مشكلة فى عفشة الشاهين(اسكترا ومساعد)
السلام عليكم ورحمة الله وبركاته
انا اخوكم احمد من سوهاج انا جديد فى حوار العربيات ده بقالى حوالى سنة او اقل قابلت فى الفترة دى مشاكل كتير فى العفشة اولهم العربية كانت عالية اوى ادام وواطية ورا يعنى تحس العربية مايلة لورا ورحت وديتها بتاع عفشة ظبطها بس ما كملتش كام شهر ولقيتها بتعمل صوت تحس ان الحديد بيحك فى نفسه وراء خصوصا لما يكون حد راكب وراء انما لو كنت لوحدى لا يمكن تعمله ولو مركب وراء اكتر من 3 او مركب ناس وزنها تقيل مثلا لو حاطط شنط كمان فى الشنطة تلاقى العربية بتطلع الصوت باستمرار رحت لاكتر من واحد يقلى ما فيش حاجة وراء الى وارء سليم
ورحت لحوالى 3 صنايعية قالوا نفس الكلام بس قالولى التلاتة ان مالساعد الامامى الشمال بايظ وفعلا العربية بتعمل صوت طقة فى المطبات وبحسها مش مظبوطة ادام ولو حد قعد على الكبوت قدام فى الشمال يسمع صوت الطقة بتاعتها
بالنسبة لعصاية الاسكترا انا مغيرها من حوالى 6 شهور وجات من شهر لما كنت بشوف حكاية المساعد قلى الاسكترا بايظة ومش واحد بس ده اكتر من واحد اكدلى كده
ايه سبب بوظان الاسكترا بسرعة كده اصلى لسه متعلم جديد يمكن اكون بعمل حاجة غلط فى السواقة وايه هى احسن انواع الاسكترا واسعارها عشان المرة الى فاتت ركبت الاستيراد بس مش فاكر بكام...
منتظر الردود
