفيه كل الاوبشنز العادية، يو اس بي وبيتفك وبيتركب والله الحمد لله تمام جدا.. كنت جايبه من التوفيقية ب 550 من 3 سنين..