الموضوع: الى الخبراء افيدونى بالله عليكم محتار جدا

السلام عليكم

دى اول عربية ناوى اشتريها ومحتار جدا لان خبرتى فى العربيات قليلة وعمال ادور على حاجة مناسبة لية واحترت وكل لما تعجبنى حاجة واقول هخلص فيها اجى ابحث عنها فى المنتديات الاقي ليها عيوب

وتقريبا مجال المقارنة بين الاتي ومحتاج حد عنده خبرة يحسملى الاختيار لانى بجد تعبت

1- فورد اسكورت 99 1600 cc لفت باك ... عجبانى جدا
لكن الانتقادات الموجهه ليها ارتفاع اسعار قطع الغيار والسخونة فهل هذا صحيح ؟

2- اوبل كورسا 1200 سي سي موديل 95 .. مبحبش العربيات الصغيرة لكن وفق اماكنياتى

3- سوزوكى سويفت موديل تسعينات موتور 1300 مقتنع بيها بنسبة 60%

4- فيات بونتو مو 95 1300 cc

5 - فيات سينا مو 2001

انا عارف اني هتعبكم لكن انا فعلا محتار

عاوز اعرف افضلهم فى استهلاك البنزين والثبات والسحب والتكييف وعربية تكون بنت ناس متقرفنيش علما بان امكانياتي فى حدود 30 الف وآسف على الاطالة

المشاركة الأصلية كتبت بواسطة mr.abdelhamid

نصيحة من اخ ليك صدقني محدش هيعرف يبفيدك في الاختيار اكتر منك انت روح يوم الجمعة السوق واركب كل العربيات اللي في دماغك اللي هتلقاها هناك وشوف انهي هترتاح فيها واستخير ربنا و الاختيارات دي كويسة بس من سابق تعاملي مع بعضها الاسكورت حلوة وعربية محترمة في حاجات كتير جدا بس في نفس الوقت فعلا بعض قطع الغيار بتاعتها قلة ممكن عشان قدم الموديل والتجار دائما بتدور علي الجديد ,الاوبل كورسا عربية قوية وشبابية وجراية وتشيلك بس صدقني الالماني عزيز شوية لما بيفتح بقه وبتبقا حاجة وحشة اوي ,اما السويفت فهي عربية كويسة بالنسبة لوقتها انما دلوقت الشوارع المكسرة والمطبات اللي عاملة زي الجبال ف السويفت بتعاني من الحاجات دي وماتنساش انها فعلا الصالون ضيق شوية والفيات البونتو عربية لذيذة فيها جمال الاوربي وكفائة في السوق بتاعنا ومشيها تمام وحجمها مثالي لشوارعنا يعيب عليها انها خفيفة شوية بس مش هتحس بالموضوه ده غير في السفر واخيرا السينا بجد كان نفسي افيدك فيها بس متعملتش معاها قبل كده واخر الكلام لو عايز تشتري عربية مستعملة اولا هات حاجة موديل حديث ومنتشرة واي حد بيشتغل فيها واسال كويس علي قطع الغيار كلها عشان في بعضها بيبقا خوابير وغالية جدا وممكن لو تسمح اقترح عليك حاجة هي مش مثالية وممكن ماتعجبكش بس حطها في حسبتك الشاهين مش سيئة اوي فيها عيوبها بس صدقني عيوبها مش قاتلة وفي رنج السعر اللي بتتكلم فيه وشكرا واسف عي الاطالة

شكرا جدا استاذ عبد الحميد على ردك الوافي وان شاء الله نويت على الفيات بونتو او سويفت