بائع الترماى حقيقة مصرية - صور - عام 1948

**Ramy_Ali** · 15-10-2008 04:09 PM

بائع الترماى حقيقة مصرية - صور

انا كنت فاكر ان فيلم اسماعيل ياسين ضرب من الخيال
بس واضح ان المصرى فعلا بيفكر وكويس وشاطر وفهلوى وباع الترماى
رقم 30 بالقصر العينى عام 1948

**Islam_galal** · 15-10-2008 04:22 PM

المصري حيفضل مصري

**Lord of the flies** · 15-10-2008 04:54 PM

جامدة جدا يا رامى

**Akram** · 16-10-2008 12:28 AM

دا المصريين دول وارثين الفهلوة من زمان , بس يا تري مين اللي ابتدعها .

**Noha.M** · 16-10-2008 04:04 AM

يعني قصة الفيلم دة كانت بجد بقا

والله حاجة تهلك من الضحك :)

**Nour_Peugeot** · 16-10-2008 04:27 AM

تحيا مصر احنا الرسمنا الهوا دوكو و شخبطنا عليه ههههههه

**Mido80** · 16-10-2008 07:16 AM

يا حبيبي المصريين هما اللي دهنوا الهوا دوكو وكمان هما اللي خرموا التعريفة.

دا احنا احنا اللي وقفنا ولا اتحتحنا....ههههههههه

**د-احمد عبد اللطيف** · 16-10-2008 09:48 AM

يا اخواننا ده احنا بقالنا 500 سنة بنشتري في ترمايات و ميادين
اقروا بس الجرايد كويس حتلاقوها مليانة ترمايات
كام مرة انضحك علينا بالشعارات الفارغه واحنا زي ..... بنسقف ونهتف بالروح بالدم
و كام الف مرة سمعنا تصريحات ووعود
هى يعني جت على دي
شعب مصر دة اطيب (قصدي....... ) شعب في الدنيا

**M!NA** · 16-10-2008 10:33 AM

مع احترامي لناقل الخبر بس أشك أنه ممكن يكون صحيح و ذلك لعدة أسباب...
1- اسلوب الكتابة يشابة الى حد كبير اسلوب اليومين دول... على سبيل المثال لا الحصر "خلاص بقى يعني ح أعمل ايه؟ أبيع البحر؟!" زمان الناس ماكانوش بيتكلموا كدا
مبقولش أنهم كانوا بيتكلموا فصحي... بس حتى العامية بتاعتهم كانت مختلفة...
2- الأحداث متطابقة جدا مع أحداث الفيلم... مثل جملة "فاكرني عبيط"
3- الأماكن متطابقة "ميدان العتبة... وسط البلد.."

و لو قارننا بين تطابق قصة بائع الترماي مع الفيلم و تطابق أي قصة مع الفيلم اللي بيجسدها هنلاقي أن دايما بيكون فيه فروق بين الواقع و الفيلم (زي مثلا ريا و سكينة) - (رأفت الهجان)... لكن هنا أنا مش شايف فروق الا في الأسماء بتاعت أبطال القصة...

عموما ديه وجهة نظر شخصية... قد تكون صواب و قد تكون خطأ...