الموضوع: احتاج مساعده لاختيار نوع الكاوتش

النترا 2010 الموديل القديم كانت نازلة ب كاوتش هانكوك اوبتيمو 415 مقاس 185/65/15 و على الرغم انها لما تصل بعد الى 20 الف كيلو لانى استخدامى فى حدود المعقول اللا ان ال عجلتين الاماميين تلفوا و محتاجين تغيير و مبدئيا استبدلتهم بالخلفيين - و اريد الان ان اشترى 4 و بعد و كما فهمت من الكاتالوج انه هناك مقاسين اخرين يجوز تركيبهم الى جانب المقاس اللى كان راكب فيها :
195/65/15 *** او**** 205/55/16
و بعد ان قرات الاراء وصلت انى ال اسماء : هانكوك او كمهو او يوكوهاما - و لكن قيل لى الاتى : هانكوك لم تعد مثل قبل و ب دليل انى لم اكمل 20000 و الاماميين فقط تلفوا من سخونة الموتور - و لكنى عرفت انها ب 450 جنيه و لكن لا اعرف اى موديل منها

ثانيا :ال كمهو قالوا افضلها ال ku31 و لكنى عرفت ان الموديل ده لم ينزل منه المقاس الاصلى و لكن موجود منه فقط المقاس الاخير و اللذى يبدأ ب /205 و سعره 540 جنيه و بالنسبة للمقاس الاصلى موجود منه kh 15 , kh 27 ب 400 اما الوسط و و الذى يبدا ب 195/ موجود منه موديل kh17 ب 440 جنيه
و الاسعار شامله و اعتقد انه ها يحصل تخفيض بعد اخذ الكاوتش القديم

ثالثا : يوكوهاما : فى غبور ب 550 غير شامله التركيب وطبعا مش ها ياخد الكاوتش القديم
مع الاخذ فى الاعتبار انى اثق فى المحل اللى ها يبيع الكمهو و فى غبور لانى اعرف الاثنين واتعاملت معاهم قبل كده
يا ريت تساعدونى فى الاختيار بس الاول لو ممكن تقولولى هل صحيح ان النترا يركب لها ال 3 مقاسات المذكورين بدون اى مشاكل ؟ لانى مش من النوع اللى يحب يعمل اى تعديلات و افضل تكون بمواصفاتها زى ما استلمتها من مصنعها

فى انتظار ردكم سريعا

نصيحه هات ال يوكوهاما و دور عند تامكو على الميشلان بس هيبقى غالي اظن 600 ج و بلاش كومهو او الهانكوك

المشاركة الأصلية كتبت بواسطة ramadan kader

نصيحه هات ال يوكوهاما و دور عند تامكو على الميشلان بس هيبقى غالي اظن 600 ج و بلاش كومهو او الهانكوك

هل حضرتك تعرف حد مضمون غير غبور - يكون بيشتغل فى ال يوكوهاما

المشاركة الأصلية كتبت بواسطة ramadan kader

نصيحه هات ال يوكوهاما و دور عند تامكو على الميشلان بس هيبقى غالي اظن 600 ج و بلاش كومهو او الهانكوك

هل حضرتك تعرف حد مضمون غير غبور - يكون بيشتغل فى ال يوكوهاما

المشاركة الأصلية كتبت بواسطة أحمد عثمان

أولاً موضوع إن العجل يبوظ بعد 20000 كم ده فيه حاجة غلط , ده مش الطبيعي بتاع الهانكوك.
طبعاً بالنسبة للثلاث موديلات المذكورة, الترتيب هو يوكوهاما, هانكوك و بعدين الكومهو.
أنا لو منك أحط الهانكوك بس عموماً طالما إنت مش مرتاح يبقى روح لليوكوهاما لو عايز تكلف, أما لو عايز الحاجة اللي سعرها مرتاح شوية و برضه مش وحشة يبقى الكومهو.
ربنا يوفقك.

انا الحقيقة اجهل تماما فى الامور دى لكن فيه ناس قالتلى انه طبيعى تلف الكاوتش بعد 3 سنوات حتى و لو لم يستعمل لكن الغريب ان الاماميين فقط هم اللى باظوا و الخلفيين معقولين - انا ما اقدرش اقول هانكوك حلوة او وحشة لانى ما جربتش حاجة تانى عشان اقدر اقارن بيها
هل حضرتك تعرف حد مضمون غير غبور بيشتغل فى اليوكوهاما ؟

المشاركة الأصلية كتبت بواسطة j a g u a r

مفكرتش ليه فى ميشلان او بريدجستون ..

اعتقد اننا ها نكون دخلنا فى شريحه تانيه من الاسعار
لكن لى راى : انا سواقتى فى المعقول بمعنى انى فى خلال 3 سنوات تقريبا لم اتعدى 20 الف كيلو يعنى مشاويرى قريبه - سفريتين فى السنه و اعتقد ان اللى بيجيب ميشلات و بريدجستون دول بيكونوا ناس مقضيه وقتها كله مشاوير و فعلا العجل بيفرق معاهم
ده راى شخصى

لكن فى نفس الوقت احب اشترى حاجة محترمة للعربية يعنى ارخص حاجة فى الانواع المحترمة