بالله عليكم ياعدوني اكتر من كدا :)
بالله عليكم ياعدوني اكتر من كدا :)
يا اخى انا معايا لوجان أوتو 2013 وبصراحة عربية ممتازة واقتصادية فى استهلاك البنزين وكمان عالية عن الأرض ودى ميزة مهمة جدا فى بلدنا بسبب المطبات والعفشة بتاعتها ممتازة وبالنسبة لقطع الغيار متوفرة جدا داخل التوكيل وخارج التوكيل وانا لسة سائل عليها فى الحرفيين من يومين وعرفت أن كل قطع الغيار موجودة وبأسعار بسيطة لأن العربية انتشرت فى مصر بكثافة عالية فى الفترة الأخيرة. بالنسبة أفيو انا سألت عليها قبل ما اشترى اللوجان ولكن سمعت عنها كلام مش كويس من ناحية طلمبة المياه ومشاكلها وكمان سمعت أنها بقت تقفيل مصرى.دا غير أن صالون اللوجان أوسع بكتير من أفيو.
بارك الله فيكم :)
متااااااابع باهتمام
هوة فيه نقص فيها و لا ايه لانى مش شايف منها بالمعارض
و هل فيه اى عيب ظهر فيها و لا الحمد الله كله كويس انا بتكلم عن النيو لوجان و امتى هينزلوا منها الاتوماتيك
سبب عدم وجودها في المعارض لانها بتيجي محجوزة فاللي بتوصل صاحبها بياخدها علي طول ومش بتقعد وكذلك الموضوع في التوكيل معرفش الصراحة ايه الهدف من الموضوع ده بس ده اللي بيحصل :/ :/
العيوب اتمني حد من ملاكها يكلمنا لو ظهر فيها حاجة لاقدرالله
اما الاوتوماتيك اظن انه في شهر 4 القادم ان شاء الله :)
النيو لوجان (اللوجان الشكل الجديد) عليها حجز رهيب أكتر من اللى بيخرج من الجمرك الشركة ذات نفسها بتقولك أوفر بريس 5 ألاف وتستلم خلال أسبوع او تستنى 3 شهور وتاخدها بالسعر الرسمى والمعارض المشهورة برضو بترفع فى الاوفر بريس من 3 ألاف و 4 ألاف والاستلام خلال أسبوع أو عشر أيام وبالنسبة للاوتوماتيك هينزل السنة الجايه
مع احترامي الشيديد لرايك
انا جربت الاتوماتك والمانوال واقدر اقولك ان الاوتوماتك مع زحمة مصر واشاراتها اصبحت ضرورة
ولو ليك فى حرق الغيارات الفتيس الاستيب ترونك هيفي بالغرض
--------------------------------------------------------------------------------------------
تقبل تحياتي
انا عايز حضرتك بس تجرب اللوجان وتدخل تقعد جواها وتشوف الفخامة بتاعتها من الداخل وانتا هتعرف انا قصدي ايه