السلام عليكم
انا شوفت الصورة دى على الفيس
http://nileup.com/up/uploads/nilemotors_14034470291.jpg
انا استغربت اوى من الصورة هية الناس دى بتتكلبش عربياتهم زينا ولا اية و على العموم دى بداية مبشرة جداااا يارب اصلح حال مصر و احفظها
عرض للطباعة
السلام عليكم
انا شوفت الصورة دى على الفيس
http://nileup.com/up/uploads/nilemotors_14034470291.jpg
انا استغربت اوى من الصورة هية الناس دى بتتكلبش عربياتهم زينا ولا اية و على العموم دى بداية مبشرة جداااا يارب اصلح حال مصر و احفظها
حلو اوى كده
جميل, بس على الله مايكونش خربها على راس الأمين والعسكري بعدين :)
على فكره البادج ده ناس كتير بتحطه نصب
اتمني سيف القانون يتحط ع رقاب الهيئات العليا اول ناس حتي يعتبر باقي الشعب
معلش يعني دا أحنا شعب هوائي أوي
لما هايجي صاحب العربيه هاينده علي أكبر شنب بأكبر سيوف و نسور علي كتفة و هايقوله أنا فلان الفلاني و شيل الهباب اللي أنت حاطه ده ...هايقلب بطه و يشيله
أيه النتيجه بقي اللي أحنا أستفدناها أو أستفادتها ما تسمي الدوله ... صورة نتكلم عليها... هو ملوش مخالفات أصلا
ربنا معاكو
طيب اتمني اشوف فاللجنة
العربيات الي بدون لوحات ومتفيمه بالطبع
بتقف ولو لمرة واحدة
ياباشا الكلبش هايتفك من غير غرامه هو بيكلبش لانه مايعرفش هو عضو هيئه قضائيه فعلا ولا واحد بيهيس
اسااسا اعضاء الهيئه القضائيه معاهم حصانه يعني مابيجلهمش مخالفات اصلا فكده كده مش فارقه مش عارف انتم فرحانين اوي بالصوره ليه كده هههههههههه
تاني حاجه ممكن اصلا ده صاحبها لا يكون هيئه قضائيه ولا نيله ويكون زبون محدث نعمه ودي كتييير اوي وعلى فكره انا ليه قرايب نيابه وقضاء ومفيش حد فيهم شايل نمر ولا عامل اي حاجه ولا حتى حاطين بادج القضاء فمش شرط اي حد لاطع بادج قضاء او عامل نمره سو\ده يبقى قضاء فعلا
تالت حاجه بقه انه بفرضن دي عربيه قاضي مثلا فهو ولا هيزعق ولا حاجه بكل بساطه هياخد تاكسي ويروح ويبعت اي حد من النيابه عنده يجبله العربيه لحد عنده وخلاص
عشم ابليس في الجنة
يعني انتم متخيلين ان دي لو بتاعت وكيل نيابة فعلا
لما يجي بقه يشوفها ويروح للعسكري او الظابط هيقوله ايه وهيعمل ايه !!!!!!!
