محتاج نصيحه فى شراء عربيه جيلى ck

**khaledabdelhay** · 24-06-2014 07:29 PM

نفسى اشترى عربيه فى حدود 30 الف ودورت كتيرع النت من اول الريجاتا للسوزوكى سويفت للاكسيل لقيت العربيه جيلى ck عجبتنى اوى فى شكلها والاوبشن بتاعها واسعارها

ياريت تفيدونى اشتريها ولا لالا وهل هى كويسه واسعار قطع الغيار ومدى توفرها

مش مهم عندى سعر اعادة البيع لانى مش ناوى اغير
بس محتاج للنصيحه ولو اشتريت اشترى موديل ايه واعمل ايه عشان اعرف العربيه كويسه ولالا

وسؤال تانى هى ليه العربيه دى سعرها رخيص اوى كدة على الرغم ان موديلاتها قريبه جدا 2008 و2009وبتبقى رخيصه فى التلاتينات
وايه هى مصاريف العربيه دى وصيانتها انا مستوى دخلى عادى جدا بس نفسى اترحم من السواقين وقرفهم
دى هتبقى اول عربيه لى معنديش اى خبرة نهائى فى العربيات
محتاج للنصيحه اوى وياريت تكون عن خبرة فى العربيه د بالذات وجزاكم الله كل خير

**shiko85** · 24-06-2014 11:36 PM

ck اللى فالصوره, صح ؟؟ لان فيه ناس بتعرض الفروته و تقول عليها ck

**khaledabdelhay** · 25-06-2014 12:04 AM

المشاركة الأصلية كتبت بواسطة shiko85

ck اللى فالصوره, صح ؟؟ لان فيه ناس بتعرض الفروته و تقول عليها ck

تمام هى دى اللى اقصدها بس طبعا موديلات من 2006 الى 2009 عشان يكون سعرها مناسب

**shiko85** · 25-06-2014 12:15 AM

المشاركة الأصلية كتبت بواسطة khaledabdelhay

تمام هى دى اللى اقصدها بس طبعا موديلات من 2006 الى 2009 عشان يكون سعرها مناسب

طيب انا مش من ملاك العربيه لكن كان عندى فروته
اعتقد اسعار قطع الغيار واحده او على الأقل متقاربه جدا و بالمناسبه كانت الأسعار معقوله مش غاليه و موجوده فالتوفقيه - القصر العينى امام معهد السكر - و معظم محلات قطع الغيار الصينى و انا فاكر انى لما كنت بسأل على قطع غيار للفروته كنت بلاقى حاجات كتير للـ ck اقصد ان قطع غيارها منتشره اكتر من الفروته كمان
الفروته بعد تجربه 6 سنين من 2006 لــ 2012 تقيمى ليها انها عربيه محترمه و مش خساره فيها الفلوس و الحمد لله فالـ 6 سنين العربيه كانت ممتازه بس يعيبها انها ضيقه شويه اما بالنسبه للـ ck1 او ck2 انا شايف انها اكبر - فئه اعلى - موتور احسن - تكنولوجيا احدث
انا انصحك تشتريها بس الأفضل تنتظر رأى ملاك العربيه هيكون مفيد اكتر