ارجو المساعدة فى اختيار عربية لانى تعبت كتير واجو المقارنة بينهم
1- الثبات
2-قطع الغيار و السعر والتوافر
3-الاعتماديةوالاعطال
4-الارتفاع عن الارض
عرض للطباعة
ارجو المساعدة فى اختيار عربية لانى تعبت كتير واجو المقارنة بينهم
1- الثبات
2-قطع الغيار و السعر والتوافر
3-الاعتماديةوالاعطال
4-الارتفاع عن الارض
الاوكتافيا تكتسح فكل النقاط دي طبعا
1- اثبتهم الجيتا ثم الاوبل
2- الاوكتافيا والجيتا ميزتهم قطع الغيار المشتركه استيراد وجديد وتايواتني وصيني
والاوبل حاجتها متوفره عادي مفيهاش مشاكل .
3- الاعتماديه الاوكتافيا بلا منازع , الاوبل عربيه المفاجئات
4- الاوبل اعلاهم علي ذاكرتي ارقام ورق وكمان عمليا .
لو بتسافر كتير عليك وعلي الاوبل عربيه مجرمه وادائها في السفر لايفارن بغيرها
الاوكتافيا بتجمع بين الاتنين
تحياتي
التلاته تقريبا هاتلاقى فيهم اللى انت عاوزه والاهم الحاله
بصراحة الاوكتافيا تكتسح فى كل النقاط معادا الثبات مش متاكد ممكن الاوبل تتفوق عليها وعموما ابعد عن الاوبل لانها مفاجاتها وحشة والجيتا واطية جدا ده غير قطع الغيار الخارجية زى الشبكة والفوانيس والكلام ده سعره غالى جدا يعنى الشبكة الاصلى بتاعتها فى التوكيل ب5500 جنية بالجزء النيكل اللى فيها ده
ثبات ال a5 فوق الممتاز حتي علي سرعه 195اقتباس:
المشاركة الأصلية كتبت بواسطة samoreception
انا متاكد من ثبات الاوكتافيا لانها كانت معايا وعربية لازقة فى الارض ومستحيل تحس باى قلق وانت راكبها على سرعات عالية من قوة التحكم ودقتة بس انا مجربتش الاوبل فعلشان كده مردتش اعمم انى الاوكتافيا اثبت واحدة انما جربت الجتا علشان كده مش متاكد من الاوبلاقتباس:
المشاركة الأصلية كتبت بواسطة adnfalcon
طيب لو هنحكى فى العيوب كل واحدة منهم
مستنى الآراء
اكيد تقصد بالاوبل الفيكترا c عيوبها البوبينه بتتغير بسرعه وكنترول الفتيس بيعاكس ساعات
الجيتا الفتيس بتاعها عاوز اهتمام بتغيير الزيت ولو مفيش اهتمام ممكن يحصل مشاكل
الاوكتافيا تقريبا مفيش عيوب جوهريه تذكر
ارشحلك الاوكتافيا او الاوبل لو عايز اداء اعلى يبقى الاوبل عايز اعتمادية اعلى يبقى الاوكتافيا الاوبل عربية اعتمادية برضه و بتستحمل البهدلة بس مشكلتها الاعطال المفاجأة زي الموبينة و حساس كرنك و محصلش غير مرة واحدة بس غير كده مفهاش مشاكل و عاملة معايا 136 الف بس الاوكتافيا متفوقة في النقطة دي برضه و الاختيار ليك و شوف انهى تستريح ليها اكثر و انهى حالتها افضل اما الجيتا فبخاف منها عشان الفتيس بتاعها هيدوخك السبع دوخات
بالنسبة ليا معايا الفيكترا ال 2008 عيوبها كالاتي : بتجيب موبينة عند ال 50 الف و معملتهاش تاني معايا
2- حساس كرنك بيعطل و رخامته ان العربية مش بتدور و لازم تركب واحد جديد و ده غالبا بيحصل عند ال 90 الف
3- الايزي ترونك بينتش على وضع الاوتوماتك في الزحمة لكن في المانيوال امتع فتيس سقته لحد دلوقتي
4- دورة التبريد عايزة اهتمام
و ده تقرير كنت عامله من 5 شهور كده بص عليه و اقراه بالتعليقات يمكن يفيدك
http://www.nilemotors.net/Nile/404022-6.html
ارشح الاوكتافيا