طبعا كل واحد حر في رايه و رده
بس على الاقل تمنوا الخير و الصلاح و قولوا في الاخر
يارب يطلع حقيقي و البلد تتغير
مش كله سلبي في سلبي
ياباشا التمني شئ والواقع شئ
احنا مش نعام علشان ندفن راسنا في الرمل
البلد علشان تتغير لها طرق غير الصورة دي خالص
ولو اي حد مستني ان الخير يجي بالحركات دي يبقى لازم يراجع نفسه وافكاره
والمهم ان الحال لو منصلحشي يبقى ميبررشي ويفتكر الكلمتين دول ويراجع افكاره
عمر الظلم ما قوم دولة
ربنا يستر فعلا على الضابط
ربنا يستر فعلا على الضابط :fun_10_9_134[1]::fun_10_9_134[1]:
مين عارف، يمكن يكون من حركة قضاة من اجل مصر :)
و ده تار بايت عند الداخلية
بس اتمنى فعلا يكون في قانون و بيمشي علي الكل
هو فعلا علامات ان احنا بقينا دولة ظهرت جدا اليومين دول،، العمرضي بيتعالجو احسن علاج واللى مالوش علاج هنا بيسافر بره على نفقة الدولة! وكمان لما بتدخل قسم الشرطة بتلاقى احلى معاملة وتشرب شاي ! وكمان مفيش بلطجة ! وكمان صاحب العربية المكلبشة دى احكامه من دماغه ومن داخل داخل اعماق ضميره وعلشان كده الصمير صحى وكلبشوله العربية!!! صح النوم يامصريين
فعلا عمر الظلم والكوسة ما تقوم دولة
خد يا سيدي ولا تزعل نفسك
http://s1.postimg.org/qthxd2bzj/1049...71031475_o.jpg
بصراحة الكلام اللى في التعليق على الصورة دي غلط من أساسه ... لأن لو فرضنا إن صاحب العربية عضو هيئة قضائية فعلا ... عمره ما هايعمل كدة سواء في الضابط أو العسكري ... ومن رابع المستحيلات إنه كمان يخلي العسكري يسوقله العربية يركنهاله .. لأن عمر الضابط ما هايسمح بحاجة زي كدة من أًصله ... (إلا لو طلعوا أًصحاب من زمان بقى وعايز يوجب معاه زي أي مصري بيستعبط)
الكلام ده استحالة يحصل
استحالة
يعني حضرتك نفيته نفي تام على منطق حضرتك طيب افرض انه فعلا حصل والكلام صحيح هيبقى موقفك ايه من استحالة والتأكيد عليها ؟؟؟؟
أتفضل اكونت الشخص اهه بنفسه وكمان حزب الدستور يعني ولا هو اخوان ولا حاجه
https://www.facebook.com/ahmed.wahba.56?fref=ts
واسأله بنفسك واتأكد علشان تعرف استحالة دي اكيد ولا كده وكده وخلاص
ههههههههههههههههه سبحان الله يعني انتم بس مختلفين في انه هيزعق وياخد العربيه ولا انه هيعد برنس ورجل على رجل وهياخد العربيه
النتيجه وحده انه لو نيابه او قضاء فعلا هياخد العربيه غصب عن عين التخين لكن لو واحد عادي زي حالتنا هيتسحل على مايعرف العربيه راحت فين اصلا و هيلبس غرامه غير اللف والبهدله بس احنا كشععب نحب اللي يتنطط علينا
زي ما واحد ايام 30 سكسونيا بيقولي ياعم حد يعادي القضاء قصده على مرسي افندي يعني بقوله عادي يعني هما مش فيهم الحلو والوحش ايه المشكله يقوم يقولي ياعم دول باشواااااااااااااااات حد يعاديهم
يافندم انا نفيته نفي تام لأني عارف اللي بيحصل.. الحكاية وما فيها ان الباشا لما ييجي يلاقي العربية متكلبشة الكلبش هايتفك بكل بساطة ولو فيه مخالفات عند صاحب العربية مضايقة الضابط (زي النمرة المضروبة دي مثلا) ممكن يعمل بيها مذكرة ويرفعها للوزارة
لكن صدقني عمر الضابط ما هايسمح ان حد يهزقه سواء هو أو العسكري بتاعه في الشارع وفي مكان خدمته كمان ولو من مين ولو وصلت لخناقة كمان... مدير الامن لو معدي ووجد مخالفات في حق الضابط وجسيمة كمان عمره ما هايهزقه في الشارع
وكمان عمرها ما حصلت ان البيه يخلي العسكري يدورله على ركنه... وكمان بعد ما هزقه... ده حتى الواحد أكيد هايبقى خايف على العربية من العسكري :wink10:
وفي الآخر الله أعلم طبعا... أنا ماكنتش موجود معاهم
باشا هوا اي كلام علي الفيس بقى مسلم به خلاص
عايزني اكتبلك تعليق ايه علي الفيس و علي عهدتي كمان ياعم
انا مش عارف فية اية احنا شعب بيحت يتكلم كتيييييير اوى خلاص موضوع و خلص و كل يوم بيحصل اكتر من كدو مش من انهاردة ولا امبارح دا حتى من قبل 25 يناير لا كمان من ايام الفراعنة اتعودو بقا