الموضوع: حكايتى مع سيراتو 2015

المشاركة الأصلية كتبت بواسطة amromdiab

يا ريت لو توضح حجم الفارق ما بين اضاءة اللمبة philips ولمبة العربية الرئيسية
.
و هل الفارق في حجم الاضاءة يستحق شراء هذه اللمبة؟

هل لون الإضاءة ابيض مثل الزنون ام لا ؟
هل يوجد نفس اللمبات للفوجات ?

( منقول )

النهارده هانتكلم عن موضوع اتسألنا عليه كتير وهو لمبات extreme vision من شركة فيلبس الألمانية ...
وهل اللمبات دى بتفرق فعلا فى الاضاءه ولا لأ ؟؟
طيب ولو بتفرق بتكون بنسبة اد ايه ..؟؟
وهل الوات بتاعها عالى ولا ﻷ ؟؟
طيب نمسك الموضوع واحده واحده ..
لمبة extreme vision تم تصميمها لكى تحقق رؤيه واضحه فى الظلام وهى الاختيار الامثل لكل شخص عاوز يركب لمبات الهالوجين ومش بيحب الزينون فى عربيته وطبعا كلنا عارفين ان كل لما تشوف كويس كل لما تعرف تقود وتتصرف كويس ..
فكرة اللمبه :
انها هالوجين عاديه خالص لكن مزوده بغاز الزينون لاعطاء اضاءه اعلى واقوى من الهالوجين وطبعا زى ما قولنا هى مش زينون وبدون ما يتم تغيير الكلفن او درجة لون اللمبه وكذلك بدون زيادة الوات بالعكس الوات بيكون اقل من الهالوجين العاديه 55 w وده معناه انها مش هاتولد حراره اكتر من الهالوجين العاديه وبالتالى مش هتؤثر على بطاريه او الفوانيس ...
طيب نيجى بقى لقوة الاضاءه
لمبة extreme vision بتديلك 100%.ضعف الاضاءه عن لمبة الهالوجين العاديه يعنى ادها مرتين بدون زيادة الوات ولا الحراره ولا الكلفن .
عمرها الافتراضى بيكون من 18 الى 24 شهر وطبعا ممكن تقعد اكتر من كده على حسب طريقة ومدة استخدامك للمبه.
ال extreme vision تعطى اضاءه تصل الى 35 متر امامى .
المنتج ده فاز بعدة جوائز زى جائزة الافضل مبيعا ل اوتو اكسبريس 2011.
انا شايف ان المنتج ده مثالى جدا لكل اللى حابب يخليه على اضاءة الهالوجين لكن بضعف قوة الاضاءه ومش بيحب الزينون وهو منتج امن جدا على السياره ومفيد فى القياده الليليه
extreme vision , diamond vision and crystal vision هانتكلم النهارده عن الفرق بين كل لمبه ولمبه
اولا extreme vision ودى اقوى لمبة نزلت فى العالم الى الان لانها بتدى اضاءه 100 % زياده مقارنه باللمبه العاديه يعنى قد قوة العاديه مرتين ضعف الاضاءه وبيوصل مداها ل 35 متر امامى
Extreme vision اضاءتها صفراء لكن افتح من الاصفر العادى من مميزاتها قوة اختراق اى طريق واى نور وطبعا جميله جدا فى الشبوره لانها اصفر فبتخترق اى شبوره .
النوع التانى وهو crystal vision ودى درجة لونه ابيض ولكن مائل الى الاصفر وتعتبر نفس درجة الزينون الاصلى اللى بيكون فى الجيتا وفانتازيا والبى ام ، crystal vision بتعطى اضاءه 50 % ازيد من الاضاءه العاديه يعنى قدها مره ونص .
من مميزات اللمبه دى انها بتجمع بين اللونين الابيض والاصفر فطبعا دى على الطريق بتكون جميله وبتناسب اى جو وطريق سواء فيه عمدان صفراء او ظلام وكذلك تخترق الشبوره نظرا لوجود نسبة اصفرار فى اللون .
نيجى للنوع الثالث وهو معشوق الجماهير وهو Diamond Vision وهو اللمبات شديدة البياض اللى بتعطى مظهر الزينون تماما طيب اللمبه Diamond بتعطى برده 50 % اضاءه اكتر من اللمبه العاديه يعنى قدها مره ونص مع اضفاء مظهر الزينون الابيض ودى من مميزاتها انك بتركبها بدل الزينون عشان تخلص من مشاكل الزينون من قطع غيار تتحرق وغيره وفى نفس الوقت كأنك مركب زينون فى اللون ومش بتحتاج فتره عشان تسخن للوصول لاقصى اضاءه زى الزينون لكن بتسخن على طول . طبعا العمر الافتراضى للمبه اعلى بكتير من الزينون حوالى 5000 ساعه .
من عيوبها زى اى نور ابيض انها فى الطرق اللى فيها اضاءه صفراء زى عمدان النور مش بيكون ليها لازمه لكنها بتكون جامده اوى وواضحه فى الطرق المظلم