توكيل كيا و أكذوبة الضمان!

**J A G U A R** · 24-06-2014 07:53 PM

فعلا التوكيلات كلها حاجه قذره
ربنا معاك

**GoldenManEye** · 24-06-2014 11:53 PM

المشاركة الأصلية كتبت بواسطة الجنرال

نصيحتي ليك .. روح حماية المستهلك .. هتتعب شوية وهتتبهدل شويتين ... بس هتعملهم صداع وفي نفس الوقت لو ليك حق هتاخده غصب عنهم ان شاء الله

المشاركة الأصلية كتبت بواسطة عمرو مجايفر

ياريس متسكتش .. واتصل بحماية المستهلك وهددهم انك هترفع الامر لرياسة الجمهورية لو مخدوش موقف .. واطلب التعويض الى انت شايفة بسبب الفترة الطويلة دى كلها الى ببتهربوا فيها منك بس عاوزة محامى دى بجانب يركبولك كل قطع الغيار بالضمان .. ويستحسن لو عرفت تسجل مكالمات التوكيل معاك عشان تبقى دليل ضدهم ... والمفروض يتعمل هنا فالصفحة حاجة خاصة بالمواضيع دى وكل اصحاب مشكلة يتجمعوا ويروحوا جهاز حماية المستهلك مرة واحدة عشان يهتموا ... ربنا معاك

المشكلة أنى معنديش وقت و مش هينفع أجرى وراهم بس أنا ناوى أبعت شكوى لكيا كوريا

**GoldenManEye** · 24-06-2014 11:59 PM

المشاركة الأصلية كتبت بواسطة noor

https://www.kia.com/worldwide/contactus.aspx

دة لينك كيا كوريا ابت لهم المشكلة وهتشوف فعل السحر حصلت معايا مرتين مشاكل وطنشوا واول مبعت لكوريا تانى يوم لقيت التوكيل بيكلمنى وحل المشكلة فورا بعد مكانوا بيقولو القطعة مش موجودة ولازم استنى شهر وكانت حساس الكرنك

أنا ناوى أبعت شكوى لكيا كوريا بس لازم أفضح التوكيل قدامهم و افهمهم ان التوكيل ده هو السبب فى وجود سيارات بدون ضمان فى مصر لأن الناس فقدت إحترامها و ثقتها فى التوكيل اللى هما أختاروه فى مصر!

**bakkarahmed** · 25-06-2014 12:53 AM

انا واحد من الناس اللي لما قرر يشتري قررت اجيب خليجي مش وكيل وحتي معروض اني اشتريلها ضمان بسعر بسيط ومستحرم الفلوس اللي بتدفع فيه ده غير تكاليف الصيانات اللي اسعارها ضعف بره... كل ده ليه... علشان لو لاقدر الله ظهرت عيوب صناعه... طيب ماهو التوكيل بيتبرا من عربياته ومشاكلها ومش بيعمل حاجه وعلشان تجيب حقك بتسيب شغلك وتضحي بوقتك واعصابك... يبقي اوفر فلوسي احسن وكده كده الضامن ربنا

**الجنرال** · 25-06-2014 09:29 AM

المشاركة الأصلية كتبت بواسطة bakkarahmed

انا واحد من الناس اللي لما قرر يشتري قررت اجيب خليجي مش وكيل وحتي معروض اني اشتريلها ضمان بسعر بسيط ومستحرم الفلوس اللي بتدفع فيه ده غير تكاليف الصيانات اللي اسعارها ضعف بره... كل ده ليه... علشان لو لاقدر الله ظهرت عيوب صناعه... طيب ماهو التوكيل بيتبرا من عربياته ومشاكلها ومش بيعمل حاجه وعلشان تجيب حقك بتسيب شغلك وتضحي بوقتك واعصابك... يبقي اوفر فلوسي احسن وكده كده الضامن ربنا

عندك حق والله .. الله المستعان ان شاء الله .. الواحد مش بيتعلم ببلاش للاسف :(

**شادى عبدالمنعم** · 25-06-2014 03:50 PM

للأسف ده حال كل توكيﻻت مصر شوية مرتزقه وبيعيشوا على دمنا سواء بالحق او بالباطل .حسبنا الله ونعم الوكيل

**dr.shabrawy** · 25-06-2014 04:00 PM

اشترى ضمان aaa احسن حاجة. منها تبقى مطمن ان معاك ضمان ومنها تكون جبت عربية بمواصفات خليجى وكمان وفرت فلوسك.

**شاهين - بنز** · 25-06-2014 04:01 PM

أنا معايا فانتازيا تبع توكيل آرتوك أوتو ، نفس إسلوب التعامل بالضبط ويمكن أكتر ، مش عايزين يعملوا أي حاجة تبع الضمان، بلد تقرف
وللعلم أنا وأنا بشتري عربيتي لو كنت لقيت منها خليجي مكنتش إترددت بس مشكلتي إني كنت عايز بيزلاين والخليجي إللي بينزل هنا هايلاين بس

مثال بسيط ، الطانبير عندي باظت والعربية كانت عاملة ١٥ ألف كم وبرضه مرضيوش يغيروها تبع الضمان والمهندس البجح بيقولي كان عندي واحد إمبارح عربيته جابت طنابير على ٨ آلالف وغيرها على حسابه
ومواقف من دي كتييييير سواء معايا أو خناقات بسمعها وأنا في التوكيل من عملاء تانيين
الخلاصة كل توكيلات العربيات في مصر قذرة ماعدا توكيل أو إتنين بالكتير

**GoldenManEye** · 25-06-2014 05:44 PM

الواحد مبيتعلمش ببلاش، المستقبل للخليجى و التوكيلات دى هتفلس إن شاء الله

-

الموضوع: توكيل كيا و أكذوبة الضمان!

LinkBack

أدوات الموضوع

عرض

-

-

-

-

-

-

-

المواضيع المتشابهه

توكيل سكودا المعفنين حتى ولاعة السجاير مرضيوش يغيروها على حساب الضمان!!

أكذوبة عشناها لمدة 40 سنة

إعلان هام جدااااااااااااااااا في توكيل المقطم بخصوص الضمان

الضمان داخل توكيل ابو الفتوح

الكلمات الدلالية لهذا الموضوع

المفضلات

المفضلات

ضوابط المشاركة