محدش غيركو هينصحنى واقع فى ورطه

اولا تحيه لاهل المنتدا الكراااام
انا معايا لانوس وان اشترتها من كام شهر والحمد الله عربيه زى الفل ومريحانى جدااا
مره وحده وانا سايق العربيه بقيت حاسس انها متلته المهم كشفت لقيت بوجيه قاطع فعلا غيرت طقم بوجيهات والمكانيكى عمل حاجه غريبه فتح سن البوجيه شويه قبل تركيبه محطتش فى دمغى بعدها بكام يوم ببص على الزيت لقيته ناقص ببص على الشكمان بيطلع دخنه بيضه ينهاااااااااااار رحت غيرت زيت وفلتش برضو الدخنه موجوده اغير بوجيهات ولا موضوع فتح سن البوجيه ده ملوش دعوه ؟؟
لو عيزه طقم شنبر اعمله ولا هترجع تبوظ ثانى بصراحه الماتور سحبه حلو وانا بجرى وبقرص بالعربيه لدرجه انها بتجيب معايا ال 190 فا الكل قلى العمره او النص عمره هيبقا هتبقا هادى عشان لو قرصت هترجع ثانى وفى حد نصحنى احط زيت شنبر كحل مؤقت لحد ما اشوف هعمل ايه بالله عليكم سعدونىىىىى

محدش عايز يقلى حاجه ليييييييييييييييييييييييي ييه :(

ياباشا انت قرصت على العربية أكثر من اللازم
كده شكلها طقم شنبر على الاقل ، والبوجيه ملوش دخل بالموضوع
لازم الميكانيكي يفك عشان يحدد هل هو طقم شنبر فقط ام تحتاج لعمرة كاملة

اقتباس:

---

المشاركة الأصلية كتبت بواسطة hilal

ياباشا انت قرصت على العربية أكثر من اللازم
كده شكلها طقم شنبر على الاقل ، والبوجيه ملوش دخل بالموضوع
لازم الميكانيكي يفك عشان يحدد هل هو طقم شنبر فقط ام تحتاج لعمرة كاملة

---

شكرا لرد حضرتك عليا طيب لو هتحتاج عمره اجيب متور استيراد ولا العمره احسن ؟؟

هات موتور استيراد احسن

عادى جدا ياباشا دة طقم شنبر يتعمل فى يومين وتلين كلة هيبقا تمام

اقتباس:

---

المشاركة الأصلية كتبت بواسطة ايمن فهمى

عادى جدا ياباشا دة طقم شنبر يتعمل فى يومين وتلين كلة هيبقا تمام

---

انا خايف حضرتك اعمله ميزبطش اصلى سمعت انه حظ وان فى مواتير مش بيعمر فيها وبترجع ثانى بعد فتره

انا تقريبا عندي نفس الموضوع بس الدخنة مش موجودة طول الوقت ومش ملحوظة اوي بس دي اعراض تلف طقم الشنبر وانا بحثت في الموضوع دة خصوصا للي جرب يعملة وللي اشتري دماغة وسقط
بص انت تفك غطا التاكيهات والميكانيكي يبص علي الشمايز لو تمام يبقي توكل علي الله واعمل طقم الشنبر لو في هفوة فيها اوي تكمل شيل وحط شورت بلوك ... او جيب الموتور 2 كامة بتاع الانوس استيراد تقريبا 3 وشوية ودة ان شاء الله اللي ناوي اعملة وعلي فكرة دة سببة القرص علي المكنة لاني كنت بحرق علي الغيار فترة ولحقت نفسي قبل متجيب مكنة
شكر خاص للاستاذ ...... طارق

اقتباس:

---

المشاركة الأصلية كتبت بواسطة mwanted

انا تقريبا عندي نفس الموضوع بس الدخنة مش موجودة طول الوقت ومش ملحوظة اوي بس دي اعراض تلف طقم الشنبر وانا بحثت في الموضوع دة خصوصا للي جرب يعملة وللي اشتري دماغة وسقط
بص انت تفك غطا التاكيهات والميكانيكي يبص علي الشمايز لو تمام يبقي توكل علي الله واعمل طقم الشنبر لو في هفوة فيها اوي تكمل شيل وحط شورت بلوك ... او جيب الموتور 2 كامة بتاع الانوس استيراد تقريبا 3 وشوية ودة ان شاء الله اللي ناوي اعملة وعلي فكرة دة سببة القرص علي المكنة لاني كنت بحرق علي الغيار فترة ولحقت نفسي قبل متجيب مكنة
شكر خاص للاستاذ ...... طارق

---

بس الموتور ال 2 كامة مش المفروض يعدل في الفرامل علشان الموتور ده بيطلع 109حصان؟؟

حضرتك أنا لى رأى فى موضوع السرعة 190 دى
حضرتك كتير أوى أحنا مش بنشكك فى قدرات العربية أو اى عربية ولكن ولكن طرق مصر لا تتحمل مثل هذه السرعات العالية وأى سرعة أعلى من 100 أو 120 تعتبر مجازفة وربنا يسترها مع حضرتك ومع الجميع
بالنسبة للماتور انا بقول كفاية علية كدا وكتر خيرة وتشترى ماتور أستيراد بحالة جيدة وتحافظ عليه ولك الاختيار
تحياتى لحضرتك

نصيحة منى ليك لو ماتورك سليم مفيهوش كسور

يبقى عمروا احسن لأن العمرة الكاملة انت بتغير فيها كل حاجة ما عدا البلوك

اما الماتور الاستيراد بيبقى عامل زى البطيخة المقفولة يا تطلع حمرا يا قرعه

وهاتبقى انت و حظك بس لو هاتعمل عمرة اعملها عند صنايعى محترم فاهم فى الدايو

عشان لو عملتها عند اى واحد والسلام ومبيفهمش هيضيع فلوسك ع الفاضى وهاتبقى ولا كانها اتعملت