حريقة جديدة-معهد الأورام

**sab3aawy** · 15-10-2008 04:49 PM

خبر منقول

السيطرة علي حريق نشب بالطابق الأول لـ معهد الأورام .. التهم المكاتب الإدارية
14/10/2008
ولم يسفر عن خسائر في الأرواح

نجح الإدارة العامة للدفاع المدني والحريق في السيطرة علي حريق نشب في الطابق الأول من معهد الأورام بالقصرالعيني في الواحدة من صباح اليوم ولم يسفر عن أي خسائرة في الأرواح‏,‏ بينما أتت النيران علي محتويات حجرات الطابق الأول من المكاتب الإدارية وحافظات الملفات الخاصة بالشئون الإدارية بالمعهد‏.‏

وكان اللواء محمد نصير مدير الإدارة العامة للدفاع المدني والحريق قد تلقي اخطارا من المقدم غاندي بدر الدين مقلد مشرف عمليات المطافي باشتعال النيران في معهد الأورام بشارع قصر عيني فانتقل علي الفور علي رأس‏6‏ سيارات اطفاء وبرفقته نائبه اللواء زكريا طلبة‏,‏ حيث تم التعامل مع النيران بشكل سريع بواسطة المواد الرغوية‏,‏ حتي امكن محاصرتها قبل ان تمتد إلي باقي أدوار المعهد‏,‏ وتتسبب في كارثة لو لحقت بعنابر المرضي أو غرف العمليات‏.‏

يذكر ان اللواء اسماعيل الشاعر مساعد وزيرالداخلية مدير أمن القاهرة‏,‏ كان مارا بسيارته بالصدفة بشارع قصر العيني وفوجئ بالحريق فأشرف بنفسه علي عمليات الإطفاء التي لم تستغرق أكثر من ربع ساعة‏.‏ وقد اجريت عمليات تبريد للطابق الذي اشتعلت فيه النيران للتأكد من اخماد النيران نهائيا‏,‏ وأخطرت النيابة التي باشرت التحقيق‏.

**ibrahimsaad** · 15-10-2008 07:30 PM

واضح جدا ان الفساد وصل الى ذروته

وبصراحه ان من كثره عدد الحرائق كل يوم خلاص اتعودت عليها ومابقتش غريبه ان اسمع عنها

وعقبال الحريقه الكبرى اللى كلنا مستنينها

**shanodaa** · 15-10-2008 07:34 PM

كلمه فساد قليله

**sh23** · 15-10-2008 07:38 PM

هو موسم الجرد إما في شهر 6(حكومة) أو شهر 12(خاص وأستثماري )
يعني الحرائق في غير وقتها ؛؛؛ مش كدة ولا إيه

**amir** · 15-10-2008 10:35 PM

يا جماعه
لو تابعنا مسلسل الحرائق هنلاقي انه دايما بتحصل في اوقات الاماكن خاليه من البشر
و يمكن ده علشان محدش يلحقها و تنتشر اكتر
و يمكن لطيبه قلب مشعلينها!!!!
لكن تبقي نقطه واضحه وضوح الشمس
مين اللي بيتسبب في الحرائق دي خصوصا انها معادش ينفع نعتبرها صدف
اكيد في حد بيعمل كده
بس لو الفرضيه دي صح يبقي مين؟
عدو خارجي؟
ام مجموعه من الاشخاص اللي بينتقمو من الحكومه؟

**zalpany2000** · 16-10-2008 12:36 AM

والله يا جماعة انا اكتر حد صعبان عليا اللواء محمد نصير ده يا عيني ما ريحش شهر علي بعضه من 3 شهور اهه
والله سقفة لرجال المطافي

عمار يا مصر

**ahmad7610** · 16-10-2008 12:48 AM

عادى عندنا حريق فى الكلية بتاعتنا القديمة الاسبوع ده :) ....

**meeezo333eg** · 16-10-2008 02:07 AM

مش يمكن الحرايق دى كلها مقصودة عشان يقدروا يخبوا اوراق مهمة او حاجات ثمينة و يقولوا دى راحت فى الحريق
اوراق بتكشف فساد الحكومة مثلا و الحكومة هى اللى بتحرق الاماكن دى
لو ارهابى هيبقى عايز يكون فيه ناس عشان الحادثة تتعرف و تتشهر

**ayman_elkholy** · 16-10-2008 02:29 AM

بلاش ظنون يا اخوانا ممكن تكون الحرايق دى هدفها الوحيد تشغيل رجالة الاطفاء فقط
يعنى هايخدو مرتبات و ما يشتغلوش بيها طب ازاى يعنى اكيد الحكومة عاوزاهم يحللو القرش اللى بيخدوة