الموضوع: قمة القهر من المانى لصينى

اللى حصل ان بقالى اكتر من شهرين مذاكرة و امتحانات خلال الفترة دى الوالد لقى اوكتافيا A5 لقطة راح اشتراها لونها اسود ماشية 100000 كيلو الفتيس تمام 2007 بمبلغ 110000 ( ده طبيعى فى اسيوط و لقطة)

المهم بما اننا كنا فترة امتحانات فتم طبعا اعلان حالة الطوارئ و الاحكام العرفية و صدقونى لما بقولوكوا ان عشان اروح اشترى حاجة او اشرب ميه لازم اخد اذن الاول

طبعا انا طوال هذه الفترة مقدرتش اسوق العربية دقيقة حتى مجرد بصبح و امسى عليها من بعيد

المشكلة بقى انا الوالد احتاج 60000 جنيه ضرورى و احنا كنا مفلسين بعد شراء العربية اطرينا نبيع يعنى العربية مقعدتش شهر وولاسف تم البيع بسرعة و الحمد لله بخسارة 10000 جنية عشان يبيع بسرعة ( السوق فى اسيوط نايم)

الحجة قالتلوا لاااااااا لازم عربية نتحرك بيها و اذا فجأة لقيناه راجع البيت من اسيوط لديروط معاه واحدة من اكتر العربيات اللى انا معرفش عنها حاجة لانى ببساطة بكرهها اسبيرانزا a516

قمة القهر بقا فى ايه ؟؟ انه باع و اشترى قبل انتهاء امتحاناتى ب 3 ايام لو كان بس لحقت اخد لفة بالالمانى

فى النهاية ده قضاء ربنا و احنا راضيين , فى حاجة لازم اعرفها عن العربية دى ؟؟؟

P.S : الحاجة الوحيدة اللى كانت وحشة فى الاوكتافيا انها كانت سودا و كان التراب باين عليها جامد , العربية اللى قبليها كانت سيينا بيضا ما كانتش كدا ابدا

المشاركة الأصلية كتبت بواسطة akmm

الاوكتافيا صناعه تشيكيه .................... مش المانى .

يا باشا الموضوع ده قتل بحثا العربية تشيكى وليها كذا تقفيل فى فنزويلا مثلا انما كلنا بنقول المانى عشان مكوناتها و موتورها و عفشتها و الفتيس و الديزين الداخلى من فولكس الالمانية الشركة المالكة لسكودا الحاجة الوحيدة اللى هى سكودا الشكل الخارجى

شكرا على مرورك