طرمبه بنزين ممكن

**alassaby5** · 22-06-2014 02:26 PM

السلام عليكم انا عندى مشكله فى الاستهلاك بدايه الموضوع وانا مسافر فجاه العربيه بدات تقطع وانا مسافر المهم بعد مشوره الاخوه فى المنتدى وعملت بعض التجارب منها واللى لحظت تغير بعدها انى فكيت الطرمبه من التنك ونظفتها وفعلا نزلت حجات مش كويسه كتير وبعدها العربيه ظبطت ولاكن فوجئت بعدها ان استهلاك البنزين زاد جدا جدا جدا لدرجه ان التر بيعمل حوالى من 5.5 الى 6 كيلو ودى كانت صدمه فجربت امون من بنزينه تانيه وفولتها علشان احسب لها ولاكن دون جدوا نفس الاستهلاك العالى وكنت قرات فى المنتدى عن كيفيه قياس الطرمبه وهى انى اخد الراجع من الرشاشات والمفروض يملا واحد لتر فى 30 ثانيه وبالفعل عندما قست الطرمبه بعد التنظيف خرجت حوالى لتر الا ربع فى ال30 ثانيه ولاكن بعد هذا الستهلاك ده قلت اقيسها تانى فكانت المفاجئه ملت ربع لتر فى ال30 ثانيه فهل هذا يؤدى لهذا الاستهلاك وما سبب عطل الطرمه هل فعلا الريجلاتور فى حين لو الريجلاتور عطلان فيجب انه يكتم البنزين وقمت بتجربه الطرمبه مباشر من عند التنك فشغلت الطرمبه مباشر واخذت الطرد اقيسه ولاكن اول لما اشغل الطرمبه مباشر تعطى قوه دفع شديده لمده 3 ثوانى ثم صوتها يتغير وتضعف فهل هذا يكون الطرمبه ضعيفه ولا فى حاجه سداها ارجو من الزملا الاعزا النصيحه وشكرا

**aelmohamady** · 22-06-2014 08:55 PM

الطلمبة كده ضعيفة ولازم تغيرها علشان هاتقف منك فجأة والعربية هاتعطل

Sent from my samsung GT-I9152 using Forum Runner

**ادوارد** · 22-06-2014 09:44 PM

كان عندى نفس المشكلة وسببها ضعف الطرمبة مع انسداد الريجلاتور اللى فوق المسطرة فكة وافتح كونتاكت شوف بيجيب بنزين ام لا يعنى الطرمبة بضخ بنزين والزيادة الريجلاتور بيرجعة لطرمبة لو الريجلاتور مسدود مش هيرجع الباقة لطرمبة وكدة يحصل الاستهلاك مع حمل على الطرمبة فيؤدى لضعفها

**tarek_2005** · 23-06-2014 09:12 AM

لا الرجيلتور ولا الطرمبة ليهم علاقة بزيادة استهلاك البنزين
اسباب زيادة استهلاك البنزين

1 - طقم البوجيهات
2 - اسلاك البوجيهات
3- الرشاشات
4 - البوبينة
5 - ضعف طقم الدبرياج
6 - مكنة خفيفة
7 - تهريب جوان وش سلندر
8 - عيب صبابات

**aelmohamady** · 23-06-2014 07:21 PM

المشاركة الأصلية كتبت بواسطة alassaby5

اولا انا شاكر جدا لاهتمامكم انا بالفعل فكيت الطرمبه ووجدت ان مصفه الطرمبه الداخليه اللى ركبه على ماتور الطرمبه مكتومه نهائى وفكيتها ونظفتها ونذلت حاجات كتير سوده وعامله زى التراب الاسود وبعدها جربت الطرمبه بوصله خارجيه اشتغلت لدرجه انها ملت 1 لتر فى 22 ثانيه بعد ما كانت بتملى ربع لتر فى ال30 ثانيه ولاكن المشكله فى ان كفر الطرمبه اللى بيدخل فيه الماتور باظ منى لانى بعد ما نظفت كل حاجه واحد واقف معايه مخدش باله داس عليه كسره فكدا الطرمبه من غير كفر خارجى وبالتالى لا يمكن تركيبها فى التنك فهل الكفر بيتباع لوحده وشكرا لسيادتكم

لا للاسف اللى بيتباع هو الموتور بس

Sent from my samsung GT-I9152 using Forum Runner

**Ahmed-SAMIR** · 24-06-2014 02:30 AM

الموتور لوحده او الطرمبة بالموتور والعوامة كلهم مع بعض وى اسعار المجموعة كاملة

طرمبة بنزين كاملة صيني 180 ج
طرمبة بنزين كاملة استيراد ب 200 ج
طرمبة بنزين كاملة أصلي ب 610 ج
طرمبة بنزين كاملة كوفوس ب 480 ج