الموضوع: مصر مش أمى ... مصر مراة ابويا !

مصر ملهاش ذنب
الغلطة فى النظام الحاكم لمصر مش من البلد

عارف لما الابن البار يبقى منبوذ من أمه والابن العاق بتاع المشاكل هو اللى عالحجر وأوامره مجابة ! ساعتها بيحس أنها مش أمه وانها ام الولد التانى بس ,
أما أمه الحقيقية ملهاش وجود غير فى البوم الصور بس اللى هو التاريخ.

المشاركة الأصلية كتبت بواسطة fiatto

عارف لما الابن البار يبقى منبوذ من أمه والابن العاق بتاع المشاكل هو اللى عالحجر وأوامره مجابة ! ساعتها بيحس أنها مش أمه وانها ام الولد التانى بس ,
أما أمه الحقيقية ملهاش وجود غير فى البوم الصور بس اللى هو التاريخ.

+1000000000000000000000000000000000000000

البلد هى ناس البلد وسكانها مش حيطانها وشوارعها , ولما الناس دى تبقى قاسية على بعض وتقطع العقد الاجتماعى اللى بينهم وكل المواطن على المواطن بقى حلال دمه وماله وعرضه يبقى الغلط فى الناس , الصبح ابتدينا بخبر نجاة العضو موتورايزر من حادثة هزلية بفضل ربنا ومن كام يوم بنتكلم فى التحرش والنفسنة والأذى لعربيات الناس والسرقة اللى وصلت لحد خطف الناس من بيوتهم وعربياتهم زى ماجاء على لسان بعض الاعضاء , والناس اللى عوزة تهاجر واللى مش عاوز يرجع , وشباب زى الفل فى المنتدى عجز بدرى .
كل ده بيخلينى اسأل نفسى هو انتى ليه يامصر مبتسمعنيش انا واللى زيى , ليه كلمة البلطجى والنفاية والحرامى من ولادك هى اللى مسموعة ؟
يبقى انتى اكيد امهم بس وهم لايقين عليكى كويس , واخيرا اكتشفت الحقيقة انك مش امى ... انتى مراة ابويا !

مش مهم حد يشارك او يعلق
ده موضوع بينى وبينها

المشاركة الأصلية كتبت بواسطة fiatto

البلد هى ناس البلد وسكانها مش حيطانها وشوارعها , ولما الناس دى تبقى قاسية على بعض وتقطع العقد الاجتماعى اللى بينهم وكل المواطن على المواطن بقى حلال دمه وماله وعرضه يبقى الغلط فى الناس , الصبح ابتدينا بخبر نجاة العضو موتورايزر من حادثة هزلية بفضل ربنا ومن كام يوم بنتكلم فى التحرش والنفسنة والأذى لعربيات الناس والسرقة اللى وصلت لحد خطف الناس من بيوتهم وعربياتهم زى ماجاء على لسان بعض الاعضاء , والناس اللى عوزة تهاجر واللى مش عاوز يرجع , وشباب زى الفل فى المنتدى عجز بدرى .
كل ده بيخلينى اسأل نفسى هو انتى ليه يامصر مبتسمعنيش انا واللى زيى , ليه كلمة البلطجى والنفاية والحرامى من ولادك هى اللى مسموعة ؟
يبقى انتى اكيد امهم بس وهم لايقين عليكى كويس , واخيرا اكتشفت الحقيقة انك مش امى ... انتى مراة ابويا !

مش مهم حد يشارك او يعلق
ده موضوع بينى وبينها

ماهو لما يبقى الحرامى والنصاب والمرتشى وتاجر المخدرات صاحب سلطه ونفوذ وله سطوه يبقى مصر هتقف قدامه ازاى
لما يبقى المجرم والقاتل والسارق والمختلس وراه من يحميه تبقى مصر هتواجهه لوحدها ازاى

ولما تبقى العصابه تملك كل ادوات التعذيب والذل وبتسخدمهم عمال على بطال يبقى مصر هتقاوم لوحدها ازاى

دى فى الاخر انثى بقت ضعيفه كل يوم بتسلب وتنهب وتغتصب اراضيها عاوزينها تسمعكم ازاى
الكل عاوز مصر تسمعه وتحميه وطب وهى مين يحميها من الاوبئه اللى انتشرت فيها
مصر محتاجه رجاله عاوزه قوه وشجاعه تحميها من الوباء
مصر مش ام حد من المصريين لان مفيش ابن بيسرق وبينهب ويعذب امه

لك الله يا مصر