ما هي افضل اماكن لشراء ماتور اودي مستعمل يكون مضمون و اسعاره كويسه
عرض للطباعة
ما هي افضل اماكن لشراء ماتور اودي مستعمل يكون مضمون و اسعاره كويسه
السلام عليكم
كنت عايز اسال علي مواتير اودي مستعمله
audi b5 1.8 turbo 150hp from year 95 to 2000 ( automatic )
audi b5 avant 1.8 turbo 150hp from year 96 to 2000 ( automatic )
و هل من الممكن استيرادهم في حاله عدم وجودهم و شكرا
بص ياباشا الموتور ال1800التربو بتاع الباسات ال b5 الاتنين واحد بالمللي وبيتباع ب 8500 ج كامل بالضفيره والكنترول وفتيس مانيوال وأفضل مكان بورسعيد عندهم مواتير نضيفه جدا جدا
شكرا علي الرد و عايز اعرف نمرة حد في بورسعيد او القاهره لو تعرف و ازاي اتاكد من حاله الماتور قبل ما اشتري
بص ياباشا انا مش عارف نمر حد بس ممكن تنزل الحرفيين شارع المرسيدس بتوع فولكس واودي كتير اوى هناك
معلش ياباشا ردا على رسالتك علشان انا بكتب من الموبايل ومش عارف جت ولا لا خليك في الموتور ال 2000 لأن اعطاله قليله جدا عن التربو وممكن تدور على 1800 عادي مش تربو ده بيخرج 125 حصان واعطاله قليله برضه ولو عايز أي حاجه انا متابع معاك
بص هديك الخلاصه الشارع اللى ورا شارع المرسيدس هناك احمد القاضى شغال b5 بس يعنى باسات 98 و اودى 98 عندو تشكيله مواتير حلوة جدا جدا جدا الكلام دة من شهرين و حالات ممتازة و عندو موتورها الاصلى ال 1600 اللى انا لفيت عليه مصر حته حته ملقتوش و فى الاخر جالى وصايه و بضعف تمنو .... نصيحه هات ال 1800 العادى مش التربو متدخلش نفسك فى متاهات التربو عشان 25 هورس بور زيادة و احمد اسعارو كويسه جدا و الموتور تقريبا يعملو 4000 ال 1800 و لو زود عليك قلى و انا اكلمهولك و اقولو الراجل دة ابن خالتى
شكرا يا رجاله علي الرد بس انا عايز اعرف ايه العيوب في ماتور ال 1800 تربو
الماتور ده مفيش حد كاتب عليه عيوب من بره مصر انتوا اول ناس تتكلم علي الموضوع ده ياريت توضحوا اكتر
بص يا باشا انا هفهمك الدنيا ماشيه ازاى بالنسبه للموتور ده اداؤه عشره ععلى عشره مشاكله قليله بس بره مصر علشان في اوروبا جوها برد وده اللي محتاجه المواتير التربو فمش بتظهر ليها مشاكل تيجي لمصر جوها انت شيفه عامل ازاى دلوقتي فطبعا السخونيه مع ضغط التربو غلط عليه وهيبقى عمره قصير ده غير لو حصلت مشكله في دوره التبريد في الحر والعربيه سخنت تبوظالموتور كله طبعا مع ضغط التربو للأن الموتور ده مصنع بالكامل من الألومنيوم وش السلندر والبلوكه فأي سخونة زياده تبوظ موتور بالكامل أو وانت ونصيبك ده غير أن المواتير دي لما بتخش بيها على ميكانيكى فولكس لو فاهمها هيتشرط في تصليحها لأنه موتور معقد وحاجته كتير وطبعا ميكانيكيه مصر مش زي بتوع أوروبا فمش هتلاقي أي حد يشتغل فيه ويظبطه فدي وجهه نظري المتواضعه عن تجربه ولف مع ناس وميكانيكيه وكله أجمع انه موتور حلو بس لازم تحسس عليه في الاستخدام وبالذات في الحر ويارب أكون وصلتلك الفكره وانت تقرر وتشوف اللي ينسبك
يا باشا اتكل على الله واشتري التربو المواتير ديه بقالها شغاله سنين في امريكا و استراليا الي جوهم احر من جونا ومفيش مشاكل. اساسا المواتير ده فيها حساس درجه حراره الهوا بعد الانتركوولر و بتقلل البوست لو كان الهوا سخن اوي. بصوت هي البلد ده فيها فتي كتير وبتطلع اشاعات مالهاش اي اساس من الصحه والناس بتنقلها من غير متشفوف هي صح ولا غلط.
انا عندي a4 b5 وناوي انشاء الله انزل فيها موتور 1800 تربو واغير التربو بواحد Garrett واعدل الماب إنشاء الله اوصل 250 حصان على بنزين 92 انا لاتوه في الحرفيين بس انا شايف ان الاسعار استهبال حسال في بورسعيد يمكن الاسعار تكون احسن.
نصيحه خلي النت مرجع ليك وشوف الناس بره بيعملو ايه وسيبك من الفتي اللي في البلد ديه