الموضوع: حادث ماساوي حصل قدامي عالدائري واستفسار بخصوص طفاية الحريق

المشاركة الأصلية كتبت بواسطة eslamsubaru

أحمد ربنا انك مشيت و بتاع النقل مشى .. انا بقى كنت فى الاتجاه التانى جاى من بنها و رايح على النفق و الطريق و قفوه قبلها ب 100 متر فالاتجاهين لأنهم مقدروش يطفوا النار و العربية و الأوتوبيس انفجروا و شكل الانفجار كان قدام عينينا كلنا الطريقين و الأوتوبيس و العربية اتفحموا بس الحمد لله الناس سليمة .. الكل بس كان بيعيطوا على حاجاتهم اللى بالأوتوبيس و العربية ..
منظر الانفجار لأول وهلة كان مرييييييييع و الناس نزلت من عربياتها و افتكروا ان فيه تفجيرات و لا حاجة ..

لا حول ولا قوة الا بالله . انا مراتي كانت معايا وعمري بقف لاي حاجة طول ماهي معايا بس كنت هحس بذنب لو مشيت والعربيات بتولع والناس محشورة جوه وانا بايدي اني اطلع الطفاية واساعد اني اطفي .. انا كنت عايز اعرف ايه اللى حصل متشكر ليك.. الحمدلله ان كلهم سلام وتووولع العربيات بجاز فداهية المفروض يحمدوا ربهم انه نجاهم والله منظر الحادثة كان فظيع انا شفت حوادث كتير بس اول مرة اشوف حادثة بالبشاعة دي . و واحدة من الاسرة اللى كانت راكبة فالفيات عمالة تندب حظها وتولول . كنت عايز اقولها احمدي ربنا مش بدل لا قدر الله كان حد فيهم محشور جوه والعربية بتولع بيه ؟!!! ربنا يحفظنا جميعا والله الواحد كره الدائري ده وكل طرق مصر القذرة وسواقة الناس الطايشة

الطفايه بتتشحن تانى
سؤال بسيط:
الطفايه حتى لو فضيتها كلها على الحريق ومعاك كمان 4 وما عملتش حاجه ... يبقى ايه لازمتها طالما انها ما جابتش نتيجه
ما فيش حل تانى ينقذنا من الحريق يكون فعال عن الطفايه دى

الحمد لله وقدر الله وما شاء فعل

بس معقول خبطه تكون سبب فى الانفجار . ما هو فيه تصادمات بتبقى شديده جدا والعربيات ما بتولعش . ايه اللى خلى العربيه والاتوبيس يولعوا ؟

سترك يا ستار
نجينا يارب من المهالك

المشاركة الأصلية كتبت بواسطة a7medsh3rawi

الطفايه بتتشحن تانى
سؤال بسيط:
الطفايه حتى لو فضيتها كلها على الحريق ومعاك كمان 4 وما عملتش حاجه ... يبقى ايه لازمتها طالما انها ما جابتش نتيجه
ما فيش حل تانى ينقذنا من الحريق يكون فعال عن الطفايه دى

النار كانت رهيبة ومظنش الطفايات الصغيرة اللى معانا دي تنفع . كان لازم عربية مطافي تيجي وقتها وترش من فوق الاتوبيس وتخمد الحريق . صالون الفيات من جوه نار كثييفة ربنا يحفظنا