رخصة العربية تنتهى 4/8/2014 فاجددها دلوقتى قبل رمضان لمده تلات سنين فالسؤال كده فضلى شهر هيضيع ولا الرخصه الجديده 3/8/2017 الحوار كله انى مش عايز اروح المرور فى رمضان هيبقى حر و صيام و تعب .
محتار اعمل ايه؟.
عرض للطباعة
رخصة العربية تنتهى 4/8/2014 فاجددها دلوقتى قبل رمضان لمده تلات سنين فالسؤال كده فضلى شهر هيضيع ولا الرخصه الجديده 3/8/2017 الحوار كله انى مش عايز اروح المرور فى رمضان هيبقى حر و صيام و تعب .
محتار اعمل ايه؟.
اعتقد لو رحت حاليا الشهر من هيطيع عليك هيترحل على المده الجديده
الشهر مش هيضيع عليك بيضاف على المده الجديده
هو بس ملحوظة صغيرة.. 4/8 ده حايكون بعد رمضان وبعد العيد كمان
دا غير كدا هو معاه شهر مهلة بعد تاريخ انتهاء الرخصهاقتباس:
المشاركة الأصلية كتبت بواسطة محمد يوسف
المهلة دي حتى وإنت ماشي بالعربية ؟؟!!!!!اقتباس:
المشاركة الأصلية كتبت بواسطة ahmedmahereng
يعني لو حد وقفك ملوش حاجة عندك ؟
4/8 بعد رمضان و العيد زى ما قال الأستاذ محمد يوسف و عندك شهر مهلة زى ما قال الأستاذ Ahmedmahereng و المهلة حتى و إنت ماشى بالعربية زى ما قال الأستاذ A.Adel يبقى روح بعدها و ريح نفسك ى رمضان
و كل عام و أنتم بخير
اقتباس:
المشاركة الأصلية كتبت بواسطة a.adel
اه ياباشا حتى وانت ماشي بالعربيه ... طول عمري بجدد الرخصه فى الشهر دا و مفيش غرامات و انت بتجدد و لو حد وقفك مبيتكلمش
كل الاراء دى صحيحه ................... ممكن تجدد دلوقتى ومش هيضيع عليك الشهر المتبقى هيتكتب تاريخ الانتهاء هو زاته لو رخصت في الموعد الطبيعى اللى بيختلف فقط موعد ترير الرخصه ... وممكن تستنى لبعد الوقت المحدد للاننتهاء في الرخصه يعنلى خلال شهر المهله ولكن متعديهوش بيوم .
ياجماعة بلاش نصيحة الشهر المهلة ده .. مفيش حد بيعمل بيها من رجال المرور المحترمين
أنا إتسحبت رخصتى وكان معدى على ميعاد إنتهائها 6 أيام بس ... ولما قلت للظابط إن فى شهر مهلة قاللى الموضوع ده إتلغى .. ولما أصريت إنه متلغاش قاللى الشهر ده معمول علشان تجدد الرخصة خلاله .. مش علشان تمشى بالعربية برخصة منتهية ... الكلام ده كله قالهولى وإبتسامة عريضه مرسومة على وجهه وهوه موطى على كبوت العربية بيكتب إيصال سحب الرخصة