الموضوع: المحاسب بيقولي في غرامة بأثر رجعي بالاضافة لمصاريف تجديد السجل في الغرفة!!!!!!

فعلا فى غرامات تاخير عن سداد رسوم تجديد السجل بزيادة سنوية عن كل سنة تاخير ودى حسبة من راس المال انا مش فكرها الصراحة
بيحسبها الموظف الغرفة التجارية المختص فى التجديد وفحص بيانات السجل التجارى وبتتورد وبيطلع بيها ايصال سداد للغرامة والتجديد + شهادة بسداد الغرامات من خلالها تقدر تجدد السجل التجارى فى هيئة الاستثمار .مكتب السجل التجارى وتطلع مستخرج حديث يفيد التجديد
اتمنى انى اكون قدرت افيدك

جزيل الشكر لكل من شارك وافدنا بالمعلومة

لكن هو ضروري انه المحاسب يقوم هو بدفع المصارف وتجديد السجل والكلام ده واللا ممكن اروح بنفسي

يعني الموضوع صعب ولف كتير وروتين حكومي ممل ولازم اروح بدري علشان الزحمة والكلام ده

ويعني الموضوع ده يخلص في مكان واحد ويوم واحد واللا كذا مكان وكذا يوم

وفين فرع هيئة الاستثمار في اسكندرية

المشاركة الأصلية كتبت بواسطة aif

الكلام ده مظبوط
رسوم غرفة التجارة 2 في الالف بحد اقصي 2000 سنويا
وغرامة 25% عن المتاخرات
الاول كان الشركات الخاضعة لقانون 8 مش بتخضع لرسوم غرفة التجارة
لكن دلوقتي بتخضع بقالها حوالي سنتين

بعد اذنك ممكن افهم نقطة

هي رسوم غرفة التجارة (ال 2 في الالف)دي سنوية واللا عند التسجيل او التأسيس فقط

والغرامة (ال 25%)دي بتتحسب علي انه متأخرات علشان مش فاهم

وزي ماقولت ان الشركة دي مسجلها واستلمت السجل برأس مال 100 الف وكمان البطاقة الضريبيبة من يوم 24 يناير 2011 قبل مجيدة بيوم واحد

والمحاسب هو اللي سجل الشركة في هيئة الاستثمار (هو قالي كدة افضل ولحد دلوقتي مش فاهم افضل في ايه!!!!!!!!!!!!!!!)
واخد مني حوالي 2500 جنية علشان السجل والبطاقة في الوقت ده
هل الكلام ده منطقي ؟؟؟؟؟؟؟
واسف علي الازعاج

الاستاذ المحاسب باعتلي الصورة دي علي اساس انها المبلغ اللي تم دفعه في الهيئة

فهل الكلام ده منطقي يعني بتكون فاتورة بالمبلغ الاجمالي كدة بدون اي تفصيل للغرامات ومصاريف التسجيل

ياريت اصحاب الخبرة يفيدون لأني بصراحة شاكك في الكلام ده