الاسعار الجديدة للبنزين من اول شهر يولية 2014

**ahmadmahmoud** · 28-06-2014 12:32 PM

المشاركة الأصلية كتبت بواسطة محمد يوسف

لأ ..برضه حافضل مؤدب ومش حارد على مستواك فى الكلام ... حسبى الله ونعم الوكيل

برضه , عموما انا اسف انى وجهتلك كلام, سامحنى معلش

**Hazem_Ahmed** · 28-06-2014 01:06 PM

علمت «المصرى اليوم» أن الحكومة قررت تطبيق الزيادات الجديدة فى أسعار البنزين والسولار اعتبارا من الثلاثاء المقبل، بحيث سيتم تحريك سعر بنزين 80 من 90 قرشا إلى 140 قرشا للتر، كما ستتم زيادة سعر بنزين 92 بقيمة 50 قرشا للتر ليصل إلى 235 قرشا للتر مقابل 185 قرشا حاليا، أى بزيادة 10 جنيهات للصفيحة الواحدة لكلا النوعين.

وقال مسؤول حكومى إن الخطة تتضمن أيضا زيادة سعر السولار بقيمة 40 قرشا ليصل سعره إلى 150 قرشا بدلا من 110 قروش حاليا، مضيفا أن الحكومة قررت تحريك أسعار المنتجات البترولية دفعة واحدة، خاصة أن زيادة سعر منتج دون الآخر يسهم فى زيادة الطلب عليه.

الحكومة تطبق زيادة أسعار الوقود الثلاثاء | المصري اليوم

**MemO_KinG** · 28-06-2014 02:21 PM

للأسف الواحد بيشوف ناس متعلمة و معاهم شهادات بس بيلاقى منهم جهل او استهبال
و الفوارق العقلية فى المجتمع هى اللى بتخلى العاقل يتقبل غصبن عنه مصير الجهل بسبب انتشاره الواسع فى بلد زى مصر

يعنى لو الموضوع ده تم من النظام السابق مثلا كنا هنشوف حناجر بصرخ لحد ما يوقفوه انما لما يحصل من النظام الحالى هنلاقى حاجتين
اول شئ الناس هتنكر و ده حصل فعلا لمجرد المصدر اللى هما بيكرهوه
تانى شئ هيستهينو و يقولك ايه يعنى انشالله لو يوصل 20 جنيه اللتر

انما فى ناس فى البلد بقى حالها بيخليها ماتقدرش تتكلم و بتدفع غصبن عنها و يمكن الزيادة دى فى كل لتر سواء بنزين او سولار هتأثر على معيشته و على مستوى تعليم اولاده او الصحة او غيره

للأسف ربنا رزقنا بناس تحكمنا ماتعرفش غير حاجتين "مافيش و ادفع اكتر"

طيب انا ليه احبس الطلبة و المفكرين و الناس اللى بتفهم و اجمع حواليا ناس مابتفهمش و هيزيدوا سوء حالة البلد اكتر مما هى عليه

ليه مافكرش فى طاقات بديلة و حلول ساعتها لو زودت فى السعر هيبقى فى زيادة دخل برضه تغطى و ماتعملش ازمة للمواطن الغلبان

قسماً بالله فى شركات فى مصر حكومية اصدقائى شغالين فيها بيصرفولهم كل سنة شهور ارباح منهم اللى بيوصل ل 50 شهر غير المرتبات اللى لمجرد موظف بيروح يقعد على مكتبه يلعب عالفيس لمدة 5 ساعات و يروح بيته تانى و يقبض

ليه مافيش حالة ثورة عمل حقيقية تخلى مصر ترتقى احسن مما هى عليه

ماحدش يعترض على قرار زى ده عشان احنا مش هنوصل لأى شئ مافيش حد قلبه علينا و مافيش حد هيعمل شئ عشاننا و احنا مهما عملنا عشان بلدنا ماحدش هيقدر ده ولا هيدعمه

لدرجة انك تحس ان فى كيانات بتمول ناس فى مصر عشان يحافظوا على حالة التخلف و الجهل اللى فيها

