بيجو 308 اس دبليو 2014 اوتوماتيك جنوط عاديه ولا بيجو 301 2015 هاى لاين

السلام عليكم ورحمه الله انا طبيب مصرى واعمل فى السعوديه مش محتاج اقولكوا اد ايه انا مبهور بنايل موتورز من سنين من قبل ما اسجل فيه ولما سجلت بصراحه احترمت المنتدى اكتر واكتر :Copy of m-s5:
الصراحه دى اول مشاركه ليا ........ انا من كتر ما شوفت مواضيع عن ال 301 قولت هشتريها هاى لاين من هنا وانزلها مع العلم ان الهاى لاين هنا مفيهاش لا حساسات ولا ذراع مثبت السرعه وسعرها بالتقسيط حوالى 58 الف ريال وبعدين لقيت ال308 اس دبليو اوتوماتيك جنوط عاديه معمول عليها عرض تقسيط هنا وهتفرق فى التوتال 5 الاف ريال فقط ....
فى رايكم يا شباب ايهما انسب لشوارعنا وافضل كركوبه ....... لانى عايز حاجه متهنيش وتستحمل مطباتنا الجبليه :wink10:
وفى النهايه احب اشكركوا يا انجح منتدى سيارات شفته بدون مجامله

نسيت اقولكوا ان خلوص البيجو 308 اس دبليو حوالى 13 اما البيجو 301 16 تقريبا

مبدأيا ابعد عن 301 عشان دا ..
www.nilemotors.net/Nile/427040-2014.html

شكرا جزيلا يا استاذ Adnfalcon على اهتمامك غريبه فعلا حكايه التيل دى عجيبه ولعلمك مش موجوده هنا على حد علمى لان ال301 هى الافضل مبيعا هنا كمان فى سيارات بيجو السعوديه .......... دليل ان دى مشكله وكيل فعلا طب اعمل ايه اجيب معايا من هنا ؟؟؟؟؟؟؟؟؟؟........... .

طب وايه راى حضراتكم فى 308اس دبليو مع المطبات ؟؟؟ ............ حد اشتكى منها ؟؟؟
وهل معنى كده ان سوق ال301 هيقف فى مصر ؟؟؟

اقتباس:

---

المشاركة الأصلية كتبت بواسطة s.a.m.e.h

طب وايه راى حضراتكم فى 308اس دبليو مع المطبات ؟؟؟ ............ حد اشتكى منها ؟؟؟
وهل معنى كده ان سوق ال301 هيقف فى مصر ؟؟؟

---

مش هيقف لأن سعرها قليل واسمها بيجو
انت لازم تجيب بيجو ؟

الصراحه هى الوحيده اللى بتقسط وتديك مالك اول للسياره ............اغلب شركات السيارات معادوش يدوا مالك اول للتقسيط .............. لانك بدون مالك اول متعرفش تنزلها مصر ...... الا بحركات كده بفلوس وانا مش عايز حاجه يكون فيها شبهه يعنى ؟؟؟

طب يا جماعه محدش يعرف اى حاجه عن ال308 SW ؟؟ كويسه وحشه .... اى معلومه يا وحوش الاوروبى معلومه قليله تمنع بلاوى :praying:كتيره

اقتباس:

---

المشاركة الأصلية كتبت بواسطة s.a.m.e.h

طب يا جماعه محدش يعرف اى حاجه عن ال308 sw ؟؟ كويسه وحشه .... اى معلومه يا وحوش الاوروبى معلومه قليله تمنع بلاوى :praying:كتيره

---

حلوه طبعا وواسعه بس فعلا واطيه علي الأرض

يعنى متنفعش لمصر ؟؟؟ ....... اصل ملاحظ ان اغلب الجديد اوطى منها بس الناس بتشترى وعادى
وفى نفس الوقت الناس على المنتدى كلامهم عليها قليل ........ ومحدش اشتكى منها زى ما اتكلموا عن ال301 فالواحد محتار اوى الصراحه:00020191: تحش انها غامضه

طب يارب اللى يقولى البيجو 308 sw بتحك معاه ولا لا ؟؟؟ .......... ربنا ييباركله فى عربيته ولا يشوفش حوادث ابدا ابدا ياااارب ........

