الموضوع: تركيب بربريز امامي لسيراتو ٢٠١٢

المشاركة الأصلية كتبت بواسطة mindvision

السلام عليكم ورحمة الله وبركاته،

الزجاج الامامي لسيارتي كيا سيراتو مو- ٢٠١٢ حصل فيه شرخ بدون سبب ولا اثار عن طوب او اي شئ، فهل يمكنكم مساعدتي في الاتي:
١- هل يمكن ان يتم شرخ الزجاج دون ان يلمسه اي شئ؟
معتقدش نهائى ان ده يحصل وحضرتك ما وضحتش هو شرخ وانت ماشى ولا كنت راكن العربية وروحت لاقتيها كدة ولا ايه اللى حصل بالظبط
٢- هل يمكن تصليحه ام لابد من تغييره؟؟
ممكن جدا يتم لحمه ومش هيبان خلاص بس روح عند حد كويس واحسنهم واحد اسمه الدكتور خالد
٣- ماهو سعر تغييره في التوكيل او في الميكانيكيون العرب او اي مكان اخر معتمد؟
هو سعره فى التوكيل مش فاكر بالظبط بس اغلى من برة باضعاف وهو سعره فى جريش من 380ل400جنيه
٤- هل لابد ومن الاضمن ان يتم تغييره في التوكيل لاختلاف انواع ودرجات الزجاج في مراكز الصيانة؟

لا عادى لو ركبت عند جريش هو كوبى من الاصلى

١- الشرخ حصل وانا راكن العربية لكن مفيش اي اثر لاي نقرة في الزجاج ممكن تكون السبب في هذا الشرخ.
مش شرط يا باشا ان يكون فى اصل لنقرة انا ممكن اخبط على الزجاج بأيدى جامد اكسره ومش هيكون فيه اثار لنقرة او لاى حاجة وممكن يكون كان شرخ صغير جدا ومش باين وبعد كدة كبر فحضرتك شوفته هى اصلا احتمالات الكسر كتير جدا
٢- فين مكان الدكتور خالد اللي ممكن يقوم بعملية اللحام؟
فى عضو فاضل قال لحضرتك على عنوانه انه فى شارع الميرغنى مصر الجديدة
٣- هل تركيبه عند جريش مضمون لعوامل السلامة؟؟ يعني هيقدر يستحمل الظلط او الطوب اللي بيقع من عربية نقل ماشية قدامي مثلا او عربية عادية تكون ماشية قدامي تدوس علي زلطة تضرب في الزجاج؟؟ عشان انا معايا اطفال ويهمني عامل السلامة والتحمل
مفيش زجاج يستحمل وزجاج ميستحملش الفرق بين انواع الزجاج بتكون فى الاستطمبة والرؤية والوضوح وحتى لو عمل مليون شرخ عمره مثلا ما هيضر احد راكب فى العربية هو الضرر بيكون فى الرؤية فقط وارجو ان اكون اوضحت لحضرتك كل شىء