مساعده من اهل الخبره فى شراء سيارة من 35:30 الف

السلام عليكم ورحمة الله وبركاته
الاول كل سنه وحضراتكم طيبين بمناسبة حلول شهر رمضان الكريم ..ودي اول مشاركه لي معاكم واتشرف بوجودي ما بينكم ..
محتار جدا في سياره في رنج 30الف ل 35 مثلا ....لغرض التحرك داخل المدينه ممكن سفر مره او مرتين في السنه مرسي مطروح( ( من القاهره طبعا )) ايه افضل حاجه في الرنج دي من حيث التحمل والاعتماديه والثبات وتكون موفره في البنزين وسهولة القياده وتوافر قطع الغيار السحب والتسارع وتكييف .....ويا ريت لو عربيه مش بتحب زياره الميكانيكي كتير .....منتظر ردودكم وهتفرق جدا معايا ...واسف علي الاطاله .


تم تعديل العنوان
م ب 3

14 مشاهده ومفيش ردود؟؟؟؟؟؟؟؟؟؟؟؟؟؟؟؟؟؟؟؟؟

الاختيار التقليدي هيوانداي اكسيل كاملة.

الاختيارات الآخري
فيات شاهين
لانشيا ديدرا
سيات ابيزا ٩٤
سكودا فيلبشيا ٩٦

لو تعرف تزود ل 40 وتجيب لانوس هايببقى افضل اختيار

اقتباس:

---

المشاركة الأصلية كتبت بواسطة ayman_amer

الاختيار التقليدي هيوانداي اكسيل كاملة.

الاختيارات الآخري
فيات شاهين
لانشيا ديدرا
سيات ابيزا ٩٤
سكودا فيلبشيا ٩٦

---

انا حابب الهيونداي عامة بس هل هي سياره فيها المواصفات اللي انا طالبها ؟؟؟وشكر لكم جميعا

اقتباس:

---

المشاركة الأصلية كتبت بواسطة j a g u a r

لو تعرف تزود ل 40 وتجيب لانوس هايببقى افضل اختيار

---

شاكر جدا لرد حضرتك....بس ممكن تقولي ايه مميزات اللانوس؟؟؟وعيوبها لو امكن

منتظر مشاركات الاعضاء وبارك الله فيكم

اقتباس:

---

المشاركة الأصلية كتبت بواسطة saddam azmi

شاكر جدا لرد حضرتك....بس ممكن تقولي ايه مميزات اللانوس؟؟؟وعيوبها لو امكن

---

عربيه اعتماديه من الدرجه الاولى .. قطع غيارها متوفره فى كل مكان سهله فى البيع والشراء تكييفها وثباتها معقولين واستهلاكها للبنزين مش عالى وحجمها صغير وسهله

عيوبها واطيه ع الارض وضيقه شويه تسارعها ضعيف شويه وخصوصا مع التكييف وشكلها اتهرس فى الشوارع وعزلها وحش شويه وصاجها خفيف

واللى عايز يزود يزود علشان انا بكتب باستعجااال

اقتباس:

---

المشاركة الأصلية كتبت بواسطة j a g u a r

عربيه اعتماديه من الدرجه الاولى .. قطع غيارها متوفره فى كل مكان سهله فى البيع والشراء تكييفها وثباتها معقولين واستهلاكها للبنزين مش عالى وحجمها صغير وسهله

عيوبها واطيه ع الارض وضيقه شويه تسارعها ضعيف شويه وخصوصا مع التكييف وشكلها اتهرس فى الشوارع وعزلها وحش شويه وصاجها خفيف

واللى عايز يزود يزود علشان انا بكتب باستعجااال

---

اشكرك ...واتمني مشاركه الاعضاااااااااااااااااء وذوي الخبره

بص لو قدرت تزود 10 كمان
وتجيب فيرنا او لانوس
احسن ليك من فئة ال 30 خالص

طيب يا جماعه انا معروض عليا اوبل 1000 سي سي موديل 99 ...بطاريه جديده ..رخصه ساريه لمدة سنه ونصف ..عربيه لاتحتاج اي مصاريف ..تباع للتجديد فقط...العربيه حالتها جيده جدا صاحبها كان بيتكلم ف 37 وصلنا السعر ل35 لانها عربيه صديق يعني حاجه بيتي كده ...يا تري ايه رايكم في العربيه اولا وبعدين السعر ويا ربت الرد بسرعه لان رايي هيترتب علي ردودكم وبارك الله فيكم

لو الاوبل حالتها حلوة واثق منها كويس جدا .. اتوكل علي الله .. لو لأ يبقي سيبك من معظم العربيات المشهورة اللي في الفئة دي و فكر في العربيات اللي تتركب زي :

اول حاجة البرافا و دي بجد عربية ركوبة .. بالنسبة لثباتها و راحتها كواحد بيسوقها و كماليتها و قوتها و شكلها و كل حاجة بصراحة .. ملاحظة : من بعد مركبتها و الله العظيم جيت مرة اركب فيرنا 2008 و الله العظيم معرفتش

تاني حاجة اللانشيا ديدرا .. و دي عربية فخمة في كل حاجة .. انا اسمع انهم مسمينها بي ام الفيات و دي حقيقة

