العربيه ترخيصها انتهي الايام دي و قولت اروح المرور ارخص و افحص
روحت من الساعه 8 و نص و جبت ملف و روحت للموظف قالي خلاص الفحص خلص قولتله ازاي قالي زحمه تعاله بكره المهم خد رشوه 50 جنيه و قالي ماشي هدخلك فحص و خد البطاقة
وقفت ف طابور الخزنه و كان قبلي 143 شخص ماشيين بالارقام.
روحت طابقت البصمه و اعدي قدام سيادة الضابط عشان يفحص
رجعت للموظف قالي ورق الفحص مجاش قولتله ازاي قالي دور عليه روحت لموظف التاني الي معاه البطاقه قالي مبرووك بطاقتك ضاعت
المهم روحت للضابط قولتله بطاقتي ضاعت نده للموظف قاله دي اتبدلت مع واحد تاني و اداني البطاقه التانيه قولتله يعني سيادتك امشي باسم الشخص ده قالي اه عادي قولتله و الرخصه قالي عادي هعملهالك باسمك انت
روحت لمهندس الفحص لقيت الورق لسا قدامه و كاتب محل اقامتي بلد تانيه بيقلي انت من البلد دي قولتله و لا عمري اسمع عنها قالي انت مفحصتش قولتله ازاي انا معدي قدامك قالي لا انت مورتنيش الطفايه و تعالي بكره.
المهم ف الاخر روحت ببطاقه الشخص البديل و بدون ترخيص بعد مرور 6 ساعات وقوف ف الشمس و الطوابير.