السلام عليكم ورحمة الله وبركاته
رايكم الافضل فلوينس ولا استرا
عرض للطباعة
السلام عليكم ورحمة الله وبركاته
رايكم الافضل فلوينس ولا استرا
الفلونس ظهر فيها مشاكل فسنة واحده تكغي لتغير القرار فالشراء والاسترا عايزة 95 وضيقة الخ خليك فالكورولا وخلاص
لو حضرتك أسرتك مش كبيرة هات أسترا
تقفيلها عالى اوي وخامتها أعلى
بس الفلوانس فيها مميزات مش موجودة فى الأسترا......واسعة وقطع غيار تقريبا أرخص
توكيل أحسن......كماليات أكتر بسعر أقل
بس الأسترا حلوة..........وبدأت أحس انها منتشرة أكتر من الفلوانس
والتابلوة بتاعها شيك جدا......وخاماته نضيفة ............
هى غالية حبتين.....بس تستاهل
والفلوانس من الحاجات اللى مش عجبانى فيها وبكل أمانة.............
مثلا على سبيل المثال..........قفلة الباب مابتعجبنيش......مافيهاش تقل ورزانة الأوروبى
التابلوة شكله مش حلو...........وزراير التكييف والكاسيت صغيرة
بس الفلوانس أوسع من جوة عن الأسترا
متهيألى عزل الأسترا أحسن من الفلوانس
الفلوانس فيها سمارت كى جميل جدا........متهيألى الأسترا مفتاح
يعنى الموضوع على حسب اهتماماتك واحتياجاتك
وبالتوفيق
الفلوينس عيوبها كتير اتعرفت خلاص مش هنحكي فيها تاني
الاسترا افضل منها و بتاخد بنزين 92 عادي
الاسترا وزنها تقيل على الموتور 1400كجم على موتور 115 حصان و فعلا محتاجه بنزين 95 بسبب موضوع الرجه و النتشه اللى ظهرت فيها و زى الزملاء قالوا المساحه الداخليه ضيقه و الشنطه
الكرولا غاليه وشايف ملوش لازمه ومنخفضه
وحكايه الاسترا فبنزين 95 وتوكيل منصور
الفلوينس مشكله الرجه اللي ظهرت مع بعض الناس هل في مشكله تانيه فيها؟؟؟؟
كان نفسي ف القاشقاي بس الاوفر برايس ونزول شكل جديد بموتور جديد ومن جوه مش فيها كماليات عربيه ب 200 الف والسحب بطىء
بدأت افكر ف بيجو 3008 محتار
انا كنت خلاص هشتري الفلونس بس عيوبها فاول سنة كتير والاسترا ضيقة وعايزة 95 اسمع مني الكورولا معقولة وكماليات مش بطالة وتبيعها متخسرش
استرا ايه اللى بتحتاج ٩٥ وماتور ايه اللى ضعيف على العربيه
يا جماعه رجاء ادو للراجل نصيحه عن تجربه بلاش عن سمع
الاسترا و الفلوينس والكورولا عربيات محترمه وانزل بص عليهم بنفسك وشىف التقارير المكتوبه عنهم واستخير ربنا
انا شخصيا عاشق للكورولا بس فى الاخر اشتريت الاسترا والحمد لله مبسوط جدا بيها والسبب انها كانت معايا بره مصر وكانت وحش وكانت استيت كمان مش صالون يعنى وزنها اتقل وديزل
لا تمسى التوكيل واعادة البيع منصور زي الزفت والباقي معروف
فكر فالسيفيك مع الاسترا
سكودا a7 و كورولا اعتقد انسب لو الماني او ياباني
هات الاسترا
فى الوقت الحالى استرا وفكر برضه فى كورولا
يا استاذ ياسر بجد نفسي افهم موضوع تقل الطلعة ده
طيب ما هو الفلوانس معلش في اللفظ-بطة بلدي-في الطلعة!يبقى لازمة إني لما أقارن بينها وبين الأسترا اقول ان الأسترا طلعتها تقيلة! ما هو ده عيب مشترك صح ولا غلط؟
موضوع الرجة موجود في الجميلة "الفلوانس"
يعني بصراحة الفلوانس تتفوق في الوسع وبعض الأوبشن
لان الاسترا ضيقة فعلا لو رجعت الكرسي ده غير ان تحت مسند اليد ورا عند الكنبة الخلفية من تحت ،فيه بروز عالي بطريقة مزعجة!
ارجوك متفهمنيش غلط بس كمان ارجو ذكر عيوب العربية التانية عند المقارنة
على فكره انا مش باقول الملحوظه كعيب . الاسترا فعلا تقيله كوزن على الموتور و الموضوع ده موجود فى الاوبل من زمان و ما فيش عربيه فى الفئه دى بالوزن ده و الموتور ده . الاوروبى كله طلعته تقيله بس الاسترا اتقل طالعه فيهم و انا نفسي كنت كاتب موضوع هنا عن طالعة الفلوينس و قايل فيه انها مش بتاعة شد او حرق . نتشة الموتور برضه مش عيب لانه بيروح مع استخدام بنزين 95 ده بالنسبه للاسترا يبقا ما اقدرش اكلم عليه كعيب و لكن ده برضه تصميم عربيه قد يناسب بعضنا و لا يناسب الاخر .
و كل سنه و انت طيب :)
فكر في النيو سيراتو , كويسة عن استخدام
أعتقد الإمبريزا أفضل
المواصفات الخاصه بالوكتافيا فانتازيا
ابعاد السيارة:
الطول 4569 مم
العرض 1793 مم
الارتفاع 1691 مم
قاعدة العجلات 2578 مم
وزن السيارة
وزن السيارة فارغ 1310 – 1470 كجم
المواصفات الفنية لمحرك سكودا اوكتافيا فانتازيا 2013
محرك رباعي الأسطوانات سعة 1.6 لتر بقوة دفع حصانية 105 حصان عند 4400 دورة فى الدقيقة
واقصى عزم 250 نيوتن متر عند 2500 دورة فى الدقيقة
سعة خزان الوقود 55 لتر
الريفرنس هو نايل موتورز نفسه
محى باشا
ازيك....؟
اسمح لى أعلق بعد اذنك
الأرقام دى دخلت ٣ موديلات فى بعض
الفانتازيا غير الA7 ال1.6 غير الA7 ال1.4TSI
أظن أستاذ محمد بيتكلم عن الA7
وهى أخف فعلاً تقريباً ١٠٠ كيلو عن الفانتازيا والأسترا
و الموديل ال1.6 بتاع الA7 موتوها ١٠٩ حصان عند ٥٢٠٠ rpm وعزم ١٥٠ عند ٤٢٠٠ rpm
موتور ال١٠٥ حصان نزل مصر فى الفابيا والرومستر وده كان ١٦ صمام و ٢ كامة
إنما الفانتازيا كانت ١٠٢ حصان ٨ صمام كامة واحدة فقط
عزم ال٢٥٠ ده بقى الموتور التربو ال1.4 ال١٤٠ حصان وده نزل فى الA7. والعزم ده الموتور بيطلعه عند ١٥٠٠-٣٥٠٠ rpm فقط. موتور جبار الصراحة