مشكلة ضعف الاستجابة والسحب لانوس 2001
السلام عليكم
انا عربيتي لانوس موديل 2001 والمشكلة اني بحس في بعض الأوقات اني لما بدور العربية وبدوس بنزين وانا طالع على الغيار الأول العربية مش بتستجيب بسرعة فى السحب يعني كأني مش دايس بنزين وبتاخد كام ثانية وبعد كده بتسحب بس سحب العربية برده مش حاسس انه كويس زي الاول
ثاني حاجة واعتقد انها مرتبطة بنفس المشكلة اللي فاتت العربية في بعض الاوقات برده بتفصل وخصوصا مثلا لو داخل على مطب ومهدي وجايب الثاني لما انزل على المطب اوقات تفصل واوقات متفصلش بس متستجبش للسحب بسرعة (ودا مكنش بيحصل معايه قبل كده) برده المشكلة دي ممكن تحصل معاية وانا راجع مارش (للخلف) بتفصل او استجابتها للسحب بتبقى بطيئة جداً.
هل يا ترى حد صادفته هذه المشكلة قبل كده أو حد عنده تفسير للمشكلة دي؟
مع جزيل الشكر