أشهر جمل بيقولوها الأب و الأم في مصر

**R A N A** · 16-10-2008 01:16 AM

ااااااااااه في كام جملة شهيرة افتكرتهم دلوقتي

"اللي ياكل على ضرسه ينفع نفسه" دي لما اعمل اضراب عن الطعام لما اكون زعلانة مثلا او مضايقة من حاجة عملوها :D

"انا مش عارفة عايزنا نسقيكوا المذاكرة بالمعلقة محسسينا إنها سم" مع انها فعلا سم واشد انواع السم كمان :D:D .
ولما يجيلي تليفون وارد واطول شوية تقولي ايوة دلوقتي متعافيه اوي وفيكي صحة لكن لما اقولك قومي اعملي حاجة تعمليلي فيها عيانة وتعبانة
اقولها ياماما هو التليفون مجهود يعني عشان يبقي محتاج صحة وعافية طبعا هي لاتبالي بردي تماما كإني بهوي قدامها :D لانها طبعا مقتنعة بإني بمثل مع اني فعلا ببقي تعبانة :k41:.

ده غير طبعا انها قبل ماتنام تقولي الوصايا السبع (مجموعة من الوصايا اليومية زي اقفلي الباب اقفلي النور غطي الكمبيوتر اقفلي الشبابيك كده يعني) وتفضل تعيدهم واقولها حفظتهم والله ياماما واقعد اسمع معاها ومع ذلك تيجي قبل النوم مباشرة بعديها بأقل من 5 دقايق مثلا تعديهم تاني :k41: لما ببقي هاعيط والله واقولها كفاية والله ياماما حفظتهم لو عيدتيهم تاني هانساهم بجد :D :D

**katkootaya** · 16-10-2008 07:56 AM

دايما بسمع الجمله بتاعة اللي ياكل على ضرسه ينفع نفسه :D:D

انا نفسي اعرف هو الكلام ده عندنا بس في عائلات مصر و لا برضه في الدول الاخرى :D:D

**Dr.A.Nabil** · 16-10-2008 05:23 PM

في جمله تانيه مهمه الاب بيقولها لما الواحد بيكون عامل مصيبه !!

(ايه المصيبه اللي انت هببتها دي؟؟ لا انت ابني ولا اعرفك ؟؟ امشب اطلع بره)

وبعد كده قلب الأم بيحن.. وتقعد تطيب في خاطر الأب وتقوله معلهش ... عيل وغلط.. .سامحه المره دي... ده ابنك برضه.... هو وعدني انه مش هايهمل كده تاني..
ياللا يا .............روح اتأسف لبابا
---------------------------------------------------

وفيه برضه: عقابا ليك انت محروم من المصروف

-----------------------------------------------------
الحوار ده بيحصل كتير:

-الابن: بابا في واحده زميلتي في الكليه بنحب بعض وعايز اخطبها
- الاب: نعم يا حبيب ماما !! انت لسه طلعت من اليبضه عشان تقولي خطوبه.. لما تتخرج وتشتغل وتبقى راجل وبيعتمد على نفسه ابقى اتكلم... عايزني اروح اقول لأبوها ايه؟ اقوله ابني بياخد مني المصروف كل يوم الصبح !!
-الأم: ما تكسرش بخاطر ابنك برضه... هو يعني قلبه بأيده.. دول بيحبوا بعض
-الاب: مسخره وقلة أدب... هو مش مفروض يحب,,, هو رايح الجامعه يتعلم مش يحب