الموضوع: حادث ماساوي حصل قدامي عالدائري واستفسار بخصوص طفاية الحريق

السلام عليكم
كل عام وانتم بخير ويا رب تكونوا بخير وصحة وسعادة
النهرده فاتجاهي لبنها وانا ماشي عالدائري بعد نفق السلام قريب من مسطرد . الطريق مرة واحدة بيفترق نصين وحاطين حاجز فالنص وعربية فيات 132 ماشية ومرة واحدة لقى الحاجز قام رامي مرة واحدة على الشمال وكان فيه اتوبيس ميني باص وعلى شمال الاتوبيس نص نقل وانا وراهم
ومرة واحدة لقيت الفيات بيرمي على الاتوبيس والاتوبيس قام خابطه من الشنطة جاامد والاتوبيس عوم وخبط فالنص النقل وكلهم ماشين بعرض الشارع مكلبشين فبعض لان المكان ياخد حارتين بس . انا مسكت فرامل جامد لان اجزاء العربيات المخبوطة كانت بتطير لورا ومرة واحدة كسرت يمين وبعدت عنهم وركنت بعيد ولقيت الفيات والاتوبيس بيولعوا والناس بتخرج من ناحية باب السواق وبيتدافعوا وناحية نزول الركاب عاليمين كانت الفيات محشورة وبتولع معرفش الناس اللى فيها خرجوا ازاي والله منظر يبكي ويقطع القلب والناس بتنط من الشبابيك و واحد كان محشور ورا خالص مصد حريق الاتوبيس ونط قريب من النار على وشه والناس شالوه وانا بطفي بطفاؤة الحريق انا و4 كمان والنار حالفة ما تهدا ولا تقف وفالاخر مشيت وسبتهم عشان كان فيه سواق مقطورة غبى ى ى ى محمل انابيب ونازل يتفرج والناس زعقوا له ومشي . ربنا يحفظنا جميعا يا رب ويكون كل اللى فالعربيتين سلام . بالنسبة لطفاية الحريق كده صلاحيتها انتهت هل بروح اجيب واحدة جديدة ولا بتتملي ؟؟

الطفاية بتتملي عادي
بس المشكلة اللي كتير بيعملوها إن الطفاية بتكون محطوطة في الشنطة في الاخر خالص بعد الحمولة اللي في الشنطة فلو حصل حاجة هيبقي صعب جدا انه يستخدمها بس لو تحت الكرسي الخاص بالراكب الامامي زي ما شفتها في عربيات زيرو السواق هيقدر يستخدمها بنسبة كبيرة