السلام عليكم ورحمه الله
عربيتى تيوتا كرولا جنوب افريقى اتوماتيك عادى موديل 2010 من تاريخ شرائها وانا مواظب على الصيانه فى التوكيل مفيش غير تغيير الزيت الموتور انا باغيره خارج التوكيل لانهم مصممين على موبيل وان وانا مش مستريح له.
المهم اخر صيانه فى التوكيل كانت منذ اسبوعين وقررت بعدها اننى لن اتعامل مع التوكيل مره ثانيه لان كل مره يقعد يفتى وعايز يدفعنى اى شى مثلا كاوتشه المساحات عايزه تتغير طيب ما انا شايف انها شغاله ولم اشتكى منها وليس منها ضرر ايضا وهو بيغير تيل افرامل بيقولى الجنطين اللى فى الخلف محتاجين تغيير سالت لماذا رد على بانه يوجد بهم رفه سالت على وضعتهم على جهاز الترصيص لكى تعرف انه بهم رفه قال لى ان الفنى لفهم بايده اذا كان من شهرين تقريبا انا لسه مغير الكوتش فى توكيل بريدجستون ورصصت العجل وكان واخذ رصاص 5 او 10 جرام على الاكثر ولم يلفت نظرنا ايه رفه.
وايضا فى فى وقت دفع الحساب النهائى للصيانه وجدتهم مغالطنى فى مبلغ 150 جنيها واضطروا الى الكتابه على الفاتوره والختم بانه لى مبلغ 150 جنيها لديهم يخصم فى مرات قادمه -المهم بعد ذلك قررت مش داخل عندهم مره ثانيه وقبل ان اتركهم سالتهم هلى المفروض زيت الفتيس يتغير فى السياره قالوا لى يجب تغييره على 40000كم فسالتهم هل غيرتوه لى راجع البيانات على الكمبيوتر وقال لى لا قلت له لماذا لم يعرف يرد.
فققرت تغيره فى الخارج وبحثت عن ميكانيكى للتيوتا ووجدت واحد كويس شغال فى التيوتا فقط
وذهبت له واحضرت زيت وولفر الالمانى وقال لى لابد من تنظيف فلتر زيت الفتيس كنت متخوفا لما قال لى ان عدد مسامير الكارتيره بتاعه زيت الفتيس 17 مسمار لابد من فكهم للوصول الى الفلتر المهم توكلنا على الله.
بعد الفك زيت الفتيس اسود محروق والفلتر غير نظيف ويوجد عدد 2 مغناطيس من اجل الشوائب المعدنيه - مرفق صور الفلتر والكارتيره من اجل تاخذوا فكره عنها
والحمدلله تم تغيير الزيت وتنظيف الفلتر.
على فكره الميكانيكى وجدت عنده سياره كرولا MMT يقوم بتحويلها الى فتيس اتومامتيك عادى وقال لى بان التكلفه تقريبا سوف تكون فى حدود 10000 جنيها شامله الفتيس استيراد وعصايه الفتيس وباقى الاشياء الاخرى

url=http://www.0zz0.com][/url
url=http://www.0zz0.com][/url
url=http://www.0zz0.com][/url