تشغيل شريحة داتا لـ USB model على الموبايل !!!

**Egyzizo** · 23-06-2014 03:38 AM

معايا يو إس بى مودم فودافون به شريحة داتا عليها باقة سارية ..

مش محتاج استخدمه اليومين دول ، فقلت استفيد بالباقة ، وركبت الشريحة على الموبايل وكل شئ مظبوط ورسائل الضبط مفعلة ، لكن الانترنت مش راضى يشتغل

ولما بادخل بـ *2000# عشان أشوف رصيدى تكون الإجابة : عفواً أنت لست مشترك فى باقات الموبايل انترنت.

هى باقات اليو إس بى مودم غير باقات الموبايل انترنت؟
وهل من وسيلة لتشغيل الانترنت من هذه الشريحة على الموبايل؟

**shiko85** · 23-06-2014 05:01 AM

بتشتغل عادى جدا من غير اى مشاكل ولا ضبط
هى باقات اليو إس بى مودم غير باقات الموبايل انترنت؟
الفرق الوحيد ان الأولى خطوط داتا و التانيه خط موبايل عادى
كنت مشغل النت قبل كده على الموبايل ؟
راجع تانى رسائل الضبط لان اوقات فيه بعض البيانات مش بتكون كامله و بتحتاج تضبها يدوى

**aly_hosny** · 23-06-2014 09:21 AM

ادخل على ال Access points من السيتينج و اتاكد انك مختارها صح

**Egyzizo** · 23-06-2014 01:27 PM

كل شئ متظبط صح ..
طيب نفترض ان فيه مشكلة فى ظبط الموبايل نفسه
مش المفروض لما أطلب *2000# يقول لى ايه الباقات على رقم الخط بتاعى بغض النظر عن مشكلة الموبايل؟
لما بابعت الرسالة من الموبايل ، بيقول لى انت غير مشترك فى أى باقات
لكن لما باركب الشريحة فى اليو إس بى مودم وأطلب معرفة الرصيد بيقول لى انى مشترك فى الباقة الشهرية 25 وعندى رصيد 1 جيجا.