هل يجوز عمل صحة توقيع لعقار لكن البائع متوفى؟

**elrasy** · 24-06-2014 12:51 AM

المشاركة الأصلية كتبت بواسطة medo_31

ترفع دعوى صحة التوقيع على ورثة البائع للحكم بصحة توقيع مورثهم على العقد الابتدائي ولهم الحق بالطعن بالجهالة والانكار أو الطعن بالتزوير لكن في كل الأحوال سيحكم لك بصحة التوقيع , وهذه الدعوى لها قيمة قانونية خاصة فقط بتوقيع البائع لكن الأفضل طبعاً هو دعوى صحة ونفاذ العقد ثم التسجيل النهائي ,لكن الغالبية تكتفي بصحة التوقيع

هل صحة التوقيع بيكفي ؟

هل الصحة و النفاذ بيكون الحل لو اﻻرض مش مسجلة ؟

**Mohamed A S** · 24-06-2014 07:55 AM

طب وإذا كان العقد مكتوب لأحد الورثة ولم يتم عمل إعلان وراثة من اساسه فما الحل؟؟ هل يتم رفع قضية صحة التوقيع والا لا يجوز؟

**medo_31** · 24-06-2014 03:06 PM

المشاركة الأصلية كتبت بواسطة elrasy

هل صحة التوقيع بيكفي ؟

هل الصحة و النفاذ بيكون الحل لو اﻻرض مش مسجلة ؟

شوف الصحة ونفاذ أضمن طبعاً لكن الكل ماشي بصحة توقيع تقدر بيها تدخل عداد مياة وكهرباء وسريعة في اجراءتها وأوفر في الفلوس .

**medo_31** · 24-06-2014 03:09 PM

المشاركة الأصلية كتبت بواسطة mohamed a s

طب وإذا كان العقد مكتوب لأحد الورثة ولم يتم عمل إعلان وراثة من اساسه فما الحل؟؟ هل يتم رفع قضية صحة التوقيع والا لا يجوز؟

مش فاهم مسألة إن العقد مكتوب لأحد الورثة ؟ تقصد إن المشتري واحد من الورثة ؟
ومسألة إعلام الوراثة فيه قاضي بيطلبه وقاضي لأ ,لكن الغالب إنه هيطلبه علشان يتأكد إنهم ورثته
وكمان علشانك إنت إن مفيش حد بعد كده يقدرينازعك في توقيع مورثه

**Mohamed A S** · 25-06-2014 10:22 AM

المشاركة الأصلية كتبت بواسطة medo_31

مش فاهم مسألة إن العقد مكتوب لأحد الورثة ؟ تقصد إن المشتري واحد من الورثة ؟
ومسألة إعلام الوراثة فيه قاضي بيطلبه وقاضي لأ ,لكن الغالب إنه هيطلبه علشان يتأكد إنهم ورثته
وكمان علشانك إنت إن مفيش حد بعد كده يقدرينازعك في توقيع مورثه

ايوه تمام العقد مكتوب لأحد الورثة بشقة في المنزل الموروث لجميع الورثة وهم 6 أشخاص.
يعني يفضل عمل إعلام أو إعلان (مش عارف انهي اصح) الوراثة قبل البدء في موضوع صحة التوقيع.

**medo_31** · 25-06-2014 04:39 PM

المشاركة الأصلية كتبت بواسطة mohamed a s

ايوه تمام العقد مكتوب لأحد الورثة بشقة في المنزل الموروث لجميع الورثة وهم 6 أشخاص.
يعني يفضل عمل إعلام أو إعلان (مش عارف انهي اصح) الوراثة قبل البدء في موضوع صحة التوقيع.

أيوة لازم إعلام وراثة الأول قبل صحة التوقيع

**elrasy** · 25-06-2014 07:09 PM

المشاركة الأصلية كتبت بواسطة medo_31

شوف الصحة ونفاذ أضمن طبعاً لكن الكل ماشي بصحة توقيع تقدر بيها تدخل عداد مياة وكهرباء وسريعة في اجراءتها وأوفر في الفلوس .

طيب انا شقتى عاملها صحة توقيع و توكيل بيع للنفس و الغير و نقلت عداد الكهربا باسمى,,, هل دة يكفى؟ وهل فى اى ضرر مستقبلا لو اكتفيت بكدة ؟

تحياتى لاهتمامك ,,

**medo_31** · 25-06-2014 07:35 PM

المشاركة الأصلية كتبت بواسطة elrasy

طيب انا شقتى عاملها صحة توقيع و توكيل بيع للنفس و الغير و نقلت عداد الكهربا باسمى,,, هل دة يكفى؟ وهل فى اى ضرر مستقبلا لو اكتفيت بكدة ؟

تحياتى لاهتمامك ,,

كده تمام أوي ويكفي ومفيش أي ضرر ...
لكن للجميع بخصوص أهمية التسجيل إن ممكن حظك يقع في بائع نصاب يبيع الشقة أو الأرض مرتين هنا بتظهر أهمية التسجيل لأن العبرة في من يسجل أولاً أما الآخر فله الرجوع على البائع بالمبلغ زائد التعويض
لكن نظراً لرسوم التسجيل المكلفة فمعظم الناس تكتفي بصحة التوقيع وماشية بدون مشاكل

**elrasy** · 27-06-2014 04:50 PM

المشاركة الأصلية كتبت بواسطة medo_31

كده تمام أوي ويكفي ومفيش أي ضرر ...
لكن للجميع بخصوص أهمية التسجيل إن ممكن حظك يقع في بائع نصاب يبيع الشقة أو الأرض مرتين هنا بتظهر أهمية التسجيل لأن العبرة في من يسجل أولاً أما الآخر فله الرجوع على البائع بالمبلغ زائد التعويض
لكن نظراً لرسوم التسجيل المكلفة فمعظم الناس تكتفي بصحة التوقيع وماشية بدون مشاكل

يعنى فى حالة النصب اللى مسجلش يقدر بردة يشتكى البائع و ياخد حقة ؟

**darsh848** · 03-03-2015 12:18 AM

السلام عليكم
دلوقتى احنا رفعنى دعوى صحة توقيع على ورثة البائع
وحضروا و انكروه العلم بالبيع
وكان الشاهد على البيع فى العقد احد الورثه اللى اقر بعدم علمه بالبيع
و راحت لعمل مضاها لبصمتها بعد حلفانها اليمين والتقرير اثبت انها بصمتها و اتفضل بصمة البائعه (متوفيه)
وانا مش لاقى ورق رسمى للمضاها بيه للبائعه لان البائعه متوفيه من اكتر من 20 عام و العقد من اكتر من 33 سنه
ايه الحل دلوقتى