الموضوع: عايز كهربائي عبقري

المشاركة الأصلية كتبت بواسطة eng.osama.afifi

كنت ياشباب عايز أركب كتاوت للعربية بتاعتي بدون ما ألعب في الضفيرة ... كنت بفكر إن الكهربائي ياخد من فيشة اللمبة نفسها ... يعني يكون فيه 2 كتاوت عند كل لمبة ... بحيث ماجيش جنب الضفيرة بأي شكل من الأشكال ويسحب اللكهرباء من علبة الفيوزات :)

عايز اركب لمبة هالوجين فيلبس رالي 90/100 ... عشان أنا خلاص اتعميت وبقيت مش بقدر أشوف على الصحراوي باللمض العادية :)

فكنت عايز أنضف كهربائي موجود عشان معنديش إستعداد وأنا مسافر بالليل يحصل حاجة والدنيا تضلم :)

فلو حد ينصحني بحد يكون في الدقي - مدينة نصر - المقطم ... الحتت ديه يعني ... بلاش الحرفيين

وممكن حد ينصحني بأفضل أنواع الكتاوت ؟؟

وشكرا جزيلا مقدما

الموضوع سهل جدا بس للأسف انا مش من القاهرة فا ماعرفش حد هناك..

زي مانت شرحت بالضبط ها حياخد تغذية الكتاوت من فيشة اللمبة وتغذية الهالوجين من علبة الفيوزات دايركت.. وللأمان خلي معاك فيوز احتياطي من اللي حايسحب منه + اللمبات القديمة.. حصل أي حاجة افصل الكتاوت ورجع الفيشة القديمة ع اللمبات بتاعتها ولزيادة الأمان غير الفيوز وافصل دايرة الكتاوت خالص..

فيه حل أسهل..
سيب العالي والواطي زي ما هم وغير الفوجات بهالوجين وبرضه بنفس الفكرة من برة الضفيرة.

المشاركة الأصلية كتبت بواسطة Eng.Osama.Afifi

أنا لسة ملقيتش الرالي الصراحة بس موجودة على النت على موقع سوق.كوم

هل في مكان أرخص وأنضف وأضمن أشتريها منه ؟

ثانيا يا crayvor ... أنا فعلا قررت أعملها إن شاء الله وعرفت كل حاجة تتعمل إزاي ... بس أنا مكنتش عايز أعملها بالنظام البلدي عشان كدة بفكر في الموضوع بنفس الشكل ده عشان لو حبيت أرجع الموضوع أرجعه بسهولة :)

بس أنا كنت عايز أخد كهربا من علبة الفيوزات بتاعة العربية ... بس مش عارف إزاي لغاية دلوقتي ... هل لازم أفك علبة الفيوزات كلها من تحت ولا في طريقة أسهل ... لاحظ إني حستخدم فيوز من الإحتياطي ( spare ) ... وهل أصلا الفيوزات الإسبير ديه بيكون على طرف منها كهرباء ... بحيث الواحد ممكن يستخدم (fuse extension) حاجة زي ديه :

موضوع الفيوزات فيه طريقة سهلة..
بص يا سيدي:
عندك البطارية 12 فولت و اللمبات الهالوجين 12 فولت يعني ممكن تسحب م البطارية طوالي.. بس كدة ممكن لو حصل قفلة تعمل مشكلة..
لأ مش لازم.. انت حاتدخل علي فيوز من ال spare عشان تعمله حماية لوحده..

يبقي الموضوع كدة:
1- دايرة الانارة الأصلية داخلة علي طرفين ال coil في الكتاوت من غير ما تقطع الجاك بتاعها عشان تقدر ترجع الدايرة تاني من غير مشاكل.
2- ال 12 فولت طالعين من البطارية طرف ال 12 أو ال + داخل الأول علي فيوز من ال spare كحماية ومنه طالع علي طرف ال com في الكتاوت والسالب داخل طوالي علي سالب اللمبة كدة كدة لو الدايرة قفلت وفيه مشكلة حايطير فيوز ال 12 ويفتح الدايرة.
3- الطرف التالت اللي هو NO يدخل علي موجب اللمبة
4- مبروك