بروتون ويرا .. بإختصار عربية محترمة افضلهالك بس بعد البرافا طبعا

الفورد اسكورت عربية كويسة جدا و كنت راكب مع واحد سايقها كان ثباتها معقول جدا بس اسمع قطع غيارها نادرة

الفا روميو 146 .. اكتر واحدة فيهم شبابيه شوية من اول صوت الموتور و ادائة لحد تصميمها الخارجي و الداخلي .. حاجة مختلفة ارشحهالك بردو بس بعد البرافا

البونتو " الجيل التاني " .. اسمع انها كويسة بس في منهم عربيات بتسخن مع التكيف .. لو هتجيبها جربها كويس في النقطة دي

دة رأي حاول متخرجش عن دول عشان تركب صح و تحس انك دفعت الفلوس في حاجة تستاهل كل قرش دفعتة فيها

اقتباس:

---

المشاركة الأصلية كتبت بواسطة m_a_h_m

لو الاوبل حالتها حلوة واثق منها كويس جدا .. اتوكل علي الله .. لو لأ يبقي سيبك من معظم العربيات المشهورة اللي في الفئة دي و فكر في العربيات اللي تتركب زي :

اول حاجة البرافا و دي بجد عربية ركوبة .. بالنسبة لثباتها و راحتها كواحد بيسوقها و كماليتها و قوتها و شكلها و كل حاجة بصراحة .. ملاحظة : من بعد مركبتها و الله العظيم جيت مرة اركب فيرنا 2008 و الله العظيم معرفتش

تاني حاجة اللانشيا ديدرا .. و دي عربية فخمة في كل حاجة .. انا اسمع انهم مسمينها بي ام الفيات و دي حقيقة

بروتون ويرا .. بإختصار عربية محترمة افضلهالك بس بعد البرافا طبعا

الفورد اسكورت عربية كويسة جدا و كنت راكب مع واحد سايقها كان ثباتها معقول جدا بس اسمع قطع غيارها نادرة

الفا روميو 146 .. اكتر واحدة فيهم شبابيه شوية من اول صوت الموتور و ادائة لحد تصميمها الخارجي و الداخلي .. حاجة مختلفة ارشحهالك بردو بس بعد البرافا

البونتو " الجيل التاني " .. اسمع انها كويسة بس في منهم عربيات بتسخن مع التكيف .. لو هتجيبها جربها كويس في النقطة دي

دة رأي حاول متخرجش عن دول عشان تركب صح و تحس انك دفعت الفلوس في حاجة تستاهل كل قرش دفعتة فيها

---

شكرا لذوق حضرتك وانا ههتم جدا بكلام حضرتك ...بس انا مليش اوي ف العربيات لدرجة اني اول مره اسمع من حضرتك برافا دي...هي تصنيع ايه ؟؟؟حاسس ان حضرتك مقتنع بيها اوي ....فيا ريت حضرتك تديني معلومات تفصيليه اكتر ولحضرتك جزيل الشكر ...

لو هنتكلم عن البرافا يبقي اول حاجة هي دي عربيتي حاليا " و الحمد لله " هقلك الحاجات العادية فيها اللي زي الثبات .. و القوة و التسارع مع العلم انا معايا ال 1600 و التصميم الخارجي و الداخلي .. ضيف كمان لو هتقارنها بعربية كوري شوف الماتيريال المكونة ليها سواء كميكانيكا او الصالون و التابلوة معلش في الكلمة " هتف علي الكوري " .. و قطع غيارها مش غالية بالصورة اللي الناس بتبالغ فيها بس هيا اكيد مش زي اسعار قطع غيار الشاهين مثلا .. و طبعا متوفرة بحكم انها فيات .. شوف انت عايز اية فيها و انا تحت امرك

اقتباس:

---

المشاركة الأصلية كتبت بواسطة m_a_h_m

لو هنتكلم عن البرافا يبقي اول حاجة هي دي عربيتي حاليا " و الحمد لله " هقلك الحاجات العادية فيها اللي زي الثبات .. و القوة و التسارع مع العلم انا معايا ال 1600 و التصميم الخارجي و الداخلي .. ضيف كمان لو هتقارنها بعربية كوري شوف الماتيريال المكونة ليها سواء كميكانيكا او الصالون و التابلوة معلش في الكلمة " هتف علي الكوري " .. و قطع غيارها مش غالية بالصورة اللي الناس بتبالغ فيها بس هيا اكيد مش زي اسعار قطع غيار الشاهين مثلا .. و طبعا متوفرة بحكم انها فيات .. شوف انت عايز اية فيها و انا تحت امرك

---

شكرا لتوضيحك ....انا بصراحه شفت صور للعربيه وشكلها جميل جدا ...وصلونها واسع ...وفيها مميزات كتير ....هدور ويا رب الاقي حاجه حالتها كويسه ....بس ممكن تقولي افضل موديل ادور عليه يا باشا وشكرا

في اتنين في ال 1600 و دة من 97 لحد 2000 تقريبا و ال 1300 2001 و 2002 تقريبا .. في فرق اختلافات بسيطة جدا في التابلوة و العدادات