الموضوع: بفكر اشتري 128 !! اية رايكم ؟؟

السلام عليكم
بفكر اشتري عربية على أدي ففكرت في ال128
اسعارها اية ؟
وعيوبها اية ؟
واشتريها ازاي ؟
واية افضل موديل فها ؟
وهل لو فكرت ابيعها تاني تتباع بسهولة ؟

السلام عليكم ورحمة الله وبركاته
تحية طيبة لكم و لادارة المنتدى
سوف اقوم بمحاولة للرد علي اسئلتك من خلال تجربتي مع 128
اولا :السيارة 128 في منها مودلات من 1975 و حتى نوفا 2009 تقريبا مع اختلاف الفانوس فيكون الفانوس الدائري لل128 العادة اللي اخرها تقريبا سنة 1980 بعد او قبل بقليل و بناء علي ماسبق استطيع الاجابه على سؤالك الاول و هو سعرها يكون كام هتلاقي سعرها يتراوح مابين 10000 لعربية تكفرك و ضيع نص عمرك عند ميكانيكية و 30000 لعربية نوفا لو لاقيتها كويسه مع ملتحظة ان هناك موديلات لهذه السيارة شاذه زي موديل 88، 89، 90 الجراند لوكس علشان غالبا بتكون ايطالي ،، لكن طبعا الحالة تفرق لكن شكلهم اجمل من المويديلات التانيه .

اما بخصوص عيوبها فهي بكل بساطة عربية جيده لو حالتها نادره و نضيفه وتتلخص عيوبها في ثقل الفيتيس و ارتفاع حرارتها اللي جايه من الموتور في فصل الصيف و تمتاز برخص قطع الغيار و انتشارها حتي ممكن تلاقيها عند بقال مثلا و مع انتشار قطع الغيار ماتفرحش اوي علشان كتير منها مغشوش
اما بخصوص تشتريها ازاي فعليك واي ميكاتيكي حبيبك او الانترنت و غالبا اي ميماتينكي يستطيع فحصها جيدا و بسهولة و يسر يعرف عامله حادثه او لأ
افضل موديلتها سبق و ذكرت لك هي موديلات الجراند لوكس 88او 91
اما لو فكرت تبيعها و اكيد هاتفكر تبيعها علشان تعلي بالموديل فهي بيعها سهل جدا لكن لو ظبطها استغل اللي دفعته علشان مش هايرجعلك عند اعادة بيعها
نصيحة : العربية 128 هي عربية محترمة جدا جدا لكن طبعا لو حالته نضيفة و ديه نادره لان مافيش حد معاه 128 نضيفة و يبيعها الا لظروف زي حالاتي ، و بالتالي الخلاصه لو انك مش لاقيت 128 نضيفة انصحك بسيارة ماروتي صغيرة و تؤدي الغرض و تتعلم عليها و تبيعها بعدها ....ده في حالة عدم وجود 128 نضيفة
و السلام عليكم و رحمة الله و بﻻكاته