اجيب ديب فريزر ايه

**sab3aawy** · 16-10-2008 09:58 AM

انا معنديش فكرة عن الديب فريزر بس انا تجربتى مع بوتاجاز كريازى مش عظيمة ابدا ،خلانى احلف انى مش جايب حاجة كريازى تانى

يبقى بالاستبعاد وستنجهاوس، بس المهم اخبار وكيلهم وضمانهم اه

**l0new0lf** · 16-10-2008 10:22 AM

المشاركة الأصلية كتبت بواسطة sab3aawy

انا معنديش فكرة عن الديب فريزر بس انا تجربتى مع بوتاجاز كريازى مش عظيمة ابدا ،خلانى احلف انى مش جايب حاجة كريازى تانى

يبقى بالاستبعاد وستنجهاوس، بس المهم اخبار وكيلهم وضمانهم اه

انا عكسك بالضبط
ابتديت المشوار مع كريازى2004 ب ثلاجه no frost و كنت خايف منها بصراحه بس طلع تبريدها جامد جداّ
و لما احتجت ديب فريزر من8 شهور جبته برضه كريازى 5 درج علشان المكان الى هيتحط فيه مياخدش ال 6 درج ويرده ممتاز و تقريبا ضمانه 10 سنين هبص على الضمان لما ارجع البيت إن شاء الله و اقول لكم

**D . a .\ AYMAN** · 16-10-2008 11:43 AM

المشاركة الأصلية كتبت بواسطة aif

انا عندي كريازي 6 درج نو فروست وكويس ....
بعد 3 سنين لقيته بيعمل تلج وينقط ميه ... ويوم السبت معاد بتوع الصيانة عشان يصلحوه في الضمان ...
لكن هو عموما زي الفل ....
وعند والدي اخوه بالظبط ومافيهوش اي مشاكل ...
ال نو فروست افضل بكتييييير من العادي

الموضوع ده حصل عندي في التلاجة الـ no frost بعد سنة واحدة لاقيتها بتنقط مية على الأكل
ولما كانت في الضمان لسة جبت الصبانة بتاعتها ... وطلع ان في سخان في ضهر الفريزير بتاعها هوة المسؤول عن عدم تكوين التلج في المسارات الهوائية بتاعت التلاجة والسخان ده باظ عشان كده بقت تعمل تلج جوة المسارات دي وتنقط ميه بالشكل ده

وطبعا السخان ده اتغير على حساب الضمان وبقت زي الفل

بعد سنة كمان حصل نفس الموضوع وجبت الصيانة برضه ... بس المرة دي السخان ماطلعش بايظ ده طلع اتكون علية تلج فمنعه انه يقوم بوظيفته والسبب ... ان التلاجة كانت معمولة على درجة تبريد عالية !!!!!!!! .... وانا بكلم مع الراجل بتاع الصيانة لاقيته بيقوللى ان السخان لو كان بايظ المرة دى كان هايبقى على حسابي بالرغم ان ضمانها 7 سنوات بس السخان ده بالذات الضمان عليه سنتين بس !!!!!!!!!!!!!

وطبعا من كلام بتوع الصيانة في التلفون من أول مرة لسة هاقولّـه التلاجة بتوقع مية ... لاقيته بيكمللى كلامي ويقوللي آه بتوقع مية على الرف اللى فوق من الفريزر ... يعني الموضوع أصلا معروف انه عيب فني عندهم وعشان كده عمله الضمان بتاع الجزء ده بالذات سنتين بس

وطبعا الموضوع حصل للمرة التالتة بعد سنة ولاحظت انه دايما بيحصل لما المؤشر بتاع التبريد حد يلعب فيه ويظبطه على درجة تبريد عالية !! مع انها تلاجة والمفروض ان دي وظيفيتها أصلا ... !!!!!؟؟؟؟؟؟؟؟

