سؤال ضروري عن المضاد الحيوي

السلام عليكم ورحمة الله

أنا من الناس اللي بيجيلي برد والتهاب حلق كتير وكل ما اروح أكشف نفس الدواء مضاد حيوي + مسكن + اي حاجة لأعراض البرد

من كترة الادوية عندي مضادات حيوي كتير فدلوقتي جالي دور برد جامد دورت على المضادات اللي عندي واخدت واحد منهم بنفس الجرعة بس مش بحس بتحسن

أنا مش عارف هل ده وهم ولا لأ ؟؟ وهل اني اخد مضاد حيوي كنت باخده قبل كده يعني نفس المضاد الحيوي كده مش هيشتغل على الجسم ؟؟!!

ياريت الافادة لأني مش عارف هروح للدكتور ولا لأ بالليل لأني بقالي 3 أيام باخد المضاد الحيوي ومفيش تحسن وجزاكم الله خير

كتر المضاد الحيوي ممكن يخلق اجيال جديدة من البكتيريا مقاومة ليه

البكتريا في جسمك دلوقتي لن تقبل اي من المضادات الحيوية اللي انت بتاخدها لانك كنت بتاخدها بطريقة خطا
الحل مزرعة بكتريا ثم اختبار حساسية

استخدام المضاد الحيوي كتير بيجيب منه مقاومة للبكتريا مع الوقت
و في نفس الوقت كمان استخدام المضاد الحيوي لفترة اقل من الكورس بيعمل نفس المشكلة

طيب هل حضرتك حاولت تشوف سبب تكرار نزلات البرد و احتقان الزور
هل عندك مشكلة في جيبوب الانفية مثلا
هل عملت صورة دم و شوفت مستوي كرات الدم البيضاء

البرد دا فيروس مش حيأثر معاه المضاد الحيوى فحاجه
الفيروس حياخد وقته والجسم حيطرده بعد كده
الراحة هى احسن علاج مع سوائل دافية باستمرار
وان شاء الله تقوم بالسلامه

انا لا ادرى الاخوة الكرام اصحاب الردود اطباء متخصصين ام لا ؟
القضية ليست قضية تكرار اخذ مضادات حيوية بقد ماهى البحث عن سبب تكرار التهابات الجهاز التنفسى العلوى بشكل اعلى من المعدل المعتاد
لذلك البحث عن احتمالية ضعف بجهاز المناعة وراثى او مكتسب امر مهم
مناقشة اسلوب حياتك life style واحتماية ان يكون سبب تعرضك للعدوى
اضافة بعض الادوية التى تزيد من قدرة جهاز المناعة مثل تطعيم الانفلونزا السنوى
وسلامتك
د.شريف
استشارى باطنة

اقتباس:

---

المشاركة الأصلية كتبت بواسطة ehab

استخدام المضاد الحيوي كتير بيجيب منه مقاومة للبكتريا مع الوقت
و في نفس الوقت كمان استخدام المضاد الحيوي لفترة اقل من الكورس بيعمل نفس المشكلة

طيب هل حضرتك حاولت تشوف سبب تكرار نزلات البرد و احتقان الزور
هل عندك مشكلة في جيبوب الانفية مثلا
هل عملت صورة دم و شوفت مستوي كرات الدم البيضاء

---

لأ ماعملتش كده قبل كده مافيش دكتور بيطلب مني ده ......... لما بروح للدكتور ببقى عارف هيعمل ايه مفيش جديد ومعنديش مشكلة في الجيوب الانفية الحمد لله موضوع كرات الدم البيضاء أنا اخر دكتور رحت عنده عمل تحليل دم بس مش عارف ليه بس ممكن عشان موضوع الكورونا عشان أنا في السعودية

اقتباس:

---

المشاركة الأصلية كتبت بواسطة mustafavet

البكتريا في جسمك دلوقتي لن تقبل اي من المضادات الحيوية اللي انت بتاخدها لانك كنت بتاخدها بطريقة خطا
الحل مزرعة بكتريا ثم اختبار حساسية

