الموضوع: روحت احل مشكلتي جبتلكم حل ممتاز

السلام عليكم
انا من فتره وانا بشتكي من الفرامل ونقص زيت الباكم المستمر وطبعا جربت حلول كتير جدا ومكانش فاضل غير اني اغير السيرفو
المهم روحت عند سوسو كرم من اللي سمعته عنه من هنا
الراجل كشف على العربيه وجرب الفرامل وقالي حلها مش عندي
طب يا عم قولي انت شاكك في ايه سكت طب ممكن يكون ايه برضه سكت طب اروح فين ولمين قالي شوف حد بيشتغل اوبل بس
شكرته علي مجهوده ومشيت
طبعا انا ماشي مذهول انه متعبش نفسه بالتفكير معايا ومصدوم علي السمعه اللي واخدها و مشوفتهاش
وانا مروح لقيت عربيات اوبل فاتحه كبوتها قربت لها لقيتها واقفه قدام ورشه ركنت ونزلت
عرضت مشكلتي للمعلم قالي نكشف والعربيه هيا اللي تقول علي اللي فيها
رفع العربيه كلها وكشف على فرده فرده دوران وفرامل وتسريب زيت وملقاش تسريب خالص
قالي العيب عندك اي بي اس بايظ وهو اللي ملخبط البدال وتوزيع الزيت علي العجل واكتشف ان التسريب سببه والحمدلله بليه الدبرياج
قولتله انا مش مقتنع قالي هثبتلك قام شايل بتاعي ومركب واحد من عنده
طبعا اللمبه طفت والفرامل حدث ولا حرج
نيجي بئه للبليه وركزوا معايا
بعد تشخيص العيب وكلامي معاه في تغيير البليه قالي انت مشكلتك ان فتيسك هو الفتيس الكبير يبقي لازم تجيب البليه انما لو العادي كنا غيرناه نوبيرا
ازاي يا عم هو ينفع قالي طبعا ينفع بنقول دايرة الزيت وبنركب بلية نوبيرا بالفرش بتاعها وشغلنا احنا بقه وقالي العربيتين اللي هناك معمول لهم التعديل وصاحبها اهو اساله
سالت الراجل لقيته مبسوط جدااا ومش بيشتكي من اي حاجه
المشكله اني داخل علي بليه والتعديل مش هينفع عندي
انا حبيت اقولكم عشان المحظوظ فيكم يستفاد بالتوفير

انا شايف ان في اجماع علي المشاهده بس بدون تعليق
موضوع تعديل البليه ده طلع قديم ولا مالوش لزمه ولا موضوعي مقفوله المشاركات فيه

هو قصده ايه بالفتيس الكبير ؟f23 ؟ واللى ينفع يتغيرله بليه النوبيرا هو الـ f16 ؟

و شكرا على الافاده يا شريف بك ..ومبروك على حل المشكله