مشكلة فى كهرباء الشاهين ..ارجو المساعدة
السلام عليكم ورحمة الله وبركاته
ارجو مساعدة الاخوة الكرام
واجهت فى الفترة الاخير عدة مشاكل فى الشاهين
الاضاءة بتاعت الفوانيس العالى والواطى اليمن اعلى من الشمال رغم ان الفانوس الى فى الشمال مركبه جديد
النور العالى والواطى ساعات كتير اول ما اجى اشغلهم الاقى الكهرباء عملت زى قفلة او حاجة والاقى العددات والنور بتاعهم طفى معاهم اطفيهما واحوش الفيوز بتاع الانوار واركبه تانى يشتغل تمام
النور العالى والواطى ساعات كتير ما يرضوش يشتغلوا خالص غير لما اخلع الفيوز واركبه تانى
جربت تغيير الفيوزات كلها بفيوزات ايطالى ونفعت فترة ورجعت تعملها تانى
وغيرتهم للمرة التانية وبرضوا نفس المشكلة واى كهربائى اروحله(جربت اكثر من واحد) يقلى عيب توصيلات وعيب فيوزات مش اكتر يشتغلى شوية عليهم وياخد الى فيه النصيب وترجع تعمل كده تانى
والجديدة الى ظهرت من يومين كمان اول ما اجى اشغل النور العالى او الواطى الاقى نور العدادات بيلعب ويضلم خالص شوية وممكن كمان الكاست نفسه يضعف
...
انا صارف على الكهرباء الشهور دى مصاريف لا يعلم بيها الا ربنا من كترها مش فاكر كام وياريتها بتتظبط يا ريت حد يكون عنده خبرة يفيدنى يقلى اعمل ايه...؟
منتظر الرد
