مين ناوى يقاطع التليفزيون السنه دى وبالاخص المسلسلات؟؟؟؟

**S O P H O S** · 27-06-2014 01:13 PM

مفيش وقت اصلا ليه
ربنا يبعدنا عنه لان الموضوع زاد اوي عن الحدود

**besso** · 27-06-2014 02:07 PM

والله التليفزيون ده اصلا سبب فساد المجتمع سواء فى رمضان او غيره
لكن هما مزودينها اوى اوى لدرجه انهم مابيتكسفوش لما ممثل ولا قناه تقول هانعرض مسلسل الفنانه مش عارف مين فى رمضان وكأن الامر عادى ربنا يهديهم

انا لما بدات اقاطع المسلسلات بقيت الاقى وقت فاضى لقراءه القران والصلاه
تحس ان كان فيه استغفر الله العظيم شيطان معانا فى البيت

ده من كتر المسللات لو حاولت تتابعهم بعد رمضان السنه كلها مش هاتكفيك تخيلو !!!
شوف كم الملايين اللى بتتصرف على فساد المجتمع مع ان نص المبالغ دى لو اتصرفت تحل ازمات كتيييييييييييييير
ولناس عمرها ماهاتنسى الللى يعمل حاجه مفيده بس تقول ايه خلاص احنا بقينا امه فاسده

ربنا يصلح الحال

**mustafavet** · 27-06-2014 02:33 PM

انا مش عارف ليه الناس لسه محتفظه بالتلفزيون
هات راوتر كويس ونت سريع واللي عاوز تتفرج عليه براحتك
مفيش حاجه دلوقتي بتتعرض علي التلفزيون الا وتلاقيها نزلت علي النت ف نفس اليوم ويمكن قبلها

**ah-gawad** · 27-06-2014 05:12 PM

مقاطع باذن الله التليفزيون و الفيس بوك اهم حاجة مش ناوي افتحه خالص ان شاء الله

**KemozTanta** · 27-06-2014 11:01 PM

كل المسلسلات هتتعوض وتتشاف وتتعرض تاني وتالث
لكن فضل شهر رمضان اللي يعدي عليك لا يعوووووض أبداً
فبالتأكيد مقاطع

**minicooper20** · 28-06-2014 03:58 AM

انا بقا معنديش فى ال tv الا beinsport
و ناشونال جيو جرافيك و الباقى كولو ديليت رمضان و غير رمضان
انا اصلن مش متخيل اتابع مسلسل ٣٠ حلقه ايه فراغ ده
و اشوف ممثلات عفى عليها الزمن
حتى الانجلش بطلتو
رمضان ده شهر القران شهر عباده و غفران شهر عمره و طاعه حتى لو انتا مهمل فى رمضان بتختشى على دمك
مشًتتفرج على مسسلسلات و رامز كلب البحر
تحياتى

**J A G U A R** · 28-06-2014 04:48 AM

طب وكاس العالم اللى مش بيتعوض غير بعد اربع سنين ده هاتعملو فيه ايه هههههه .. اعتقد ناس كتير من اللى قالو مقاطعين هايسمعوه وبالنسبه ليا ان شاء الله مقاطع كل شىء ما عدا كأس العالم والامر لله بقى .

**mcomics** · 30-06-2014 11:54 AM

مقاطع التلفزيون من زمااان، وتقريبا لا بشوف تليفزيون في رمضان او حتى الايام العادية. المسلسلات دي في وجهة نظري طريقة غبية لنشر افكار سطحية و احيانا تفاهات.. والغريب اني الاقي ناس كبار في السن بيتفاعلوا مع الكلام الفارغ ده وبيخدوه كمان مرجع ليهم في حياتهم!!!! ده حتى كان في دراسة كدة اتعملت من فترة اثبتت ان الفرجة على التلفزيون بتخلق متلقي سلبي لانه ما بيقدرش يتفاعل مع اللي بيشوفه او يغير مجري احداثه بعكس مثلا المنتديات او الفيسبوك.