كرتيرة الزيت اتخبطت

**معاذ الشرباصى** · 17-07-2007 09:49 PM

النهاردة للاسف اخدت مطب كان قبله طوبة, خبطت الكرتيرة بتاعت الزيت و المقص

المهم الكرتيرة اتعوجت

بعد لما مشيت صوت العربية بقى مكتوم جدا, بالذات لما اوصل ل RPM 3 او اكتر

و الفتيس بقى فيه زنة, و لما بشد بالعربية بحس بالزنة دى فى الفتيس و انا ماسكه

الصوت ده عامل زى ما يكون الشكمان مكتوم(عامل زى)

هل فى خطورة فى الموضوع ده؟

المفروض اعمل ايه؟

هل ممكن يكون ماسورة الشكمان اتعوجت و هى اللى عاملة كده؟

**h_hezzah** · 17-07-2007 10:35 PM

اول حاجه تعملها انك ترفع العربية وتبص عليها او تخلى ميكانيكى يبص عليها من تحت علشان تعرف ايه اللى حصل

**hazem_khidr** · 17-07-2007 11:27 PM

الف سلامه يا معاز
الصوت دا ممكن يكون ماسوره الشكمان زي ما بتقول كده حصلها حاجه او يكون حصلها حاجه و قاعده الموتور اتشرخت كمان يا دي يا دي بس اكشف علي العربيه كويس و ما تقلقش متهيالي الخبطه دي ما جاتش في الكارتير ولا حاجه و لعلمك الكاتير بيبقي ناشف جدا و لو الخبطه جات فيه و اثرت في حاجه كانت اثرت في طلمبه الزيت و دا لو كان حصل كنت لقيت لمبه الزيت منوره مش بتطفي خالص بس الحمد لله ان دا ما حصلش .

**PRO-DRIVE** · 18-07-2007 12:08 AM

مدام الصوت بقى مكتوم اعتقد ان المشكله فى الشكمان اعوج قفل اذا الحراره لاحظت انا زادت شويه يبقى كدة صح معرفش انت تقصد بالكرتيره دى الاويل بان ؟؟

**معاذ الشرباصى** · 18-07-2007 02:27 AM

هو غالبا الشكمان لأن الصوت مكتوم بتاع العربية

لكن فعلا فى اثار لخبطة الطوبة على الكرتيرة و المقص

انا بعد الخبطة نزلت تحت العربية :lol:

هرفعها فى بنزينة و اشوف ان شاء الله

بس لو هى شكمان, بسيطة يعنى؟

اصل انا معرفش حد كوويس بتاع شكمانات

*الكرتيرة هى الاويل بان يا تربو

**PRO-DRIVE** · 18-07-2007 03:37 AM

اذا طلعت مشكله شكمان فسهله بس غيرة بواحد sport او فضى اللى جواه :D :D دة لو عاوز ازعاج :D :D اذا الموضوع فيها اويل بان اتعوجت كدة لازم تشوف الخبطه عادية ولا مطبقه يعنى بس بصراحة مأفتيش فى موضوعها بس اهم حاجة ميكونش فى تسريب فحاول تكشف بأقصى سرعة

**معاذ الشرباصى** · 21-07-2007 03:27 PM

النهارده رحت للميكانيكى

و الموضوع طلع شكمان, علبة البيئة (catalytic converter) و العلبة اللى ورا الكبيرة

غير الاتنين

بس كان عايز ياخد 420 جنيه؟!!

انا صراحة شايف انه كتير جدا جدا

**nobody** · 19-01-2008 09:18 AM

المشاركة الأصلية كتبت بواسطة معاذ الشرباصى

النهارده رحت للميكانيكى

و الموضوع طلع شكمان, علبة البيئة (catalytic converter) و العلبة اللى ورا الكبيرة

غير الاتنين

بس كان عايز ياخد 420 جنيه؟!!

انا صراحة شايف انه كتير جدا جدا

نصيحة شيل ال catalytic converter وريح نفسك