---

هلكم الدكتور في ده انا أول مرة أسمع عن كده

اقتباس:

---

المشاركة الأصلية كتبت بواسطة أحمد كمال

كتر المضاد الحيوي ممكن يخلق اجيال جديدة من البكتيريا مقاومة ليه

---

هو ده اللي أنا خايف منه أنا اخدت كمية مضادات حيوية كتير ربنا يستر بس ده شر لابد منه لأن دور البرد بيقلب معايا بدرجة حرارة عالية جدا حتى المسكنات ممكن متنفعش معاها أنا ممكن أدخل أستحمى بمية ساقعة أخرج الاقي نفسي سخنت تاني فالموضوع ده بيبقى معايا صعب جدا ومشفتوش على زمايلي أو أي حد أعرفه قبل كده

اقتباس:

---

المشاركة الأصلية كتبت بواسطة ainshouka

البرد دا فيروس مش حيأثر معاه المضاد الحيوى فحاجه
الفيروس حياخد وقته والجسم حيطرده بعد كده
الراحة هى احسن علاج مع سوائل دافية باستمرار
وان شاء الله تقوم بالسلامه

---

فعلا الراحة أحسن علاج بس الواحد بيبقى عنده الشغل قطاع خاص ده غير مشاوير طلبات البيت

اقتباس:

---

المشاركة الأصلية كتبت بواسطة lonedoctor

انا لا ادرى الاخوة الكرام اصحاب الردود اطباء متخصصين ام لا ؟
القضية ليست قضية تكرار اخذ مضادات حيوية بقد ماهى البحث عن سبب تكرار التهابات الجهاز التنفسى العلوى بشكل اعلى من المعدل المعتاد
لذلك البحث عن احتمالية ضعف بجهاز المناعة وراثى او مكتسب امر مهم
مناقشة اسلوب حياتك life style واحتماية ان يكون سبب تعرضك للعدوى
اضافة بعض الادوية التى تزيد من قدرة جهاز المناعة مثل تطعيم الانفلونزا السنوى
وسلامتك
د.شريف
استشارى باطنة

---

أشكر حضرتك يادكتور على الرد بس أنا أعرف منين سبب البرد فيه تحاليل معينة أو حاجة أطلبها من الدكتور ولا أقله أيه ؟

اقتباس:

---

المشاركة الأصلية كتبت بواسطة أحمد كمال

كتر المضاد الحيوي ممكن يخلق اجيال جديدة من البكتيريا مقاومة ليه

---

هو شر لابد منه لأن البرد عندي بيبقى قوي جدا

معذرة للتاخير فى الرد لانى كنت مشغول
تشرفت بمعرفتك يا باشمهندس
اذا كنت لك تامين صحى انصحك تروح لاستشارى باطنة وانف واذن
تعمل اشعة مقطعية على الجيوب الانفية لاكتشاف اى مشكلة بالجيوب والحاجز الانفي او لحمية او زوايد
تحاليل اساسية وصورة دم مع عد نوعى للكريات البيضاء
تحاليل لقياس نسبة الاجسام المضادة IGg , IGM
اذا كل شئ تمام شوف اسلوب حياتك والتعرض لجو حار وبارد والتدخين ومكان العمل والاختلاط بناس كتير ممكن تكون بتكتسب العدوى منهم وطبيعة الاكل وبالذات البروتين
اذا كل ده طبيعى يبقى نزود عندك المناعة بتطعيم الانفلونزا السنوى وفى حبوب اسمها broncho vaxom هتاخد منها كبسولة على معدة فاضية يوميا مرة واحدة لمدة 10 ايام من كل شهر ---3 شهور كورس والفيتامينات الاضافية
ارسلت لك الرد على رسالة خاصة بعدين وجدت الافضل نشرها لتعم الفائدة
تقبل تحياتى