لوجان - صيانة 10000 كم و استكمال التقيم
السلام عليكم الاعضاء المحترمين
انا روحت عملت صيانة العشرة الاف كيلو متر و حبيت احكيلكو على الى حصل معايا
اخدت معاد و رحت قابلني المهندس الي في الاستقبال ...استلم منى العربية و قولتلو على بعض الملاحظات الى عندي و هي كانت كالتالى
1- صوت الموتور
2- صوت زي كركرة يظهر مع التكيف و يختفى عند الضغط على الدبرياج
3-طقطقة فى العفشة الخلفية احيانا عند الركوب و النزول من السيارة
4- كان عندى الاطصدام الى ورا اتخلع من طرفه اليمين
الكلام ده كان 8.30 الصبح قالى على معياد استلام الساعة 2.30 ....الساعة 1 الظهر كلمنى المهندس قالى ان العربية محتاجة تغير طرمبة الميه و لازم تبات عندهم ...
رحت بعديها بيومين (نظرا لظروف شخصية ) استلمت العربية و سألت عرفت انهم غيرو الطرمبة و طقم الكاتينة سألت على تمنهم للعلم انهم بحوالى 1000 جنيه او اكتر طبعا ده كان داخل اضمان
صوت العربية قل شوية بسيطة ...واضح ان الموتور هو كده
حاسس العربية فاقت شوية
طقطقة العفشة و الاكصدام اتظبطوا بصراحة
لكن الحقيقة صوت الي كان بيروح مع دوسة الدبرياج مرحش كلمت المهندس ده تاني و قالى اجيلوه بكرة بس بدرى و نجرب سوه
هو مش عملى مشكلة لأانه بيبان في الاماكن الهادئة لكن بردو عايز اعرف ده ايه
التكاليف
تغير الزيت 220 جنيه و ده سعره بره بالظبط توتال كوارتز 9000
فلتر الزيت 35 جنيه
مصاريف الصيانه 71.5 جنيه
يعني مصاريف صيانة العشرة الاف 326.5 جنيه بدون الضريبة
طبعا دفعت مصنعيات تاني عشان طلباتي حوالي 45 جنيه
بالنسبة لتقيم السيارة : لا جديد عن تقيمى السابق لكن اح اضيف انى في الفترة السابقة سقت اكتر من عربية فا اكتشفت ان البور بتاعي يعتبر تقيل شوية
بس كده ...اتمنى اكون افدت اللوجانوية