السلام عليكم
محتاج مكنة 1.8 تيربو للابيزا 2007 محدش يعرف ممكن الاقيها فين وبكام ؟
وعايز اعرف هل هى نفس مكنه 2001 و 2002 ولا القواعد مختلفة لان فى واحد قالى انه شاف المكنة دى موجوده فى نص لعربيه موديل 2001؟
http://i60.tinypic.com/4j15qf.jpg
عرض للطباعة
السلام عليكم
محتاج مكنة 1.8 تيربو للابيزا 2007 محدش يعرف ممكن الاقيها فين وبكام ؟
وعايز اعرف هل هى نفس مكنه 2001 و 2002 ولا القواعد مختلفة لان فى واحد قالى انه شاف المكنة دى موجوده فى نص لعربيه موديل 2001؟
http://i60.tinypic.com/4j15qf.jpg
وياريت ياجماعه تقولولى نفس المكنة موجوده فى ايه من العربيات التانية (سكودا-فولكس- اودى) وموديل كام؟
متابع
حوض 2006 مختلف عن حوض 2000
المكنة دى نزلت فى عربيات كتير جدا لأن نزل منها versions كتير من 2000-2008
بس النسخة اللى سهل انك تلاقيها هى الـ 150 حصان
وافضل حل انك تجيب عربية كاملة نصين وتفضى كل حاجة فيها فى عربيتك لأنك هتحتاج لكل حاجة
طب ممكن الاقيها فين وبكام ومحدش قالى هلاقى المكنه دى فى السيات ولا فى عربيه تانيه (فولكس - سكودا - اودى) ونفس الحوض بيبقى مشترك فى عربيات ايه ومديلاتها ايه؟
والنسخة 180 حصان دى مش موجوده خالص؟
فين وبكام دى محتاجة منك لفة فى الحرفيين وبورسعيد لأن مفيش حد فى القسم هنا عمل الموضوع ده قبل كده
المكنة الـ 150 حصان نزلت فى الابيزا 2006 الـ 6l والبولو الـ gti الـ 9n
نفس المكنة نزلت فى الجولف 4 والابيزا 2000-2002 والليون والبورا والاوكتافيا بس بقوة أكبر من 150 حصان
لكن انا مش متأكد اذا كان الحوض عندك نفس الابيزا 2000-2002 او لأ
الموضوع محتاج شوية بحث عشان يكون الكلام أكيد
الميكانيكى قالى ان الحوض بتاعى يركب فيه مكن الجولف 4
فياريت الى يعرف معلومة عن موديل و كود المكنه دى فى الجولف او مايماثلها فى نفس الحوض مايبخلش عليا بالمعلومه
VW Polo GTI, VW Golf Mk4 GTI, VW Bora, VW New Beetle, VW Passat B5 , Škoda Octavia and SEAT Ibiza Mk3 Cupra, Cupra R, SEAT Cordoba Cupra, SEAT León, SEAT Toledo
وطبعا نزل فى الأودى ولكن مش هينفع عندك لأن كل مواتيرهم بالطول
الأكواد بتاعتها كتير جدا حسب الـ specs والـ tuning
الأحسن انك تدور عليها بالشكل لأن كلها شكلها زى بعض مع اختلاف العلامة اللى على غطاء الموتور
لو لقيتها يبقى هات الكود بتاعها واقولك مواصفاتها ايه
بس افتكر كويس انك هتحتاج كل حاجة فى العربية والافضل انك تجيب عربية كاملة نصين
اشكرك جدا على الرد وعلى تقديم المساعده وكل سنه وانت طيب ورمضان كريم عليك
بالنسبه للعربيات دى كلها هل نزلت بنفس القدره الحصانية؟ يعنى ادور على ايه ثم ايه بالنسبه للقدرة الحصانية وهل فى مكنه من دول زى بتاعتها 180 حصان؟
اما بالنسبة انى اجيب عربية كاملة وانقل منها الموضوع هيبقى صعب حبتين لانها اكيد هتبقى غالية عليا اوى وانا صرفت فلوسى كله عشان اجيب العربيه الى مكملتش 3 شهور دى:fun_10_9_134[1]: فقولى افضل ايه الى ادور عليه وانا بجيبها (المكنه بفتيسها بالكنترول بالضفيرة والعدادات) وايه تانى..؟
1800 تربو وااااو بس بنزين 95 علشان كدا اقولك دور على واحده مش تربو احسنلك او هات 2000 2 كامه هتديك نفس القدره الحصانيه ليها
الله أكرم ورمضان كريم علينا كلنا
طيب خلينى ارجع البيت و أرد عليك عشان كل المعلومات عندى على كمبيوتر البيت
بالنسبة لموضوع انك هتحتاج ايه:
انا مكنتش ببالغ لما قولتلك انت محتاج عربية نصين
انا ممكن اقولك اللى مش هتحتاجه: الصاج والفوانيس ولو مش عايز الكراسى ممكن متجيبهاش بس الاحسن انك تجيب الصالون كامل لأن صالون الـ gti والـ cupra حاجة وهم
الأفضل أن العربية اللى تجيبها تكون (بالترتيب)
ابيزا
كوردوبا
ليون
توليدو
الجولف
البورا
الاوكتافيا
البولو
ارجع البيت براحتك وفى انتظارك
اما بالنسبة لموضوع النصين ده موضوع كبير اوى عليا وكلامك صح لو كنت هلاقى الكوبرا من نفس الموديل بس فى المجمل الصالون والتابلوه واحد فى الاتنين ماعدا العدادات وبالنسبة للكراسى فهى مش حاجه مهمه اوى وزى ماقولتلك هى الفكره فى الفلوس لانى لسه جايب العربيه وحطيت فيها تحويشتى بالكامل ومكنتش اعرف ان الزيت هيسرب كده والمكنه ترزع من غير مالمبة الزيت تنور :stink[1]:
ومعلش لو عندك فكرة عن الاسعار ياريت تكمل جميلك وشكرا
ربنا يعوض عليك
تقريبا معظمنا حصل معاه نفس اللى حصل معاك
انا بعد ما جبت العربية بأسبوع جابت مكنة وكانت 1.0 وسقطلها 1.4 8V بفتيسه وكونتروله وضفيرته بس متكيفتش منه وبعدها بـ 6 شهور بعته لواحد صاحبى وجبت نص بولو كلاسيك كامل وفضيته عندى 1.6 AFT
عموما خد عندك: (مشاركة للتاريخ)
AGU
1997-2004 (150hp) (Golf-Bora-Octavia-Audi A3)
AQA
1998-2000 (150hp) (Golf-Bora-Audi A3)
ARZ
1999-2001 (150hp) (Golf-Bora-Octavia-Audi A3)
APY-AQX-AYP
2000-2002 (156hp) (Ibiza-Cordoba)
AJQ-APP-ARY
2000-2005 (180hp) (Leon-Toledo-Audi A3-Audi TT)
ARX
2000-2005 (150hp) (Octavia)
AUM
2000-2005 (150hp) (Bora-Leon-Octavia)
AUQ
2000-2005 (180hp) (Bora-Toledo-Octavia RS)
AMK
2002-2005 (210hp) (Leon Cupra R)
BAM
2002-2005 (224hp) (Leon Cupra R)
BBU-BLZ
2003-2009 (180hp) (Polo GTI-Ibiza)
BJX-BKV
2003-2009 (150hp) (Polo GTI-Ibiza)
بالنسبة للتكلفة هتكون على حسب انت هتجيب ايه غير الموتور
بس عموما الموتور لوحده هتلاقيه فى رينج من 7 - 10 وعشان كده قولتلك هات عربية كاملة توفر معاك
بالتوفيق
والله ماعارف ارد اقولك ايه. متشكر جدا علی زوقك وتعبك معايا
بس هل كل المكن ده نفس قواعد الموتور بتاعی ويركب عندی؟ حتو بتاعت الليون دی؟وكنت عايز اعرف هو التربو بتاعها زيت ولا كهربا ؟ ومتعرفش النص ممكن يكون بكام.؟
ومعلش هتاقل عليك بسؤال كمان. هو كود المكنه ده بيبقی مكتوب فين؟
وشكرا مره تانية
فى المكنه ال abf 150 hp من غير تربو و 2000 cc
متجيب مكنتها الاصليه وركب علي فتيسك وريح دماغك بدل تغيير عفشة كاملة قدام وورا وردياتير احتمال وكنترول وتكويد وفتيس وممكن تحتاج تغير ضفيرة لو عربيتك مفيهاش abs ولو فيها abs ممكن يكون مختلف عن ال abs بتاع المكنة الجديدة الاقوي والاكبر ومحتاج منظومة فرامل قوية توقفها
طالما المكنة كلها هاتتغير يبقى ليه اجيب نفس المكنة مااحسن قدئها بالمرة ماهى مش فارقة كتير
وبالنسبة للفتيس انا فتيسى كان اتوماتيك وكان فى اصلا مشكلة وبرضه كده كده لما بتغير المكنة بتتغير بضفيرتها بالكنترول والعفشة وانا عربيتى مفهاش abs وكنت عملت موضوع هنا قبل كده عشان عايز اركبة فابلمرة اجيبة مع المكنة
مفيش تعب ولا حاجة احنا كلنا موجودين عشان نفيد بعض
القواعد كلها واحد لأن كلها بالعرض لكن الاختلاف هيكون فى ان الموديلات القديمة بوابة كابل والجديد كهرباء ودى مش هتعمل مشكلة لو هتغير عدادات
والموتور الـ AUM اللى بينزل فى الليون نزل كمان فى التوليدو والاوكتافيا وطالما نزل فيهم يبقى ينزل عندك مفيش مشكلة
موضوع تربو زيت ولا كهرباء مش هقدر أفتى فيه لأن الموضوع محتاج شوية بحث
سعر النص هيكون حسب الموديل بس طالما انت من السويس يبقى الحل انك تدخل على النت وتشوف العربيات اللى عاملة حادثة بس متكونش مأثرة على موتور او عفشة وتشوف سعرها كام وتروح لمستورد سيارات فى بورسعيد وتخليه يجيبهالك نصين او حتة واحدة وخليه يطلعهالك
أو قوله على المواصفات اللى انت عايزها وهو يجيبهالك
أو شوف العربيات اللى عنده جايز يكون عنده حاجة تنفعك وفى الحالة دى العربية كاملة نصين هتعمل حوالى 10
من سنتين كنت سائل على ابيزا 98 كاملة نصين كانت بـ 7
ودى اماكن الكود
http://nileup.com/up/uploads/nilemotors_14041110312.jpg
http://nileup.com/up/uploads/nilemotors_14041110311.jpg
مجرد رأى, صلح عربيتك الماتور والفتيس لو أمكن, وبيعها, أو بيعها على وضعها, وهات جولف 4 بمكنة خلصانة, وسقط فيها اللى انت عايزه مكنة وعفشة وصالون وبراحتك, تقريبا نفس التمن وكمان الجولف 4 أرخص
الجولف 4 أكبر من الابيزا والصنايعية حافظينها وأعتقد مصنعيتها أقل من الابيزا 2007
الابيزا 2007 mk3 عربية ناعمة نزلت مصر بموتور 1400 مش حاسسها بتاعت تسقيط ولعب وكده
والله أعلم, ربنا يوفقك