بصراحه 13 سم هتحك أكيد لو المطب رخم واستني رأي الملاك

308 الشكل الجديد طبعا اناشفتها فى معرض الاهرام اللى فاتت وفيها امكاانيات رهيبة جداااا

طب والحك فى المطبات او خلوصها عن الارض يا استاذ فهد ؟؟؟ ........ دى حاجه مهمه زى ما حضرتك عارف:U_thin1[1]: ................ للعلم انا معلوماتى عنها من الموقع ده مش عارف صح ولا غلط
Peugeot 308 SW SPORTIUM RHD AT 1.6 (2013) | Japanese Vehicle Specifications - [ tradecarview ]

:0002014a:ايه يا وحوش نايل موتورز اللى عنده معلومه لاخوكم يقولها .......... مسيرك تتزنق فى شرا او بيع وتلاقينى بساعدك
.............

طبعا بيجو 308 sw كخامة و موتور و وسع و كل حاجه موضوع 13 سم خلوص من الأرض فهي و لا واطيه و لا عاليه يعني مشابهه لعربيات كتير في مصر و مش هاتحك إلا في المطبات الرخمة فقط و للعلم الخلوص بيبقي من أوطي نقطه في الأرض و أوطي نقطه في العربيه دي هي حلية الأكصدام الأمامي و باقي العربيه عاليه يعني النمره هي اللي هاتحك (ركيب البيجو هم اللي عارفين القصه دي )و كماليات أكتر من ال301
و الشكل أفضل و أمان أكتر
الـ301 عربيه أقتصاديه من بيجو سنة أو أتنين مش هاتلاقي حد بيتكلم .. هاتكون الناس أتعودت عليها و حفظتها و التوكيل أتعامل مع المشاكل
في التفضيل أختار 308 SW بدون نقاش
بالتوفيق

ربنا مايحرمنى منك يا استاذ HOSSAM99 ولا من نصايحكم الغاليه يعنى راى حضرتك اجيب 308 sw حتى لو جنوط عاديه مش اعلى فئه احسن من ال301 هاى لاين الور ..................... وحتى لو جبت ال301 فشويه والتوكيل هيعرف يظبطها وهيلاقولها حل ............. انا فاهم صح كده ؟؟؟ :eee:

اقتباس:

---

المشاركة الأصلية كتبت بواسطة s.a.m.e.h

ربنا مايحرمنى منك يا استاذ hossam99 ولا من نصايحكم الغاليه يعنى راى حضرتك اجيب 308 sw حتى لو جنوط عاديه مش اعلى فئه احسن من ال301 هاى لاين الور ..................... وحتى لو جبت ال301 فشويه والتوكيل هيعرف يظبطها وهيلاقولها حل ............. انا فاهم صح كده ؟؟؟ :eee:

---

موضوع الجنوط ده سهل تغيره في مصر و هاتبقي جنوط أصليه بيجو و ثمنها مناسب
لكن يا ريت تقولي كماليات أول فئة أيه علشان كماليات الأوروبي في الخليج بتبقي غريبة حبتين
الـ301 عربيه كويسه
مشاكلها (حسب رواية ملاكها)
تيل : و ده ممكن تستغني عن تيل التوكيل و تستخدم تيل بديل و ده ثمنه ربع بتاع التوكيل
حساسية بنزين : ثبت بنزينة بنزينها نضيف
فتيس : بالتعود هاتعرف تسوق العربيه و تعرف أمتي تخليها تنقل و أمتي تسقط نقله (و الفتيس ده كده فعلا)