انا كنت جايب حاجتي كلها من كريازي تلاجة وبوتاجاز وغسالة بصراحة مش مرتاح معاهم كلهم... بالذات الغسالة اللى بتعمل أصوات عجيبة وقفل الباب باظ وجبتلها الصيانة برضه مرتين على كلام فاضي ... بس لما شوفت قرايبي وجيراني وعذابهم مع الانواع التانية كلها زي زانوسي وايديال والعبد والكتروستار وما الى ذلك وبالذات GMC اللي كانت أزبل مايمكن حسيت ان كريازي أحسن منهم كلهم بصراحة

عشان كده اللى عايز يجيب ... يجيب أي حاجة مستوردة مش مصري لأن المصري كله زي بعضه .... الصيني أحسن منه والضمان في مصر مالوش أي قيمة زي مانتوا شايفين وقت الجد يطلعلك بأي حجة ولازم تتخانق عشان تعرف تاخد حقك

في إستثنائين ...

1- ضمان اوليمبيك جرويب فوق الممتاز عن تجربة في كذا حاجة ومحترمين جدا وبتاخد حقك منهم بسهولة واوليمبيك دلوقتي ابتدى يضمن ماركات كتير أكتر من الأول

2- انا لاقيت كل منتجات العربي جامدة جدا توشيبا أو شارب وهية دى اللى انا ناوي أجيب منها أي حاجة بعد كده بإذن الله

**amir** · 16-10-2008 02:06 PM

طيب ما دام الموضوع انهم بيعتمدو علي جهل المشتري بالعيوب الفنيه للمنتج
وانه علي بال ما ياخد باله بيبقي اشتري فعلا و مرت فتره لابأس بها من الضمان
و يرجعو يلعبو علي كلمه نطع يقولها في التليفون
مع ان اللي مكتوب في الضمان هو اللي لازم يمشي و ممكن الواحد يبهدلهم لو كنا في بلد غير البلد و واحد يقولك ان الجزء اللي بيبوظ كتير- و هما عارفينه- ضمانه اقل من ضمان الجهاز !!!

يبقي لو نتعاون و نعمل موضوع بأسم الاجهزه المنزليه مثلا و يبقي مثبت و الناس تذكر فيه تقييمها لمختلف الاجهزه الكهربائيه اللي في البيت عندهم
و بكده يكون مرجع شامل لأي حد عايز يشتري,بدل من مواضيع متناثره هنا و هناك و اكيد طبعا بيبقي صعب الوصول ليها بعد ما يتم نسيانها في صفحات المنتدي

**Karim_Monir** · 16-10-2008 03:00 PM

المشاركة الأصلية كتبت بواسطة NYSMA

الموضوع ده حصل عندي في التلاجة الـ no frost بعد سنة واحدة لاقيتها بتنقط مية على الأكل
ولما كانت في الضمان لسة جبت الصبانة بتاعتها ... وطلع ان في سخان في ضهر الفريزير بتاعها هوة المسؤول عن عدم تكوين التلج في المسارات الهوائية بتاعت التلاجة والسخان ده باظ عشان كده بقت تعمل تلج جوة المسارات دي وتنقط ميه بالشكل ده

زيك بالظبط مع اني كنت جايب اغلى موديل مش فاكر كان اسمه الدمعة باين ولا ايه
عملت كدة وجه غير السخان
بس الفني قاللي هاركبلك واحد اقوى شوية عشان ده عيب شائع عندنا
وفعلا شوفتة شال الاصلي وحط واحد اقوى في الحجم شوية وخد 15 جنية فرق في جيبة ومن ساعتها شغالة كويس جدا بس انا مش بستريح لاي حاجة كريازي
مابطيقهاش
بحب الحاجات دي تكون براند كويس
ومحدش يقوللي ايه اللي خلاك تجيبها انا اللي استاهل :k41:

شششششششش
المنتدي متراقب :k9:

**وائل عطية** · 16-10-2008 03:27 PM

واضح إن في حاجة غلط
أنا عندي من أول ما اتجوزت أكتر من حاجة كريازي وبصراحة شايفها أكثر من رائعة
خصوصاً البوتاجاز ، أنا شايف إن ما شاء الله الأمان فيه عالي جداً ، أنا حاسس إنه يستاهل تقله دهب ، (على فكرة هو تقيل جداً جداً أكتر مما تتخيلوا)