يزيد بقى بنزين يزيد غاز و كهربا عادى ماتحطش فى بالك

**hossam_elwani** · 28-06-2014 05:29 PM

المشاركة الأصلية كتبت بواسطة مجمود فراج

كارت البنزين عشان تاخد بالسعر العادى الزياده من غير كارت

فين مصدر الكلام ده؟؟

**ahmedharon** · 28-06-2014 06:16 PM

كل سنه وانتو طيبين ياجماعه وبلاش نشد مع بعض سياسيا او لاى سبب اخر واحنا هنا اخوات بنفيد بعض وبس وشكرا

**mido_soliman** · 28-06-2014 07:04 PM

المشاركة الأصلية كتبت بواسطة محمد يوسف

ربنا يشفيك ان شاء الله

يعني انت عامل مؤدب واللي بيعلق عليك تقوله حسبي الله ونعم الوكيل وبتقولي ربنا يشفيك!!!
ردي عليك بوقف واللي زيك خساره فيه الوقف بس انا حمثل زيك بالظبط وحقولك
(انا مؤدب ومش حرد عليك وحسبي الله ونعم الوكيل فيك. )

**hossam_elwani** · 28-06-2014 08:16 PM

المشاركة الأصلية كتبت بواسطة hamada hozein

يرجى من الاراده غلق الموضوع لوجود فتنه

فتنه الى هو ازاى يعنى ؟!!!!!

**hossam_elwani** · 28-06-2014 08:17 PM

المشاركة الأصلية كتبت بواسطة kazamodia

انا شايف ان زيادة البنزين 50 قرش مش مشكلة كبيرة يعني وبعدين مفيش حد معاه عربية واسمه غلبان
بعدين ده البنزين في تركيا ب 16 جنيه اللتر واللي مش عاجبه يروح هناك

خلى دخلى زى دخل المواطن التركى والكل موافق يا استاذى

**bebo2000** · 28-06-2014 09:47 PM

المشاركة الأصلية كتبت بواسطة mido_soliman

يعني انت عامل مؤدب واللي بيعلق عليك تقوله حسبي الله ونعم الوكيل وبتقولي ربنا يشفيك!!!
ردي عليك بوقف واللي زيك خساره فيه الوقف بس انا حمثل زيك بالظبط وحقولك
(انا مؤدب ومش حرد عليك وحسبي الله ونعم الوكيل فيك. )

يا سيدي انت بتكلم في مين
دي نوعية اتعودنا عليها خلاص
الموضوع لما كان من الجزيرة وفيه احتمالية انه اشاعة ولسة متأكدش قلب الدنيا وعمل أسد ونزل مهاجمة في الناس وقعد يدعى عليهم
ولما تأكد الخبر من كذا جهة .................................وشغال " حسبي الله ونعم الوكيل"
حاول تتعود على الناس دي علشان متتعبش

انذار ووقف اسبوع لمخالفة القاعدة 12
يرجى مراجعة قواعد المنتدى
4:42pm 6/7/2014
م.ع.4

**ahmedelrayan** · 29-06-2014 12:39 AM

يا جماعة انا اول ما سمعت الخبر قولت اعمل موضوع بيه عشان كل اخوتى فى نايل موتورز يبقى عارفين وده كان هدفى اقسم بالله لكن اتعرضت لهجوم كتير واللى يقولى بطلوا اشاعات واللى يقولى مش عارف ايه لدرجة انهم ندمونى انى عملت الموضوع طيب الموضوع اتأكد اهو ومن كذا جهة كان ليه بقى الهجوم عليا من الاول لدرجة انهم حسسونى انى جاسوس والحاجة الوحيدة اللى طلعت غلط هو سعر اللتر من زيادة جنيه لزيادة 50قرشا ودى لعبة اتلعبت علينا عشان نقول الحمد لله ان 50قرشا مش جنيه عشان لو كان الخبر زيادة 50قرشا من الاول كنا قولنا كتير وازاى يغلى 50قرشا مرة واحدة والكلام اللى قولنا عارفينه انا حبيت اوضح بس يا جماعة عشان لما يجى عضو يعمل موضوع عن خبر زى ده مانهجموش اوى كدة ويأما نثبت صحة الخبر يأما ننفيه ونبقى عارفين ان هدف صاحب الموضوع هو الافادة مش اكتر