بص يا سيدى اللى بيغرينى فى ال308 sw انها فرنسى بالكامل واكبر واوسع ...... وكمالياتها : مكيف للسائق واخر للراكب ...... تكييف للمقاعد الخلفيه ......... مسند يد كاميرا بحساسات مطر لتشغيل المساحات ...............حساسات ضوء لتعليه او تهدئه الاضاءه ......... حساسات ركن ...........سقف بانوراما كامل ......... مخارج شحن ورا وقدام وكاسيت يو اس بى
لكن اهم عيب فيها ان سعرها وهى موديل 2014 هيبقى بعد التخفيض الجمركى بعد 3 سنين : هيبقى من 190 الف الى 200 الف ......... ليه ؟ ...... عشان جمارك الكماليات ........ حتى التكييف وعوامل الامان هيحسبوها كماليات مابالك الحساسات والمكيفين
اما ال301 فهى الاكثر مبيعا هنا فى بيجو زى مصر بالظبط ومشاكلها اقل على ما اعتقد ........... وطالما المشاكل تتحل تبقى سهله......... مع العلم ان الهاى لاين الكامله بتيجى من اسبانيا بدون حساسات او مثبت سرعه وبيتركبلها هنا اذا حبيت ................... يعنى هدفع جمارك على مكيف اوتوماتيك وجنوط ومسند يد ويو اس بى بلوتوث وشكرا على كده يعنى هتقف عليا بعد التخفيض ال3 سنين ب 135 لكن بمواصفات خليجى

عبد الطيف جميل بيديك مالك اول
و الناغى بيديك مالك اول
تويتا او هيونداى
ايه اليجبرك على البيجو فى تلسعوديه و فى مصر
انا راكب بيجو فى السعوديه و بقلك لو هتجيب هات ٥٠٨
و نزلها مصر بعد متستخدمها و لو انى برجح انك تجيب عربيه من مصر احسن

متشكر على اهتمامك يا استاذ minicooper20 .............. عبد اللطيف بطل يدى مالك اول لو مبقى فيها الف ريال ده من بؤ مدير الفرع هنا ........ فى الطائف والرياض وجده وحفر الباطن وفروع كتير جدا

هيونداى مشكلتها انى مش حابب الكورى على الرغم من انتشار هيونداى هنا ......... بس بعد خمس سنوات بيبان عليها العجز يا استاذ minicooper20 ........... مش معمره زى الاوروبى ........ مع احترامنا للجميع

اقتباس:

---

المشاركة الأصلية كتبت بواسطة s.a.m.e.h

متشكر على اهتمامك يا استاذ minicooper20 .............. عبد اللطيف بطل يدى مالك اول لو مبقى فيها الف ريال ده من بؤ مدير الفرع هنا ........ فى الطائف والرياض وجده وحفر الباطن وفروع كتير جدا

هيونداى مشكلتها انى مش حابب الكورى على الرغم من انتشار هيونداى هنا ......... بس بعد خمس سنوات بيبان عليها العجز يا استاذ minicooper20 ........... مش معمره زى الاوروبى ........ مع احترامنا للجميع

---

للأسف فعلا الكوري بيبان عليه البهدله غير الاوروبي والياباني

صحيح يا d r . A d n f a l c o n ............ الاوروبى ولو عربيه اقتصاديه ركوبه مختلفه ............ مع احترامنا للجميع

كرأي ليس الا اميل لل 308

شكرا على النصيحه منكم كلكم يا وحوش نايل موتورز ............ كل عام وانتم بخير :_Alshmokh15[1]:

د سامح ممكن اسعار موديلات البيجو في السعودية علشان انا في القصيم مفيش وكيل هنا ؟

308 موجهه للسوق الاوروبى و شوفتها برة انما 301 للدول النامية و ماشوفتهاش فى اوروبا ولا مرة
كخامات و تكنولوجيا 308 اعلى بكتير, خصوصا لو بتتكلم على 2014 الشكل الجديد
308 كانت مع واحد صاحبى و باعها لسببين: الاحساس ان العربية عرييييضة جدا فى مصر و الفتيس الاوتو بتاعها محتاج تعود علشان استجابته بطيئة و محتاج تعرف امتى تدوس بنزين لاخر الدواسة و امتى تدوس بالتدريج و كدة
صاحبى كان معاه سيات ليون و اشتراها تانى بعد ال 308