تيل فرامل للفولكس بانواعه.. هاتدعولى

انا اكتشفت تيل فرامل انا معايا بولو 2009 رخيص و ممتاز جدا وجودته عاليه.. واهم حاجه سعرة طبعا اللى هاتدعولى عليه من هنا لبكرة
التيل اسمه سافتى وهو مصرى بس والله فعلا ممتاز حتى لما تمسكه بايدك هاتشوف بنفسك ان تقفيله نضيف جدا..
سعرة من 90 ل 100 جنيه من مؤسسه سمير على المسيرى فى 11 ش اسماعيل سرى متفرع من ش قصر العينى فى المنيرة جنب المعهد العالى للدراسات التعاونية والادارية.. ملحوظه انا على طول بشتريه ب 90 جنيه لو قالك اى حاجه فوق ال 100 قوله انا على طول بشتريه ب 90 وملحوظه تانيه.. هو الوكيل بتاعه يعنى من المصنع ليه على طول..

طيب عنده كل أنواع العربيات ولا مش كلها

عنده لأي عربية ولا شغال ف الألماني بس ؟

اة انا نسيت اقولكوا لازم تجيب معاك فردة من التيل القديم عشان يجيبلك زيه بدل ما يديك حاجه غلط وتتسوح عشان هو اصلا شغال بيجو