إيه رأيكم فى عجلة Fenix

**weza123** · 23-06-2014 02:43 PM

السلام عليكم ورحمة الله وبركاته
أنا من إسكندرية وعايز أجيب عجلة بس للأسف أنا مليش فى العجل خااااالص
فروحت لمحل مشهور عندنا إسمه محمد عبده فى شارع طوسون وقالى إن الأسعار بتبدى من 850 جنيه "عجل ألمونيوم"
فقولتله أنا عايز حاجة نضيفة تبقى سعرها فى حدود ال1200 قالى فى حاجة كويسة أوى إسمها Fenix قالى دى مش ألمانى ولا إيطالى دى صينى بس نضيفة جداااا
من الماركات النضيفة إللى ممكن تلاقيها فى مصر وسئلته عن ال TPT قالى موجود بس الفينيكس أنضف منها

فإيه رأيكم فى الكلام ده ؟
أتوكل على الله وأشتريها ولا فى حاجة أحسن فى نفس الحدود دى

**Batman372** · 23-06-2014 03:44 PM

انا لسه شارى لابنى واحده ممتازه بيقولو عليها bmx لانها نفس التصميم ب ٨٠٠ جم ...
هى طبعا صينى و كل الى فى السوق صينى لكنها خامات ممتازه و شاسيه قطعه واحده بدون لحامات و تصميمها يستحمل جدا ....
تحياتى ....

**qkash.com** · 23-06-2014 09:37 PM

في انتظار خبراء العجل ..
متابع لأني بفكر اشتري عجلة برده

**weza123** · 25-06-2014 06:43 PM

أنا مش متأكد يا phoenix يا fenix
أنهى الأحسن ؟

**mcomics** · 25-06-2014 07:37 PM

BMX ماركة كويسة، و الحق يقال بتعمر. وزي العضو الكريم Batman372 ما بيقول الشاسيه بيكون ماسك نفسه
وانا نفسي كان عندي عجلة BMX، بس الكلام ده من ٢٠ سنة مثلا

**mustafavet** · 25-06-2014 11:50 PM

انا فاكر اخر عجله كنت اشتريتها كانت ب 100 جنيه
هو العجل كمان غلي ولا ايه

**mcomics** · 26-06-2014 11:10 PM

إذ كان كل حاجة غليت أضعاف الأضعاف، جت على العجل..
ربنا يرحمنا برحمته

**abogogo** · 27-06-2014 02:37 AM

الـfenix عجلة جميلة مع أبن أبن عمي ... خفيفة وقوية وسريعة ... أنا ناوي أجيب واحدة بإذن الله بس متردد عشان خايف اجبها واركبها في الاول وتتركن زي حاجات كتير منها المشاية مثلاً ... الولد ابن ابن عمي بيشجعني عشان مشترك في جروب وبيطلعوا طلعات بالعجل ولاد وبنات وكبار

**salodas** · 28-06-2014 10:18 AM

المشاركة الأصلية كتبت بواسطة batman372

انا لسه شارى لابنى واحده ممتازه بيقولو عليها bmx لانها نفس التصميم ب ٨٠٠ جم ...
هى طبعا صينى و كل الى فى السوق صينى لكنها خامات ممتازه و شاسيه قطعه واحده بدون لحامات و تصميمها يستحمل جدا ....
تحياتى ....

باشا ... صباح الفل
انا سمعت انها أغلى من كده ... حد قالى انه شاريها ب 1200 ج من ابو الجوخ
هل هى مقاسات ولا مقاس واحد ... عاوز اتأكد من السعر عشان اشترى واحدة لأبنى

**a7medsh3rawi** · 28-06-2014 10:59 AM

ماهو حجم الدراجة المناسب لي:
يختلف الحجم المناسب لك بحسب الشركة المصنعة للدراجة ونوعها، فلكل شركة طريقة لاحتساب المقاس المناسب لك، لكن غالباً الاحتساب بناءً على الخطوات التالية:

1- عند جلوسك على الدراجة مد رجلك على الدواسة وهي على الساعة 6 يجب ان يكون مابين قياس مابين الردف والقدم مابين زاوية 15 درجة الى 20 درجة لتتفادى الالام اسفل الظهر.

2- ضع رجلك على الدواسة عند الساعة اذا توازت الركبة مع رجل الدراج فوق بعض بذلك اذا لم تتعامد يجب تغيير مستوى كرسي الدراجة:

3- عند جلوسك على الدراجة وقيادتها يجب ان لا ترى رمانة العجلة الامامية كما في هذه الصورة:

4- يجب ان يكون انحناء ظهرك عند قيادة الدراجة بـ 45 درجة مئوية:

كيف اقيس مستوى افضلية دراجة عن دراجة آخرى:
يمكنك اختيار الدراجة بناءً على القطع الموجوده فيه بحسب نوعا مثل ( الفرامل، التروس الخلفية، التروس الأمامية، الجنزير، حامل الدواسات، مبدل السرعات، الدواسات).

افضل الشركات التي تصنع هذه المواد هي: (Shimano, Campagnolo، SRAM).

الموضوع: إيه رأيكم فى عجلة Fenix

LinkBack

أدوات الموضوع

عرض

-

-

-

-

المواضيع المتشابهه

عجلة أطفال

عايز عجلة

عجلة مأخرة و عجلة فاتحة !

عجلة

عجلة

الكلمات الدلالية لهذا الموضوع

المفضلات

المفضلات

ضوابط المشاركة