وبدأت ساعة العمل فى السابعة صباحا : : صباح الفل

**minicooper20** · 23-06-2014 03:07 PM

اولا جمن وجه نظرى ان القصه مش ٧ صبح و لا ١٠ صبح
القصه قصه فساد و منظومه اصلن كلها شغاله غلط ده لو كانت شغاله
مثال فى اى شركه قطاع خاص لو انا كلمت السكرتيره تخلصلى شيت خاص بالشغل ساعتين و يكون قدامى
لاكن قطاع علم ممكن يجلس ٤ ايام
لان كولو ضامن مرتبو و تولع اى حاجه مفيش طموح مفيش ترقيات مفيش دم جديد
فى بيرقراطيه متعفنه
فى ناس زيها زى المكتب الهى عليه
شيل كل القيدات معاض مبكر و هات ناس جديده تدورها زى مبيقولو صح
مش شغل الطابونه ده
تحياتى

**M R. Z E C O** · 23-06-2014 03:16 PM

هترسى فالاخر عملو زي معملوش

**ahmedwagdy03** · 23-06-2014 03:37 PM

المشاركة الأصلية كتبت بواسطة زينة الله

أصبت كبد الحقيقة يا أخونا الكريم

اضافة لملاحظاتك فى اى محل عمل حكومى غالبا هتلاقى واحد أو اتنين شايلين الشغل

والباقى ضيوف شرف وكل واحد منهم معتمد على واسطة أو ممشى اموره

واللافت للنظر إن مرتبات ضيوف الشرف دول تضخمت بعد التحسيينات الاخيرة وخاصة انهم قدام

بحيث أن متوسط دخل الواحد فيهم يكفى أجر لـ 3 أو 4 موظفين جداد أصغر سنا و أكثر نشاطا

فيه ناس 55 سنة فاكبر مثلا ومرتباتهم مقربة من 10000 جنية أو أكتر ولا تأخذ منهم عمل بقيمة 100 جنية

لو الناس دى طلعت معاش وخدت 2000 جنية فى الشهر مثلا ويشغلوا اولادهم و غيرهم من الشباب العاطلين هنحل ازمة البطالة

لكن اللى حصل ان التعينات الجديدة وقفت عشان مش قادرين ندفع المرتبات الحالية اللى بتدفع من دون انجاز حقيقى

إنتى بتتكلمى صح

من المعروف إن الجهاز الإدارى الحكومى ( اللى بيشتغل من 7 الصبح دلوقتى ) فى أغلبه جهاز خدمى غير إنتاجى (عدا المعلمين فقط فى قطاع التعليم ) أى لا يضيف كثير للناتج القومى (و محدش يقولى الجمارك حكومة و بتضيف للناتج القومى لإنها جهة تحصيل مش أكثر ) .من الآخر الناس دى بتاخد مرتباتها و حوافزها و زيادتها من ميزانية الدولة التى يتحملها الشعب . يعنى أبو 10000 جنية اللى عنده 55 سنة و عامل فيها بيه و باشا و ما بيشتغلش بأكتر من 100 جنية عبارة عن تنبل عالة على الشعب .

**Adnfalcon** · 23-06-2014 04:01 PM

دا قرار تحفه من وجهه نظري
الناس تنزل شغلها بدري وترجع بدري

**د.محمود صلاح** · 23-06-2014 04:26 PM

في عمان عندي العمل من 7 ل 2 الظهر

**maka** · 23-06-2014 08:53 PM

المشاركة الأصلية كتبت بواسطة زينة الله

لكن الشغل البدرى فيه انجاز وبركة و ممكن فعلا يوفر الوقت لعمل اضافى باقى اليوم زى ما حضرتك بتقول

بصراحة لا تعليق !!!!!! :)

العبد لله مواعيده يوميا 7 صباحا وده يتطلب صحيان بدرى للاسف . نيجى على 2 الظهر تلاقى الموظفين قلبت شينيز و كله بيتنح للتانى . صحيان بدرى يتطلب نوم بدرى يعنى من 9.30 كده وبالتالى مفيش قدرة لعمل تانى او تالت

اسئلوا مجرب احلى ساعات النوم بتركيز هى ساعتان ما بعد صلاة الفجر

**amrezzat82** · 23-06-2014 10:02 PM

الداخلية و التموين و معظم الوزارات لا تعمل 7 صباحا للمواطنين أبدا عن تجربة و سؤال كذا مكتب و مكان
فقط بعض القيادات و ليس خدمة الجمهور
بيقولوا بعد رمضان حيحاول يظبطوا المواعيد تبقى لخدمة الجمهور كمان
ربنا يهدي و يرحمنا من الناس اللى بتقبض مبتشتغلش أو بطء جدا أو نفسهم اليوم يخلص و خلاص
للأسف كل ده مال حرام ولا أحد منهم يتقى الله فى ما كسب

**METOELESSAWY** · 23-06-2014 10:09 PM

الكهرباء من يوم الأحد مواعيد العمل من 7 ال 2

**mr_vampire** · 23-06-2014 10:15 PM

حتي لو بقي رسمي 7 الصبح بس فعليا الموظفين هيبدءو شغل الساعة كام بعد الفطار والشاي واللك والعجن ؟؟؟؟ في اعتقادي مش قبل 9 او 9 ونص.

وشوية شوية هتلاقي الناس بتتاخر ويروحو 8 و 8 ونص.