هو لسه موجود مهله شهر بعد انتهاء الرخصه ولا الحوار داه اتلغى؟.
ارجو الافاده اذا كان فى حد عنده معلومة
عرض للطباعة
هو لسه موجود مهله شهر بعد انتهاء الرخصه ولا الحوار داه اتلغى؟.
ارجو الافاده اذا كان فى حد عنده معلومة
متابع
اللى اعرفه مفيش مهله شهر للرخصة
ده كلام الناس اتعارفت عليه
المهله شهر للضريبه من غير غرامه
لأ ياباشا مافيش مهلة...لو الرخصة انتهت بعدها بيوم ممنوع تمشى
الشهر ده عشان لما تجدد تدفع الضريبة بدون غرامة..بعد الشهر بتدفع غرامة تلت الضريبة
مادة 363 بتقول
يجب سحب رخصة المركبة فى حالة عدم إستيفاء إجراءات التجديد خلال مدة الثلاثين يوما التالية لإنتهاء مدة الترخيص رغم أداء الضرائب والرسوم المقررة للتجديد قبل إنقضاء مدة ثلاثين يوما
يعنى عندك مهلة شهر تجدد الرخصة!
الموقع : http://www.moiegypt.gov.eg/Arabic/De...seCancelation/
مفيش شهر
بعد انتهاء الرخصه بيوم ممنوع تمشي بيها
مع احترامى لكافه الاراء .............. لو تاريخ انتهاء الرخصه مثلا شهر يناير ... ممكن تمشى بيها وتتعامل بيها عادى لحد اخر شهر فبراير يعنى معاك 30 يوم مهله لكل شىء سير وترخيص وضريبه كله يعنى وبعد انقضاء شهر المهله يتم الضبط لو متمش التجديد وسحب الرخصه ولكن لو تم من تلقاء نفسه يعنى بمعرفه صاحب السياره بتكون هناك غرامه ماليه مضافه بمقدار ثلث الضريبه فقط وشهر المهله معمول علشان السهو او الظروف الطارئه او بسبب السفر ... وتحياتى للجميع .
الصح ان مفيش مهله .. المهله انك متدفعش غرامه عشان اتاخرت فى دفع الضريبه
اللى بيحصل ان الشهر بقى زى مهله حتى فى المشى
بس وارد يطلعلك ظابط يسحب الرخصه عشان منتهيه و كله بالقانون
الشهر ده مسموح بيه في حاله انتهاء الرخصه والعربيه ليها فحص موش مجرد تجديد بس
والهدف منه ان من حقك انك تمشي بالرخصه القديمه لحد اخر يوم فيها وتتوجه للمرور لتجديدها
فاذا سقطت في الفحص سمكره ودوكو مثلا يبقا معاك شهر تظبطها وتفحص
شهر المهله مسموح به في كل تجديد للرخصه دون التقيد ان السياره لها فحص فنى ام لا .
ايوه ممكن تمشى بالسياره خلال شهر المهله ولحين انتهاء شهر المهله وبعد كده لو تقدمت من تلقاء نفسك بعد انتهاء شهر المهله سيتم الترخيص بعد سداد ضريبه السياره مضاف اليها تلت الضريبه زياده عن تلك المخالفه اللى هى عدم التجديد في الموعد المقرر واللى بيشمل سنه الترخيص مضاف اليها شهر المهله..... ولو تم الضبط لك وانت تسير بالسياره والرخصه منتهيه ولكن خلال شهر المهله الضابط او الامين لايملك الا تنبيهك انك في شهر المهله .... ولكن لو تم استيقافك برخصه السياره منتهيه ومعديه شهر المهله ولو بيوم واحد حتى ولو كان عطله رسميه سيتم سحب الرخصه المنتهيه ورخصه القياده بتاعتك وتحرير محضر جنحه مش مخالفه عن استعمال وقياده سياره متهيه التراخيص .... وتاخد اجرآت المحضر والعرض على النيابه وجلسه وحكم او غرامه غالبا ويتم إعاده ترخيص السياره من جديد وفحص فنى حتى ولو كنت فاحصها العام اللى سبق ذلك ... ياريت اكون افدتك وافدت الجميع ... وده قانون المرور بالضبط وممكن للى عاوز يقراه للتاكد ... تحياتى .