انا دلوقتي في الساحل وما بيني وبين مارينا 90 كيلو بفكر اروح بكرة مع العيلة وكدة نقضي اليوم هناك ونتفسح فكنت عايز اعرف نظام الدخول ايه هناك والاسعار واروح اي مارينا فيهم لانهم 5 واي واحدة فيها مول ومطاعم واوقات الدخول وابقي ماشكر جدا ليكوا
عرض للطباعة
انا دلوقتي في الساحل وما بيني وبين مارينا 90 كيلو بفكر اروح بكرة مع العيلة وكدة نقضي اليوم هناك ونتفسح فكنت عايز اعرف نظام الدخول ايه هناك والاسعار واروح اي مارينا فيهم لانهم 5 واي واحدة فيها مول ومطاعم واوقات الدخول وابقي ماشكر جدا ليكوا
بكره يوم بيكون زحمه .... لو بتحب الزحمه روح
الدخول بتذاكر ب ٢٥ جنيه الفرد
او كارنيه يدخل العربيه كلها
مارينا ٢ فيها شاطئ مجانى و كويس اسمه نادى السيارات
و فيه مارينا ٥ الزحمه كلها و فيه شواطئ برسوم زي لابلاج و سبوت و يشمك (للحريم بس)
زحمة وناس محترمة ولا زحمة ولامم ومعلش الـ ٢٥ جنيه دول لاي مارينا ولا بورتو بالذات احنا مش عاوزين ننزل بحر او بسين وكدة عاوزين مكان يكون فسحة فيه مول او مطاعم زي ماكدونالز بيتزا هت كدة ومين احسن بورتو مارينا الي هيا 3 ولا مارينا 5
مارينا بقت لامه واى حد بيقدر يدخل بس الناس برضه شكلها جوا نضيف مش زى اى مكان تانى يعنى لامة شباب وعائلات
ممكن تدخل من مارينا 1 وتلف جوا براحتك وتدخل بورتو عادى مش محتاج تذاكر تانيه
بتهيئلى مارينا 5 حلوه لان عليها الاقبال كله انا لفيتها مرتين بس كنت بعدى عليهم كلهم وفى الاخر بدخل بورتو
هو الشاليه بكام فى مارينا
حجز اسبوع
معنديش فكرة والله انا روحت انهاردة وعجبتني جدا رحت مارينا 3 و 4 و 5 احسن مارينا فيهم كانت 4 o.O معرفش ازاي بس يمكن لاني روحت متأخر ملحقتش البلاج والبوول في المستقبل ان شاء الله لازم الواحد يفكر ف شاليه هناك بس الاسعار ف الطالع اوي اوي اوي بس بصراحة الناس هناك معظمهم كويس وعجبتني اكتر من اندلسية بتاعت مطروح
للاسف الاسعار هناك بيع و شراء خيالية
الايجارات متفاوته حسب وقت الايجار
بس اقل شيء ممكن ٤٠٠٠ جنيه الاسبوع
الحمدالله انك اتبسطت :))
احنا رحنا من سنتين فاتوا كانت شقة بـ الف ومية في الاسبوع كانت صاحبتها من القاهرة استلمنا منها الكارنيهت لدخول الملاهي المائية وحمامات السباحة والمفاتيح وبصراحة من افضل المصايف اللي رحتها وعجبتني جداً واندلسية فيها كل اللي انت عاوزه زي جيت سكي وبيتش باجي وجيم والملاهي بتاعتها للاطفال والكبار تحفة وممتعة وحمامات السباحة حلوة هي كمان ان شاء الله تستمتع جداً
تسلم يا غالي علي اهتمامك وردودك وانا الحمدلله فعلا كانتالدنيا كويسة هناك في مارينا وممتعة